Baeti ba melata ba Aforika Borwa ba ka nna ba tseka ho buseletswa VAT eo ba e lefileng dinthong tseo ba tsamayang le tsona ha ba tswela kantle ho naha, haeba boleng ba tsona bo feta R250. Kopo ya ho buseletswa tjhelete e tlameha ho kenngwa dikantorong tsa Motsamaisi wa Pusetso ya Tjhelete ya VAT. Dikantoro tsena di Boemafofaneng ba Matjhaba ba Johannesburg le ba Cape Town, madibohong a fapafapaneng a meeding esita le boemakepeng bofe kapa bofe bo kgethetsweng kgwebisano.
Ha o reka dintho, itlhalose ho ralebenkele hore o mohahlaudi wa molata, ebe o kopa setlankana sa lekgetho. Setlankana sa lekgetho se tlameha ho ba le lesedi lohle ka tse latelang:
- sekepele sa VAT, kapa seteitemente se bontshang hore VAT e kenyeleditswe ditjeong tsohle tsa dintho tse rekilweng
- bongata esita le tlhaloso e phethahetseng ka dintho tse rekilweng
- nomoro e qollehileng ya setlankana sa lekgetho
- lebitso la moreki le aterese ya hae
- sekepele sa VAT, kapa seteitemente se bontshang hore VAT ya sekgahla sa 15% e kenyeleditswe palong yohle ya ditjeo tsa dintho tse rekilweng.
O tlameha ho hlahisa ditokomane tsa sethatho esita le dintho tse rekilweng.
Postal address
The VAT Refund Administrator
PO Box 107
OR Tambo International Airport
South Africa
1627
E-mail addresses
Botswana : botswana@taxrefunds.co.za
Swaziland : swaziland@taxrefunds.co.za
Namibia : namibia@taxrefunds.co.za
Other countries : generalqueries@taxrefunds.co.za
Website: www.taxrefunds.co.za
Tel: + 27 11 979 0055