Tsarisa vandla ra dyondzo ya le henhla ro ka ri nga ri ra mfumo

Hi

Leswi u faneleke ku swi endla

Leswi u faneleke ku swi endla

Xana swi durha mali muni

Tifomo leti tatiwaka

Vuxokoxoko bya vutihlanganisi

Mayelana na ku tsarisela vandla ra dyondzo ya le henhla

Xana u lava ku nyika dyondzo ya le henhla eAfrika-Dzonga? U fanele u rhanga hi ku tsarisa tanihi vandla ra dyondzo ya le henhla ro ka ri nga ri ra mfumo na Department of Higher Education and Training (DHET) ku kuma matimba ya xinawu ku nyika tiphurogireme ta dyondzo ya le henhla.

Mavandla ya dyondzo ya le henhla yo ka yi nga ri ya mfumo ya nyika tilevhele to fana na ta National Qualifications Framework (NQF) (Tilevhele ta 5 kufikela eka 10) tanihi tiyunivhesiti ta mani na mani kumbe tiyunivhesiti ta thekinoloji.

Xikongomelo xa ntsariso i ku tiyisisa leswaku:

• mavandla yo ka ya nga ri ya mfumo ya nyika dyondzo ya nkoka
• vaaki va sirheleriwile eka vatirhisi wa vuxisi na hi ndlela yo ka yi nga ri kahle
• xichudeni xi kuma mithwaso leyi fambelanaka na Rimba ra Mithwaso ya Dyondzo ya le Henhla (HEQF) na ku tsarisiwa eka NQF
• sisiteme ya dyondzo yi fikelela swikongomelo swo cinca Afrika-Dzonga hi ku ya hi pholisi na nawu wa mfumo
• mavandla yo ka ya nga ri ya mfumo ya landzelela Nawu wa Dyondzo ya le Henhla, 1997 (Nawu wa 101 wa 1997).

Tiphurogireme ta mavandla yo ka ya nga ri ya mfumo ti fanele ti tsarisiwa na DHET, leyi nyikiwe mpfumelelo hi Higher Education Quality Committee (HEQC) of the Council on Higher Education (CHE) na ku tsarisiwa eka NQF hi South African Qualifications Authority (Saqa). Tiphurogireme ti fanele ti tekeriwa enhlokweni laha tikweni xikan'we na le matikweni ya le handle.

Kwalomu ka 18 wa tin'hweti loko vandla ra wena ri lava ku sungula ku tirha u fanele ku rhumela xikombelo xa ntsariso eka Mulawuri wa Mavandla ya Dyondzo ya le Henhla yo ka yi nga ri ya mfumo. Xikombelo xa Cinco xi fanele ku rhumeriwa hi siku leri langiweke hi Mulawuri (Mulawuri-Jenerali).

Leswi u faneleke ku swi endla

1. Tatisa fomo ya xikombelo leyi faneleke.
2. Rhumela fomo ya xikombelo eka Mulawuri wa mavandla ya Dyondzo ya le Henhla yo ka yi nga ri ya mfumo.
3. Rhumela matsalwa lama landzelaka swin'we na fomo ya xikombelo:
   • switatimende swa timali swa lembe na lembe leswi oditiweke kumbe mivhumbo ya swa timali leti oditiweke
   • kungu ra bindzu
   • ntwanano wa vuyimeri
   • matsalwa ya ntsariso wa bindzu
   • swiviko swa vukambatinkota byo landzelela rihanyu na vuhlayiseki entirhweni
   • xitifikheti xa ntsariso wa bindzu
   • xihlambanyo xa xikombelo xa ku nyikiwa matimba
   • ntirho eka vuswikoti bya vandla
   • xihlambanyo eka nandzeleriso na nkambelo
   • mitwanano exikarhi ka mavandla, loko yi ri kona
   • phamfulete ya swichudeni, khalendara kumbe burochara
   • tifomo to titsarisa, tikontiraka ta swichudeni na swiletelo.
4. vakomberi va matiko mambe va fanele ku rhumela leswi landzelaka:
   • xihlambanyo xa ndzingano wa mithwaso
   • vumbhoni bya ku tekeriwa enhlokweni etikweni ra rikwavo
   • vumbhoni bya ku nyikiwa matimba etikweni ra rikwavo
   • xitifikheti xa ku nyikiwa matimba kusuka eka HEQC na ntsariso kusuka eSaqa
   • xihlambanyo lexi sayiniweke leswaku vandla a ri nge endli xihlawuhlawu hi ndlela yihi na yihi
   • eka mhaka ya loko ko va na ku cinca, vuxokoxoko byi fanele byi cinciwa
   • xihlambanyo xa nandzeleriso na nkambelo, xikan'we na ntirho eka mfungho wa papila ra ximfumo, siku na nsayiso.
5. Pay the prescribed fee

Xiyaxiya: U komberiwa ku tihlanganisa na Mulawuri mayelana na ku cinca kwihi na kwihi loku u lavaka ku ku endla hi nkarhi wa phurosese ya xikombelo.

Xana swi teka nkarhi wo tanihi kwihi

• Ntsariso wo sungula: tin'hweti ta 18 loko vandla ri nga si pfula ntsariso.
• Eka ndzhundzhuluxo: tin'hweti ta 12 loko cinco wu nga si sungula ku tirha.
• Eka cinco: hilaha byi langhiweke hakona hi Mulawuri.

Xana swi durha malimuni

R500

Tifomo leti faneleke ku tatiwa

Tifomo ta kumeka eka Ndzawulo ya Dyondzo ya le Henhla na Vuleteri:

• Xikombelo xa ntsariso tanihi Vandla ra Dyondzo ya le Henhla ro ka ri nga ri ra mfumo, fomo ya APX -01
• Xikombelo xa Ndzhundzhuluxo, fomo ya APX-02 
•  Xikombelo xa Cinco, fomo ya APX-03