Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nesibawo sokutloliswa kwenarha ukwenzela ukufuya inyathi
Nayikuthi ufisa ukufuya inyathi, kufuze kokuthoma utlolise inarha nomNyango wezokuLima, amaHlathi neenHlambi.
Kokuthoma kufuze ufumane imvumo ebuya eemphathimandleni ezifaneleko zephrovinsi zokubulungwa kwemvelo.
Okufanele ukwenze
- Thintana nodorhodera weenlwana wombuso wendawo begodu ubekise ilanga lokubonana.
- Kufuze ufumane imitlolo elandelako ngaphambi kokwenza isibawo begodu uyise e-ofisini lakadorhodera weenlwana wombuso:
- Isitifikethi sangokomthetho sendawo evalekileko esikhutjhwe ziimphathimandla zokubulungwa kwemvelo.
- Ikhophi yomebhe otjengisa ubukhulu benarha eyenzelwa isibawo.
- Kufuze uzalise iforomo lesibawo phambi kwakadorhodera weenlwana wombuso.
- Udorhodera weenlwana wombuso kufuze ahlole inarha nesibiyelo begodu aqinisekise ubujamo bobulwelwe benyathi.
- Ihloko yemisebenzi yokulatjhwa kweenlwana ephrovinsini kufuze ifakaze bonyana imithombo eyaneleko iyatholakala ukwelusa ubujamo eplasini njalo, nokobana yoke imikhambo yenyathi ukungena nokuphuma eplasini izakulawulwa ngefanelo begodu kuzakukghoneka ukulandelela okungakajayeleki ngaphandle kokuriyada.
- Iforomo lesibawo kufuze litlikitlwe mnikazi/mphathi, ngudorhodera weenlwana wephrovinsi nehloko yemisebenzi yokwelatjhwa kweenlwana ephrovinsini. Ihloko yemisebenzi yokwelatjhwa kweenlwana yephrovinsi kufuze ithumele isibawo kumNqophisi wezokuPhila kuhle kweenLwana.
- Iimphathiswa emnyangweni zinikela ngenomboro yokutloliswa yangokomthetho, zifake ilwazi erejisteni yesitjhaba yenyathi begodu zenzele umnikazi wenarha isitifikethi sokutloliswa kwenarha. Isitifikethi sithunyelwa kudorhodera wombuso wokwelatjhwa kweenlwana olethe isibawo. Ungayokuthatha isitifikethi kudorhodera weenlwana.
Isikhathi esibekiweko
Isikhathi sokuvunywa kwesibawo ziimPhathimandla zePhrovinsi zemiSebenzi yeenLwana zihluka iphrovinsi nephrovinsi.
Nasele isibawo sifunyenwe ebuNqophisini bokuPhila kuhle kweenLwana, ikambiso yokutloliswa ingathatha pheze amalanga wokusebenza alitjhumi.
Amaforomo ekufanele uwazalise
Application for the registration of land for keeping buffalo [MSWord]