Vha nga khwaṱhisedza ndalukanyo dzavho dza pfunzo kha Dathabeizi ya Lushaka ya Rekhodo dza Vhagudiswa (NLRD) nga kha SAQA VeriSearch kha Mannḓalanga a Ndalukanyo dza Afurika Tshipembe (SAQA). Arali vha mutholi, vha nga khwaṱhisedza ndalukanyo dza vhashumi vhavho kha dathabeizi. Arali vha tshi khou ṱoḓa u sedza zwidodombedzwa zwavho vhone vhaṋe, vha ḓo wana rekhodo yo fhelelaho ya zwe NLRD ya vha farela zwone.
Musi maṅwe madzangano a tshi khwaṱhisedza zwidodombedzwa zwavho sa mugudiswa, vha tea u vhudzisa mbudziso yo livhanaho na zwezwo (uri ndi ndalukanyo ifhio, tshiimiswa na datumu). Phindulo ya SAQA i vha ya uri “yo wanala” kana “a yo ngo wanala” zwi tshi elana na zwidodombedzwa izwo fhedzi.
Kha vha ye kha SAQA VeriSearch u wana vhuṱanzi vhunzhi ha uri vha khwaṱhisedza hani ndalukanyo dzavho dza pfunzo.