Khumbelo ya thendelo ya u ṱunḓa khovhe u itela vhuḓimvumvusi

Ngaha u ita khumbelo ya u ṱunḓa khovhe dza vhuḓimvumvusi

Uri vha tendelwe u ṱunḓa khovhe, sa khovhe ya marine dza vhuḓimvumvusi, vha fanela u ita khumbelo kha Muhasho wa Vhulimi, Maḓaka, na Vhufuwakhovhe. Minisṱa wa Vhulimi, Maḓaka na Vhufuwakhovhe kana vhulanguli ho hweswaho maanḓa a u fha dziphemithi. A vha tendelwi u rengisa khovhe dzo ṱunḓiwaho fhedzi vha nga dzi shumisela vhone vhaṋe kana u shumisa.

Vha fanela u ita khumbelo hu tshe ho sala vhege mbili uri vha ṱuwe u itela u tshimbidza zwithu A vha tendelwi u ṱunḓa khovhe dza vhuḓimvumvusi vha sin a phemithi ya u ṱunḓa. A vha faneli u vha na phemithi ya u rea, fhedzi ha, vha vhe na vhuṱanzi uri vha na pemithi ya tshiḽelisi ya vhuḓimvumvusi (hu na mugumo wa bege nthihi ya zwiḽelisi (bait) zwine zwa nga hwaliwa nga ḓuvha) kana tshiḽipi tsha tshiḽelisi tshe vha tshi renga.

Zwitevhelaho a zwo ngo tendelwa u ṱunḓiwa:

• A vha tendelwi u ṱunḓa tshaka dza zwi re kha mutevhe wa Convention on International Trade in Endangered Species (CITES) (uri vha ḓivhe zwinzhi malugana na CITES, vha dalele www.cites.org.za.
• Arali vha tshi khou ṱunḓela khovhe u ḽa kana u shumisa vhone vhaṋe, phemithi i ḓo shuma lwa tshifhinga tsha lwendo lwa u ya na u vhuya kha shango ḽine vha khou ṱunḓa khaḽo.
• A vha tendelwi u ṱunḓa khovhe dza marine dzine dza kha ḓi tshila.

Vha dzhiele nzhele. Phemithi ya u ṱunḓela vhuḓimvumvusi a i kateli khovhe dza maḓini avhuḓi.  U kundelwa u tevhedza maga a phemithi zwi nga ita uri i fheliswe kana u phumulwa.

Zwine vha tea u ita

1. Vha ye kha Muhasho wa Vhulimi, Maḓaka, na Vhufuwakhovhe wa Kapa. Ground floor, Foretrust Building, Martin Hammerschlag Way, Foreshore, Cape Town vha wane fomo ya Khumbelo ya u vhambadzelwa khovhe.
2. Vha ḓadze fomo dza khumbelo nga zwidodombedzwa zwi tevhelaho:
   • Datumu ya u ṱuwa na u vhuya Afrika Tshipembe
   • Dzina ḽa shango ḽine vha khou ya khaḽo
   • Vha ḓivhadze mukano wa u bva une vha ḓo u shumisa vha tshi vhuya Afrika Tshipembe
   • Vha ḓivhadze uri khovhe dzavho dzi ḓo ṱunḓiwadzi kha tshivhumbeo ḓe (dzo xwatuswa/dzo rothodzwa dzi thethe/nz)
   • Khophi yo ṱanzielwaho ya ḽiṅwalo ḽa vhuṋe ḽa muṅwe na muṅwe wa vhahumbeli
3. Vha badele mbadelo yo randelwaho kha akhaunthu i tevhelaho:
   • Bank: First National Bank
   • Account number: 62123256382
   • Account type: Current
   • Account name: Marine Living Resources Fund
   • Branch name: Corporate Account Service Cape Town
   • Branch code: 204109
   • Lushaka lwa Akhaunthu Dzina ḽa Muṋe wa Akhaunthu Dzina ḽa Davhi Khoudu ya Davhi Vha founele tshumelo ya dzikhasiṱama uri vha fhiwe referentsi (0860 000 3474)
4. Vha nambatedze zwi tevhelaho kha fomo ya khumbelo:
   • Vhuṱanzi ha mbadelo (tshiḽipi tsha u dibositha banngani tsha mbadelo ya R505 nga muhumbeli)
   • Vhuṱanzi ha ḓiresi ya fhethu, luṱingo, nomboro ya fekisi na ḓiresi ya imeiḽi ya Afrika Tshipembe
   • Khophi yo ṱanzielwaho ya ḽiṅwalo ḽa vhuṋe
5. Vha rumele fomo dza khumbelo kha Muhasho wa Vhulimi, Maḓaka na Vhufuwakhovhe: Private Bag X2, Roggebaai, Cape Town, 8012. A vha tendelwi u fekisa kana u imeiḽa khumbelo yavho.

Tshifhingambekanywa

Zwi nga dzhia maḓuvha a 7 a mushumo kana u fhira, tenda ha vha ho itwa khumbelo nga nḓila yone na khwaṱhisedzo ya mbadelo.

Zwi ita vhugai

Customer Service Centre

Fomo dzi no tea u ḓadzwa

Vha ye kha Muhasho wa Vhulimi, Maḓaka, na Vhufuwakhovhe wa Kapa. Ground floor, Foretrust Building, Martin Hammerschlag Way, Foreshore, Cape Town vha wane fomo ya Khumbelo ya u vhambadzelwa khovhe.

Vha kwama inyi