Khumbelo ya tshifhinga nyana ya u renga na u vhambadzela nnḓa hu na zwe vha tou sedza khazwo

Ngaha

Zwine vha tea u ita

Tshifhingambekanywa

Zwi ita vhugai

Fomo dzi no tea u ḓadzwa

Vha kwama inyi

Ngaha u ita khumbelo ya tshifhinga nyana  ya u renga na u vhambadzela nnḓa  hu na zwe vha tou sedza khazwo  

Arali vha tshi khou ṱoḓa u renga kana u vhambadzela nnḓa zwifuwo lwa tshifhinga nyana ngomu kana nnḓa ha Afrika Tshipembe hu na zwe vha tou sedza khazwo zwi ngaho sa maṱano, zwa u guda/tshumelo ya zwa zwifuwo, vha tea u ita khumbelo  uri vha ṋewe phemithi ya khwiniso ya zwifuwo u bva kha Muṅwalisi wa Khwiniso ya Zwifuwo. 

Vha tea u ita khumbelo ya phemithi ya u renga zwifuwo u bva nnḓa kha Tshiimiswa tsha Mutakalo wa Zwifuwo na Ṱhanziela ya zwa Mutakalo wa Zwifuwo u bva kha shango ḽine ḽa khou rengiselwa.

Vha tea u ita khumbelo maḓuvha a 30 phanḓa ha musi vha tshi renga/kana u vhambadzela nnḓa. 

Zwine vha tea u ita

1. Kha vha ḓadze fomo ya khumbelo: Khumbelo kha u renga/kana u vhambadzela nnḓa zwifuwo hu na zwe ha tou sedzwa khazwo (maṱano).
2. Arali hu u renga zwifuwo u bva nnḓa u itela ngudo/ tshumelo ya zwa zwifuwo, vha tea u vha na :
   • Ṱhanziela u bva kha Muṅwalisi a ḓivheaho kha shango ḽine vha khou renga zwifuwo u bva khaḽo. Ṱhanziela itea u sumbedzisa lushaka lwa malofha nga kha DNA ya tshifuwo tshenetsho na zwidodombedzwa zwa tshifuwo.  
3. Themendelo nga Tshigwada tsho teaho tsha Vhafuwi vha Afrika Tshipembe nga maanḓa ho sedzwa kha zwifuwo zwa migado. 
4. Hu nga kha ḓi badelwa nga tsheke kana posiṱaḽa oda yo livhiswa kha:
   • Mulangi Muhulwane: Director General: Muhasho wa zwa Vhulimi, zwa Maḓaka na Vhureakhovhe,  ine i nga rumelwa na fomo dza khumbelo.
     Standard Standard ya Afrika Tshipembe
     Davhi : Arcadia
   • Nomboro ya akhaunthu: 011219556
     Khoudu ya davhi: 000845/ 010845
     Dzina na tshifani zwi tea u shumiswa u sumbedza mubadeli.
5. Dzitshadzhisi dza bannga ndi vhuḓifhinduleli havho naho arali dzi dza Bannga  dza Nnḓa. Muhasho a u nga ṋetshedzi phemithi arali masheleni a  R302 a songo badelwa a fhelela.
6. Mbadelo dzi nga kha ḓi itwa ofisini dza Muhasho wa zwa Vhulimi, zwa Maḓaka na Vhureakhovhe  sa zwe zwidodombedzwa zwa ṋetshedziswa zwone.
7. Hune vha vha  vha tshi khou itela khumbelo muṅwe, vha humbelwa uri vha vhe na vhuṱanzi ha uri vha khou badela nga dzina ḽa onoyo muthu kana dzina ḽa khamphani. Uri hu ḓivhee uri murengi ndi nnyi kha vha sumbedzise nga u ṅwala dzina na tshifani tshavho.   
8. A huna khumbelo ine ya ḓo tshimbidzwa hu si na khwaṱhisedzo ya mbadelo. Vha rumele fomo dzo ḓadzwaho na vhuṱanzi ha u khwaṱhisedza mbadelo kha:
   Mulangi Muhulwane: Mutakalo wa zwa Zwifuwo
   Yunithi ya u Renga na u Vhambadzela Nnḓa Private Bag X138
   Pretoria
   0001
   Afrika Tshipembe
   Kana  vha  fakisele kha (012) 319 7570/7425
9. Ho no ṱanganedzwa fomo dzo ḓadzwaho na khwaṱhisedzo ya mbadelo, phemithi ya khwiniso ya zwifuwo i ḓo ṋetshedzwa ya fhiwa Mulangi wa Mutakalo wa Zwifuwo uri a ṋetshedze phemithi ya zwa u renga zwifuwo u bva nnḓa.    
10. Nga murahu ha musi vho no ita khumbelo ya phemithi ya khwiniso ya u renga zwifuwo nnḓa, vha tea u ita khumbelo ya  u renga zwifuwo nnḓa  u bva kha Mulangi wa Mutakalo wa Zwifuwo. U itela u vhudzisa malugana na khumbelo ya  u renga zwifuwo nnḓa  ,vha humbelwa u founele (012) 319 7514. 
11. Kha Tshiimiswa tsha Khwiniso ya zwifuwo hu ḓo tshimbidziwa khumbelo yavho vha vha fha ṱhanziela ine ya ḓo iswa kha Tshiimiswa tsha Mutakalo wa Zwifuwo u itela khumbelo yavho ya  u renga zwifuwo nnḓa.
12. Vha tea u ita khumbelo ya ṱhanziela ya zwifuwo u bva kha Mulangi wa Mutakalo wa Zwifuwo. 
13. Dzoṱhe phemithi dza vhukuma dzi tea u ṋetshedzwa Muofisiri wa Zwa Zwifuwo  kha vhuimangalavha ha u dzhena, kathihi na Ṱhanziela ya vhukuma ya zwa Mutakalo wa Zwifuwo nga shango ḽine ḽa khou  rengiselwa.
14. Kha vha ṱhogomele: Khumbelo dzi songo fhelelaho dzi ḓo humiselwa kha muhumbeli na uri a huna vhuḓifhinduleli vhune ra ḓo vhu hwala kha u khakhisiwa hune ha do vha hone.  

Tshifhingambekanywa

Zwi ḓo dzhia maḓuvha a 30 u tshimbidza khumbelo yavho.

Zwi ita vhugai

R220

Fomo dzi no tea u ḓadzwa

Application to import/export animals for certain purposes

Vha kwama inyi