Khumbelo ya u vha mulondoti wa ṅwana asi wau nga mbebo

Nga ha u ita khumbelo ya u adoptha ya lushaka

Arali vha tshi khou ṱoḓa u adoptha ṅwana kha ḽa Afrika Tshipembe, vha fanela u ya kha zhendedzi ḽa u adoptha ḽine ḽa ḓo vha sedzulusa na u vha thusa u wana ṅwana o lindelaho u adopthiwa.

Vha nga ita khumbelo ya u adoptha kha lushaka arali vha mudzulapo wa Afrika Tshipembe ane a dzula Afrika Tshipembe vha tshi ṱoḓa u adoptha ṅwana wa Afrika Tshipembe.

Zwine vha tea u ita

1. Kha vha ye kha zhendedzi ḽa u adoptha kha vundu ḽiṅwe na ḽiṅwe ḽine vha funa u ita khumbelo.
2. Zhendedzi ḽa u adoptha ḽi ḓo ita tsedzuluso / u sedzulusa haya havho u ṱoḓisisa arali vha tshi fanelwa na u vha ane vha nga adoptha ṅwana.
3. Arali zhendedzi ḽo fushea nga mvelele, ḽi ḓo vha ṅwala kha redzhisiṱara ya vhana vhane vha adopthea na vhabebi vhane vha Adoptha ‘Adoptable Children and Adoptive Parents’ (RACAP) vha tshi khou vha thusa u ṱoda ṅwana o lindelaho u adopthiwa.
4. Arali ṅwana a hone, vha ḓo vha vhidza ofisini u ya u vhona ṅwana khathihi na u vhudzisa arali vha na dzangalelo ḽa u adoptha ṅwana uyo
5. Arali vha tshi tendelana nazwo, vha ḓo rumela muvhigo wavho kha khothe ya Vhana u khunyeledza u adoptha uho na u ṋea ndaela ya u adoptha.
6. Muvhigo wa Khothe u ḓo rumelwa kha Muhasho wa Mveledziso ya Matshilisano uri u sedzuluse maitele o tevhelwaho na u rekhoda zwidodombedzwa zwavho na zwa uyo ṅwana.

Tshifhingambekanywa

Zwi a fhambana zwi tshi ya nga kheisi.

Zwi ita vhugai

Vha nga ita mbadelo kha tshiimiswa tsha tsireledzo ya vhana tsho tendelwaho maelana na u a doptha kha ḽiṅwe shango.

Fomo dzi no tea u ḓadzwa

Fomo dzoṱhe dzi a wanala kha ofisi ya Muhasho wa Mveledziso ya Matshilisano ya tsini na ha havho.

Vha kwama inyi

Mutevhe wa nomboro dza ofisi dza Muhasho wa Mveledziso ya Matshilisano dza vunḓu