Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene mayelana nesibawo sokusebenzisa iphemidi ehlonyiweko yekambiso yehlambi
Ukuzibandakanya ekambisweni yokuhloma iHlambi (i-FPE), kufanele kube uphethe iphemidi ye-FPE. Ungafaka isibawo kwaphela mayelana nephemidi ye-FPE lokha nawunelungelo ngokwesimemo kuGazede kaRhulumende.Yeke, umNyango wezeLimo, amaHlathi kanye neenHlambi njenganje wamukela iimbawo mayelana nalabo abangabhadaliswako ukobana basebenzise i-FPE.
I-FPE yikoloyi, sikepe, ziindawo, nanyana indawo lapha isithako nanyana i-athikili ekhiqizwa khona ngehlambi. Isithako singakhiqizwa ngenye nenye indlela, efana nokusika, ukwenza iintokana, ukuhlukaniswa kweengcenye, ukuhlwengisa, ukuhlela, ukwenza umjeje kanye nokubulunga ihlambi. Ukuhlonywa kufaka godu indawo lapha ifesi ifakwa khona emabhlegeni, ipakwa khona, yonyiswa khona, ilungiselelwa khona, ithelwa itswayi, irhahliswa khona, yenziwa irhwaba nanyana yenzelwa ukuthengiswa ngaphakathi nanyana ngaphandle eSewula Afrika.
Ikambiso yokuhlola izakuthoma ngemva kwelanga elibekiweko mayelana neembawo. umNyango wezeLimo, amaHlathi kanye neenHlambi uzakumemezela imiphumela. Nangabe unikelwa ilungelo le-FPE, kufanele ufake isibawo sephemidi yokusebenzisa i-FPE begodu wanelise iindingo zayo ukobana uthole iphemidi.
UNgqongqotjhe uzakuphumelelisa ukungabhadaliswa kwe-FPE ngaphasi kwemibandela ekhethekileko. Nangabe uvunyelwa bona ungabhadaliswa i-FPE yeke kufanele ufake isibawo sephemidi yokusebenzisa i-FPE.
Okufanele ukwenze
Ikambiso yeeMbawo zamaLungelo:
- Nangabe isibawo sikhutjhwe kuGazede kaRhulumende, kufanele uye kusentha esabalalisako ezakumenyezelwa nesimemo kugazede.
- Ngokuyelela, funda bese wenza isiqiniseko sokobana uyaneliseka ngeendingo kanye neibandela.
- Bhadala imali eqintiweko ongabuyiselwa yona ezakumenyezelwa kugazede.
Ikambiso yesibawo sokungabhadaliswa:
- Umfakisibawo kufanele afake isibawo sokungabhadaliswa ngokobana atlole iinsekelo ezizeleko.
- Iinsekelo kufanele ziposelwe kumNyango ku Private Bag X2, Roggebaai, 8012.
Ikambiso yesibawo sephemidi:
- Zalisa, tlikitla bese uthumela iforomo lesibawo sephemidi sibe nemininingwana elandelako:
- incwadi kamazisi eqinisiweko (i-ID)
- Incwadi egunyazako ebuya kumnikazi welungelo ekukhethako bona ufake isibawo ngokujamela itlayendi/umnikazi welungelo.
- Ikhophi eqinisiweko yemitlolo yokurejistara ikhamphani
- Isitifikeyidi samambala esigunyaza umThelo se-SARS
- Ubufakazi bokuba mnikazi nanyana isivumelwano sokuqatjhisa mayelana ne-FPE(lapha kukghoneka khona, isib.kileyondawo)
- Ikhophi eqinisiweko yeemvumelwano zokuthumela nomthumelipahla wemikhiqizo okufanele ikhanjiswe
- Lapha kukghoneka khona, isitifikeyidi esinikelwa mLawuli weliZwe mayelana nemiThetho eKatelelwako
- Nangabe ihlambi yenzelwe ukobana idliwe babantu, isitifikeyidi sokwamukela mayelana nendawo yokudla okubuya eendaweni eziseduze/ukugunyazwa yiphrovinsi kufanele kutholakale kanye nekhophi eqinisiweko yesamambala esifakiweko (kileyo ndawo) (kwaphela nangabe sikhona)
Isikhathi esibekiweko
Ukungabhadaliswa i-FPE kanye nesibawo sephemidi singathatha inyanga yi-1 ukuya kwezi-3 kulawulwe kutlolwa kuhle kwencwadi esekelako kanye nesibawo sephemidi kanye nemitlolo esekelako.
Amaforomo ekufanele uwazalise
Tjhinga kumNyango wezeLimo, amaHlathi kanye neenHlambi eCape Town: ISentha yemiSebenzi wamaKhastama, Ground Floor, Foretrust Building, Martin Hammerschlag Way, Foreshore, Cape Town mayelana nelwazi lokuthola isibawo sephemidi yokusebenzisa i-FPE nanyana iya endaweni yokusabalalisa ezakumenyezelwa mnyango lokha isimemo sesibawo selungelo sizakukhutjhwa kuGazede kaRhulumende.
Fisheries Customer Service Centre:
Tel 086 000 3474 / 021 402 3443
E-mail: cscenquries@environment.gov.za
Physical address: Ground Floor, Foretrust Building, Martin Hammerschlag Way, Foreshore, Cape Town 8000
Postal address: Department of Agriculture, Forestry, and Fisheries, Private Bag X2, Roggebaai, Cape Town, 8012
