Isibawo semvumo yokuthumela ngaphandle iimfesi ngomnqopho wokwenza imali

Okuphathelene nesibawo sephemidi yokuthumela iinhlambi kwezinye iinarha ngokomnqopho wokuzithengisa

Ukuthumela iinhlambi eenarheni zangaphandle, ezifana nehlambi imarine ukobana uzokwenza inzuzo; kufanele ufake isibawo sokuthola iphemidi kumNyango wezeLimo, amaHlathi kanye neenHlambi. 

Nangabe ufaka isibawo sephemidi yokuthumela lemihlobo yeenhlambi eenarheni zangaphandle, ibigeye tuna,i-southern bluefin tuna, i-swordfish, i-Antarctic toothfish, kanye nePatagonian toothfish,kufanele ufake umtlolo weembalobalo ofaneleko wokubamba mayelana nomthwalo ngamunye. Imitlolo yeembalobalo zokubamba iyatholakala kumNyango wezeLimo, amaHlathi kanye neenHlambi, iGatja: ukuPhatha iinHlambi (Department of Agriculture, Forestry and Fisheries, Branch: Fisheries Management).

Tjheja: iphemidi yokuthumela kwezinye iinarha le iphelelwa sikhathi ngemva kweenyanga ezintathu begodu ayifaki ihlambi ehlala emanzini afretjhi. Kufanele ufake isibawo sephemidi etja lokha nasele iphelelwe sikhathi. Ukubhalelwa kukhambisana nemibandela yephemidi kungaphetha ngokuthi ijanyiswe nanyana isulwe.

Mayelana nokuthumela imihlobo yeenhlambi kwezinye inarha ezirhenyiswe yi-CITES (IsiVumelwano sokuRhweba neenarha zangaphandle ngemiHlobo engatholakali lula) ungathintana nomNyango weeNdaba zeBhoduluko. 

Okufanele ukwenze

1. Yazisa igatja eliseduze nawe lamaZinga weBhuro yeSewula Afrika (i-SABS) mayelana nomthwalo wakho owuthumela kwenye inarha nangabe ihlambi ofuna ukuyithumela kwenye inarha ayisifretjhi begodu ayisiyo edliwa babantu; nangabe ihlambi ifretjhi begodu ingedliwa babantu, kufanele wazise indawo yobungeno bezamaPhilo.   
2. Tjhinga kumNyango wezeLimo, amaHlathi , kanye neenHlambi eCape Town: Ground Floor, Branch: AbaPhethe iinHlambi, Foretrust Building, Martin Hammerschlag Way, Foreshore, Cape Town ukuthola isibawo sephemidi yokuthumela ihlambi enarheni yangaphandle
3. Zalisa amaforomo weembawo ufake ilwazi elilandelako:
   • isiphande sesitrada salabo abangenisa enarheni lapha kusiwa khona    
   • amabizo avamileko namabizo wobusayensi  wemihlobo ethunyelwa kwenye inarha    
   • ubunengi bemihlobo ethunyelwa enarheni yangaphandle
   • amakhophi wemitlolo yokubamba yeembalobalo  kufanele inikelwe kiwo woke imihlobo le yeenhlambi  ibigeye tuna, isouthern bluefin tuna, iswordfish, i-Antarctic toothfish, kanye ne- Patagonian toothfish ethunyelwa kwenye inarha ngaphasi kwephemidi yangaphambilini yokuthumela kwenye inarha
   • umtlolwakho kamazisi (i-ID) kanye nemitlolo yokurejistara mayelana nekhamphanakho, ibhizinisi nanyana ithrasti
   • amaphemidi wokuthumela kwezinye iinarha asemthethweni abuya kumNyango wezeRhwebo kanye neBubulo nanyana izaziso zephemidi (i-ITAC)   
   • Isitifikeyidi sokususa umthelo njengombana siphunyeleliswa miSebenzi yeRevenyu eSewula Afrika(i-SARS).    
4. Lapha kutholakala khona bona i-ejendi iyabangakanyeka, isivumelwano phakathi kweenqhema ezimbili kufanele naso sifakwe kanye namakhophi we-ID walabo abatlikitlileko 
5. Nangabe unephemidi yelungelo lokuthiya iinhlambi, kufanele uthumele lokhu okulandelako:
   • ubufakazi bokuthumela kanye nesiphande sesitrada sabathuthi behlambi yemarine ethunyelwa kwezinye iinarha
   • amabizo avamileko kanye namabizo wobusayensi wemihlobo okufanele ithunyelwe eenarheni zangaphandle
   • ubunengi bemihlobo ethunyelwa eenarheni zangaphandle.
6. Bhadala imali equntiweko kile-akhawundi elandelako
   Ibhanga: First National Bank
   Inomboro ye-akhawundi: 62123256382
   Umhlobo we-akhawundi: Current
   Ibizo le-akhawundi: Marine Living Resources Fund
   Ibizo leGatja: Corporate Account Service Cape Town
   Ikhowudu yeGatja: 204109
   Bethela kusentha yemisebenzi mayelana nereferensi kilenomboro (021 402 3911/ 021 402 3081/ 021 402 3670)
7. Thumela amaforomo weembawo kumNyango wezeLimo, amaHlathi kanye neenHlambi: Private Bag X2, Roggebaai, Cape Town, 8012.  Kufanele upose nanyana uthumele iimbawo zamambala; nawungenzi njalo angeze wanikelwa iphemidi.

Isikhathi esibekiweko

Kungatha amalanga ali-7 womsebenzi nanyana amanengi, kulawulwe kukwenziwa kuyhle kwesibawo nokuqinisekisa ukubhadala.

Kubiza malini

Iimbadela zango-2017/18

Amaforomo ekufanele uwazalise

Tjhinga kumNyango wezeLimo, amaHlathi kanye neenHlambi eCape Town: Ground Floor, BranchIGatja: ukuPhatha iinlambi, Foretrust Building, Martin Hammerschlag Way, Foreshore, Cape Town ukobana uthole iforomo lesibawo mayelana nephemidi yokuthumela iinhlambi kwezinye iinarha.

Ungathintana nobani