Dira kgopelo ya naga ya go swara dinare polaseng ya gago

Diforomo tšeo di swanetšwego go tlatšwa

Ka ga go dira kgopelo ya go swara dinare

Ge o nyaka go swara dinare, o swanetše go ngwadiša naga le Kgoro ya Temo, Dithokgwa le Boreahlapi.
O swanetše go hwetša pele tumelelo go tšwa Balaodi ba maleba ba profense ba tša pabalelo ya tlhago.

Seo o swanetšego go se dira

Kgokagana le Ngaka ya Diphoofolo ya mmušo ya lefelo la geno.
- O swanetše go hwetša ditokumente tše di latelago pele ga kgopelo gomme o ye le tšona ofising ya ngaka ya mmušo ya diphoofolo:
- Setifikeiti sa semmušo sa sa maleba sa lefelo seo se ntšhitšwego ke balaodi ba pabalelo ya tlhago.
Kgatišo ya mmepe wo o bontšhago katološo ya maleba ya naga yeo o e kgopelago.
O swanetše go tlatša fomo ya kgopelo pele ga ngaa ya diphoofolo ya mmušo.
Ngaka ya diphoofolo ya mmušo e swametše go lekola naga le magora gomme a kgonthiše maemo a bolwetši a nare.
Hlogo ya ditirelo tša dingaka tša diphoofolo mo profenseng o swanetše go fa bohlatse bja gore didirišwa tšeo di lekanego di gona go lekola maemo moo polaseng kgafetša, le gore mesepelo ka moka ya dinare ka go tsena le go tšwa ka polaseng e ka swarwa ka tshwanelo le gore go tla kgonagala go latela tšeo di sa tlwaelegago kantle ga go senya nako.
Fomo ya kgopelo e swanetše go saenwa ke mong wa phoofolo/molaodi, ngaka ya diphoofolo ya mmušo ya profense le hlogo ya ditirelo tša dingaka tša diphoofolo mo profenseng . Hlogo ya ditirelo tša diphoofolo mo profenseng di swanetše o swanetše go Lefapa la Maphelo la Diphoofolo.
Bahlankedi Kgorong ya Temo, Dithokgwa le Boreahlapi ba fa nomoro ya semmušo ya boingwadišo, ba hlakanya tshedimošo registareng ya dinare ya setšhaba gomme ba gatišetša mong wa naga setifikeiti sa boingwadišo. Setifikeiti se romelwa go ngaka ya diphoofolo ya mmušo yo a rometšego kgopelo. O ka tšea setifikeiti go ngaka ya diphoofolo ya mmušo ya lefelo la geno.

Lebaka

Nako ye e beilwego ya tumelelo ya kgopelo ka Balaodi ba Ngaka ya Diphoofolo ya Mmušo ya Profense e fapana go tloga go profense ye nngwe go ya go ye nngwe.
Ge kgopelo e amogetšwe Lefapeng la Maphelo la Diphoofolo, tshepedišo ya ngwadišo e ka tšea tekano ya matšatši a mošomo a lesome.