Isibawo sokuletha ngeenarheni iinlwana nezinto zejinethiki (ifuzo)

Okuphathelene iinlwana eziphilako, iinkukhu weenthako

Nangabe  ufuna ukungenisa isilwana  esiphilako enarheni,iinkukhu kanye namamethiriyali  weenthako ezifana nembewu yobudoda kanye nombungu  enarheni, faka isibawo kuRejistra wokwenza ngcono iinlwana ukungenisa iinlwana nanyana amamethiriyali weenthako eSewula Afrika. Kufanele ubhadale emalangeni ama-30 ngaphambi kobana ungenise iinlwanezo. 

Kufanele godu ufake isibawo sesitifikeyidi sakadorhodera weenlwana kumNqophisi wamaPhilo weenLwana.

Okufanele ukwenze

1. Zalisa amaforomo weembawo alandelako:
   
   • Isibawo sokungenisa iinlwana kanye namamethiriyali weenthako
   • Isibawo sokungeniswa kweenkukhu/amaqanda
2. Ukungenisa isilwana, kufanele wenze lokhu okulandelako:
   • Thola isitifikeyidi se-DNA kurejistra eyaziwako enarheni leyo othatha  isilwana kiyo. Isitifikeyidi  kufanele sitjengise umhlobo weengazi we-DNA wesilwana kanye nephrofayili yesilwana. Nange ungabhalelwa kuthola isitifikeyidesi, kuzakufuneka bona  ukobana uthathe isilwana osingenisileko leso usise ukobana siyokwenziwa ihlolo le-DNA eSewula Afrika. Kufanele usihlolise hlangana namalanga ama-30 ngemva kobana isilwana sifike.   
   • Imvumo ebuya ehlanganweni efaneleko yeSewula Afrika i- South African Breeder's Society.
   • Faka isitifikeyidi se-DNA (nangabe ukghonile ukuthola isitifikeyidi).
3. Ukungenisa umbungu kufanele, wenze lokhu:
   • Uthintane neRejistra eyaziwako enarheni ofuna ukuwungenisa kiyo.
   • Irejistra kufanele ikunikele isitifikeyidi se-DNA yesilwana esasetjenziselwa ukuzalanisa umbungu loyo. Angeze wahlola umbungu eSewula Afrika.
   • Imvumo ebuya ehlanganweni efaneleko yeSewula Afrika i- South African Breeder's Society.
   • Faka isitifikeyidi se-DNA
4. Ukungenisa enarheni imethiriyali yeenthako zefuzo, kufanele wenze lokhu:
   • Uqatjhe i-ejenti yokungenisa enarheni imethiriyali yeenthako ukobana ibuthelele , ileyibule begodu imerege imethiriyali yeenthako zefuzo ofuna ukuzingenisa enarheni.
   • Thintana neRejistra eyaziwako enarheni ofuna ukuwungenisa kiyo.
   • Irejistra kufanele ikunikele isitifikeyidi se-DNA yesilwana  kanye nemininingwana ezeleko yesilwana ngasinye  amamethiriyali weenthako abuya kiso.  Angeze wahlola  amamethiriyali weenthako  eSewula Afrika.
   • Faka isitifikeyidi se-DNA.
   • Imvumo ebuya ehlanganweni efaneleko yeSewula Afrika i- South African Breeder's Society.
5. Ukungenisa enarheni iinkukhu nanyana amaqanda avundileko. Kufanele wenze lokhu okulandelako:
   • Tlola incwadi  esekela lokho uyitlolele umNqophisi: wemisebenzi yeenlwana ( Veterinary Services).
   • Incwadakho kufanele iveze kuhle iinzathu zokobana kubayini ufuna ukungenisa amaqanda kanye neenkukhu eSewula Afrika.
   • Thintana nomthumeli-pahla wangaphandle othenga kuye iinkukhu namaqanda layo.
   • Umthumeli-pahla wenarha yangaphandle lo kufanele akunikele isitifikeyidi seenkukhu nanyana samaqanda esiqinisekisa ubujamo bobunengi bamaqanda layo kanye neenkukhu lezo.
   • Faka incwadi esekelako kanye nesitifikeyidi esibuya kumthumeli-pahla wenarha yangaphandle.
   • Nangabe ubhadala ngetjhege nanyana ipostal oda, iqalise kumNqophisi maZombe kuDirector-General, Department of Agriculture, Forestry and Fishieries qala isiphande sakhe ngenzasi.
   • Imali ingasbhadalwa ema-ofisini womnyango wezeLimo, amaHlathi kanye neenHlambi kuDepartment of Agriculture, Forestry and Fisheries.
   • Ireferensi kufanele itlole ibizo kanye nesibongo saloyo ongenisa ipahla.
   • Nakwenzeka bona ufakela omunye umuntu isibawo, yenza isiqiniseko sokobana ubhadala ngebizo lakhe nanyana ngekhamphani yebizo lakhe.
   • UmNqophisi i-Directorate, Animal Improvement uzakudlulisa isibawo sakho bese uthumela imvumo yakho yokungenisa enarheni kumNqophisi wamaPhilo weenLwana .
   • Faka isibawo sesitifikeyidi sesilwana kumNqophisi wamaPhilo weenLwana  (iDirector Animal Health), sibawa uthintane nabo kilenomboro (012) 319 7514
   • Kufanele uthumele iimvumo zoke kusiPhathiswa seenLwana endaweni okungenwa kiyo, kanye nesitifikeyidi samambala  sepilo yesilwana  osinikelwa yinarha othumela  kiyo. Asikho isibawo esizakudluliswa ngaphandle kobufakazi bokobana ubhadalile.

Tjheja: Ukusukela endaweni okungenwa kiyo,iinkukhu namaqanda zizakuthuthwa ngaphasi kwelihlo lakadorhodera weenlwana nanyana ngekoloyi evalwe kuhle ngudorhodera wombuso otjheja iinlwana.

Isikhathi esibekiweko

Kuzakuthatha amalanga ma-30 ukobana isibawo sakho sitjhejwe.

Kubiza malini

Tariffs 2023/24

Amaforomo ekufanele uwazalise

Application for the importation of animals and genetic material

Ungathintana nobani

I-ofisi yelizwe
Umtato: 012 319 7424/34
Ifeksi: 012 319 7570/7425
Idorobha: Pretoria
Iphrovinsi: Gauteng Physical addressDelpen Building, Cnr Annie Botha Avenue and Union Street, Riviera, Pretoria Postal addressThe Registrar of Animal Improvement, Private Bag X138, Pretoria, 0001