Isibawo sokutlolisa ikhaya labantwana

Okuphathelene nokutlolisa iHlangano engenziNzuzo

Nangabe ihlangano yakho awukayenzeli ukuthola inzuzo begodu akusiyo karhulumende, ungenza isibawo sokuyitlolisa. Ungaletha isibawo sokutlolisa ihlangano engenzinzuzo ema-ofisini womNyango wezokuThuthukiswa koMphakathi wePhrovinsi.

Tlolisa ihlangano yakho ukuze yamukeleke begodu ithembeke emehlweni wabanikela ngemali.

I-NPO ifaka hlangana amathrasti, amakhampani kunye nezinye iinhlangano ezihlelelwe umphakathi.

Ukutlolisa i-NPO kuyimbuyiselo ngombana isitifiketi sayo:

• 
  Sikhulisa ukwethembeka namathuba wokuthola irhelebho lemali.
• 
  Linikela ihlangano yakho ithuba lokuvula i-akhawundi yebhanka
• 
  Irhelebha ihlangano yakho ngembuyiselo zomthelo

Iimfuneko zokutlolisa, Ukuze utlolise kumele ube ngilaba abalandelako:

• 
  IHlangano engasiyoMbuso (Non-Governmental Organisations) i-NGO
• 
  Ihlangano yoMphakathi (Community-Based Organisations) i-CBO
• 
  Ihlangano yezeKolo (Faith-Based Organisations) i-FBO

Okufanele ukwenze

• 
  Zalisa iforomo lesibawo le-NPO ulithumele ema-ofisini aseduze nawe wezokuThuthukiswa koMphakathi.
• 
  Letha iforomo elizalisiweko le-NPO likhambisane namakhophi wemitlolo yokutlanywa kwehlangano
  • 
    ithrasti– isivumelwano sokwethembana kunye nencwadi yokugunyaza evela ekhotho
  • 
    Isigaba 21 – isitifiketi sokuhlanganisa kunye nesaziso esitloliweko sekhampani kunye nemitlolo ehlathulula ngehlangano
  • 
    Ihlangano ezinikeleko – Umthethosisekelo

• 
  Imitlolo yokutlanywa kwehlangano eyi-NPO kumele ibe nokuqalelela isigaba 12 (A-O) somThetho weHlangano engenziNzuzo, 1997. Nangabe awukwenzi lokho isibawo sakho angeze saphumelela.
• 
  Nangabe aweneliseki ngokwaliwa namkha ukwesulwa kwesitifiketi sehlangano yakho, ungadlulisela umlandu lowo kubalamuli.
• 
  Nasele itlolisiwe, ihlangano yakho kuzakufuneka bonyana ilethe iripoti yayo ngemva kwenyanga ezilithoba ngemva komnyaka wawo weemali. Iripoti yomnyaka kumele ibe neripoti  ehlathulula koke kunye neemali.  
• 
  Ungaletha isibawo sakho ema-ofisini aseduze womNyango wezokuThuthukiswa komPhakathi ku:

The Directorate

Non-profit organisations

Department of Social Development

Private Bag X901

Pretoria

0001

Namkha  ungayisa khona kwa:

Department of Social Development

134 Pretorius Street

HSRC Building

Pretoria

TJheja:

• 
  Kulicala elibomvu bonyana ihlangano isebenze sengathi itlolisiwe njenge-NPO.
• 
  Iminyango karhulumende inikela ngesikhwama emisebenzini ehlukahlukeneko.

Isikhathi esibekiweko

• 
  Kungathatha iinyanga ezimbili ukusebenzana nesibawo sokutlolisa.
• 
  Nasele isibawo sitholakele, umnyango uzakuthumela incwadi ezakwazisa ngokutholakala kwesibawo sakho, ngemva kwalokho kuzakukhitjhwa isitifiketi nangabe isibawo sakho sinakho koke okufunekako ngokuya ngokomThetho weeNhlangano ezingenziNzuzo, 1997.

Kubiza malini

Umsebenzi lo uwenzelwa simahla.

Amaforomo ekufanele uwazalise

(Amaforomo anikelwa ngendlela ye-PDF. Ukuvula imitlolo ye-PDF, utlhoga ukuba ne-Adobe Acrobat Reader 4 namkha engaphezulu kwayo bona ifakwe ekhompyutheni yakho.)

Isibawo sokutlolisa kwehlangano engenziNzuzo

Ungathintana nobani

Department of Social Development provincial offices contact list.