Reka diphoofolo, dikgogo tša go phela le dimetheriale tša tšenetiki ka nageng ya ka ntle

Ka ga nageng ya ka ntle

Ge o nyaka go reka diphoofolo, dikgogo tša gophela le dimetheriale tša tsenetiki go swana le  matshedi a peu ya senna le embrio ka nageng ya ka ntle dira kgopelo go Moretšistara wa Kaonafatšo ya Diphoofolo go reka diphoofolo goba dimetheriale wa tšenetiki nageng ya ka ntle. O swanetše go dira kgopelo matšatši a 30 pele o reka ka nageng ya ka ntle.

Gape o swanetše go dira kgopelo ya setifikeiti sa lephelo la phoofolo go tšwa go Molaodi wa Maphelo a Diphoofolo.

Seo o swanetšego go se dira

1. Tlatša diforomo tše di latelago tša kgopelo:
   • Kgopelo ya go reka diphofoolo le dimetheriale tša tšenetiki ka nageng ya ka ntle
   • Kgopelo ya go reka dikgogo/mae ka nageng ya ka ntle
2. Go reka phoofolo ka nageng ya ka ntle, o swanetše go dira tše di latelago:
   • Hwetša setifikeiti go tšwa go moretšistara yo a dumeletšwego ka nageng yeo o rekago diphoofolo ka go yona. Setifikeiti se swanetše go laetša mohuta wa madi wa  DNA a phoofolo le profaele ya phoofolo. Ge o ka palelwa go hwetša setifikeiti se, o tla rwala maikarabelo a go iša phoofolo ye o e rekago ka nageng ya ka ntle ditekong tša DNA ka mo Afrika Borwa. O swanetše go e iša ditekong pele go fela matšatši a 30 morago go fihla.
   • Tumelelo go tšwa go Mokgatlo wa Batswadiši wa Afrika Borwa wa maleba.
   • Kgorametša setifikeiti sa DNA (ge e ba o kgonne go hwetša setifikeiti).
3. Go tsenya embrio ka nageng, o swanetše go dira tše di latelago:
   • Ikopanye le moretšistara yo a dumeletšwego ka mo nageng ye o nyakago go reka dithoto go yona.
   • Moretšistara o swanetše go o fa setifikeiti sa DNA sa phoofolo yeo e šomišitšwego modirong wa go nontšha embrio yeo. O ka se kgone go dira embrio diteko ka mo Afrika Borwa.
   • Tumelelo go tšwa go Mokgatlo ba Batswadiši wa Afrika Borwa wa maleba
   • Kgorametša setifikeiti sa DNA.
4. Go reka dimetheriale tša tšenetiki ka nageng tša ka ntle, o swanetše go dira tše di latelago:
   • Thwala morekiši wa go reka ka nageng ya ka ntle wa dimetheriale wa tšenetiki go tšea, ngwala leina le go swaya dimetheriale tša tšenetiki tše a nyakago go di tsentšha ka mo nageng.
   • Ikopanye le moretšistara yo a dumeletšwego ka mo nageng ye o nyakago go reka dilo go yona.
   • Moretšistara o swanetše go o fa setifikeiti sa DNA le tshedimošo ka botlalo ya phoofolo yengwe le yengwe yeo dimetheriale tša tšenitiki di tšwago go yona.
   • Kgorametša setifikeiti sa DNA.
   • Tumelelo go tšwa go Mokgatlo ba Batswadiši wa Afrika Borwa.
5. Go reka dikgogo goba mae a go nontšhwa nageng ya ka ntle, o swanetše go dira tše di latelago:
   • Ngwalela Molaodi: Ditirelo tša Kalafo tša Diphoofolo lengwalo la go fa mabaka.
   • Lengwalo la gago le swanetše go laetša mabaka a gago a go nyaka go reka nageng ya ka ntle ya mae le dikgogo ka Afrika Borwa.
   • Ikopanye le moabatirelo wa naga ya ka ntle yeo o rekago dikgogo goba mae go yona.
   • Moabatirelo wa naga ya ka ntle o swanetše go o fa setifikeiti sa dikgogo le mae sa go tiišetša maemo a moloko wa mae le dikgogo tšeo.
   • Kgorametša lengwalo la mabaka le setifikeiti sa moabatirelo wa naga ya ka ntle.
   • Ge o lefa ka tšheke goba otara ya poso, e ngwale ka leina la Molaodi-Kakaretšo, Kgoro ya Temo, Dikgwa le Boreahlapi bona aterese ya ka fase.
   • Tefo gape e ka dirwa dikantorong tša Kgoro ya Temo, Dikgwa le Boreahlapi.
   • Referentshe e swanetše go ba leina le sefane sa morekiši.
   • Mo mabakeng a go direla o mongwe kgopelo, o kgopelwa go netefatša gore o lefa ka leina la motho yoo goba leina la khamphani.
   • Bolaodi: Kaonafatšo ya Diphoofolo e tla lebelela kgopelo ya gago le go romela tumelelo ya gago ya go reka nageng ya ka ntle go Molaodi wa Maphelo a Diphoofolo.
   • Dira kgopelo ya setifikeiti sa diphoofolo go tšwa go Molaodi wa Maphelo a Diphoofolo, ka kgopelo ikopanye le bona go (012) 319 7514
   • O swanetše go laetša bobedi ditumelelo go Mohlankedi wa Diphoofolo kua letšibogong la botseno, mmogo le setifikeiti sa lephelo la phoofolo sa mmakgonthe sa go tšwa nageng ya ka ntle ye go rekwago go yona.
   • Ga go na kgopelo ye e tlogo lebelelwa ge go se na bohlatse bja tefo.

Ela hloko: Go tloga botsenong bja letšibogo, dikgogo le mae di sepetšwa ka fase ga kokamelo ya radiphoofolo goba senamelwa sa go tswalelwa ke radiphoofolo wa mmuso.

Lebaka

Go tla tšea matšatši a 30 go šomana le kgopelo ya gago.

E dira tshenyagelo ya bokae

Tariffs 2023/24

Diforomo tšeo di swanetšwego go tlatšwa

Application for the importation of animals and genetic material

Dintlha tša boikopanyo

Kantoro ya bosetšhaba
Mogala: 012 319 7424/34
Fekse: 012 319 7570/7425
Toropo: Pretoria
Profense: Gauteng Aterese ya Bodulo Moago wa Delpen, Magahlanong a Annie Botha Avenue le Union Street, Riviera, Pretoria Aterese ya Poso Moretšistara wa Kaonafatšo ya Diphoofolo, Mokotla wa Poso X138, Pretoria, 0001