Laesense ya go šomiša tirelo ya poso ye e sego ya beelwa

Ka ga Malebana le laesense go šomiša tirelo ya poso ye e sego ya beelwa

Batho ba poraebete goba ba dikgwebo ba ka dira kgopelo ya laesense go šomiša tirelo ya poso ye e sego ya beelwa.

Ke Kantoro ya Poso ya Afrika Borwa fela ye e ka abago ditirelo tše di latego:

• go romela mangwalo a go ba le diaterese
• go romela dilo tša go kala khilokeramo e tee goba ka fase
• go romela disilintara tša 458 mm goba ka fase, 100 mm ka bokoto le boima bja go fihla go khilokeramo e tee
• go phatlalatša ditempe tša go romela
• go aba tirelo ya go fa mangwalo mekgotheng le diatereseng tša mapokisi.

Ngwadišo e šoma fela lebaka la ngwaga o motee go tloga ka letšatši leo setifikeiti sa ngwadišo se filwego ka lona.

Seo o swanetšego go se dira

1. Tlaša foromo ya kgopelo ka kgatišo tše tharo.
2. Lefa tšhelete ya kgopelo ka tšhelete ya seatleng (kheše), ka tšheke ya panka ye e tiišeditšwego goba phetišetšo ya elektroniki go Kgoro ya Dikgokaganyo, Akhaonte ya Nedbank 1462003206, Lekala 146245, Ref: Tefišo ya ngwadišo.
3. Feksetša foromo ya kgopelo le bohlatse bja tefo go Kgoro ya Dikgokaganyo go 012 427 8536.
4. Akaretša tše di latelago:
   • setifikeiti sa ngwadišo ya kgweboDikhopi tše di kgonthišišitšwego tša ditokomane tša mathomo tša maleba ka moka
   • tshedimošo ya bengdišere le phesente ya dišere tša yo mongwe le yo mongwe
   • tshedimošo ya setheo sa taolo
   • lenaneo la kgwebo ka botlalo.

Go se kgotsofatše tše dingwe tša dinyakwa tše go ka dira gore kgopelo ya gago e se atlege.

Lebaka

Laesense e ka hwetšwa ka morago ga matšatši a 30.

E dira tshenyagelo ya bokae

Ditefišo tša 2020/21

Diforomo tšeo di swanetšwego go tlatšwa

Kgopelo ya ngwadišo ya go šomiša ditirelo tša poso e sego ya beelwa (Application for registration to operate unreserved postal service)

Dintlha tša boikopanyo