Sicelo sekungenisa tifananiso tetifo (pathology specimens) eNingizimu Afrika

Ngesi eveni tihlahla tekufundza ngato noma umkhicito wetilwane eNingizimu Afrika

Uma ufuna kungenisa umkhicito wetilwane , tintfo letinetifo noma letitselelanako eNingizimu Afrika, umtsetfo utsi kufanele ufake sicelo bese uniketwa iphemithi yekungenisa tilwane kuMcondzisi weTekuphepha tetilwane.

Kufanele utfole iphemithi yetekuphepha kutsi ungenise tihlahla tekufundza noma umkhicito wetilwane lofaka lolokulandzelako:

• Ingati noma umutsi wesilwane.
• Lokusebentiselwa kuhlolwa lokufana nemchamo, lubisi, emasimba, sikhumba noma tibilini nalokunye.
• Tifo letihlukene letingasetjentiselwa kufundzisisa.

Emaphemithi asebenta sikhashana kanye nekusebentela kungena kunye kuphela. Kufanele utfoleiphemithi ungakawususi lomkhicito eveni lesuka kuwo.

Kungenteka kube naleminye imitsetfo ngetilwane letinye, ciniseka kutsi ulandzela yonkhe imibandzela.

Yini lekumele uyente

1. Gcwalisa lifomu Sicelo sekungenisa tihlahla tekufundza eNingizimu Afrika. Tsintsana neMcondzisi weTekuphepha tetilwane uma ungakaciniseki kutsi liphi lifomu leligcwaliswako.
2. Faka luhlelo lesifundvo sakho, incwadzi lechaza sizatfu sekungenisa eveni, bese iniketa imininingwane yekuphatfwa kwaletilwane, icinisekise lolokulandzelako:
   • Tonkhe tibilini lettingasetjentiswa titomikiswa endzaweni lefanele.
   • Leyo ndzawo kufanele ibe ivunyiwe futsi iphephile (kubukwa ingoti lengaba khona).
   • Tonkhe tibilini kufanele tishiswe nasekuphele sivivinyo noma sifundvo.
   • Kufanele kuchazwe kutsi tilwane letiphilako titohlangana naletibilini yini.
   • Uma titohlangana, kufanele tibulawe nenyama yato ishiswe uma sekuphele sifundvo noma sivivinyo.
   • Tonkhe tibilini letingatsintswa sifo semdlavuza wetilwane, noma ngulesinye sifo lesibulalako tingamikiswa endzaweni lokutsiwa yiTransboundary Animal Diseases eOnderstepoort.
3. Dokotela wetilwane eMcondzisini weTekuphepha tetilwane batokutsintsa uma badzinga lokunye futsi batowenta sivivinyo ssabo ngekuphepha  kwesicelo sakho.
4. Kufanele ubhadale R120 wephemithi.
5. Faka imali ebhange leLitiko:
   Ligama lelibhange: Standard Bank of South Africa
   Ligama lemnikati we account: National Department of Agriculture
   inombolo yeAccount : 011219556 International Band
   iBranch: 010845
   IB brand 0001982 Centre Code
   Swift Code: SBZA-ZAJJ
   ligama le branch: Arcadia.
6. Lisheke lelicondziswe kuMcondzisi Lophetse: Litiko LeTetinsimi Tetihlahla kanye neTetimfishi ingafakwa efomini iposwe.
7. Ungabhadala futsi emahhovisini eLitiko Letetinsimi, Tetihlahla kanye netetimfishi imininingwane ibhalwe ngentansi.
8. Nguwe lokufanele bhadale tonkhe tindleko telibhange lokufaka tindleko temali lebuya kulamanye emave. Litiko angeke liyikhiphe iphemithi uma imali yonkhe lengu 120 ingakabhadalwa.
9. Mikisa lifomu leligcwalisiwe nesiciniseko sekubhadala ku:
   Umcondzisi: Tekuphepha Tetilwane
   Sigungu sekungenisa nekukhipha eveni
   Private Bag X138
   Pretoria
   0001
   South Africa
   Fax 012 329 8292 / E-mail: VetPermits@daff.gov.za.
10. Sicela usho esicelweni sakho kutsi iphemithi itolandvwa noma imikiswe nge -email kuwe.
11. Uma sekutfolakele lifomu lakho nesiciniseko sekubhadala, iphemithi yetekuphepha nekungenisa eveni kanye nesitifiketi setekuphepha netemphilo sitokhishwa siniketwe wena matfupha.
12. Kufanele utfole sitifiketi setemphilo netekuphepha kwetilwane kudokotela wetilwane eveni lapho ubuya khona tibilini.
13. Lesitifiketi setemphilo asidzingeki uma kungeniswa sihlahla sekufundza, kepha dokotela wetilwane kufanele asibuke bese uyasivala lesihlahla.
14. Letsa lolokulandzelako e Sigungwini sekungenisa nekukhipha tinfo eveni, Iphemithi yetekuphepha kwetilwane letingeniswa eveni.
15. Sitifiketi setemphilo yetilwane letingeniswa eveni.
16. Uma udzinga imininingwane lecondzene nenyama loyikhetsitsile, ungatfola ikhophi yephemithi  kanye nesitifiketi setemphilo ehhovisini lemaphemithi.
17. Uma wentelalomunye sicelo, sicela unake kutsi ubhadala ngeligama laloyo muntfu noma laleyo nkampane. Umtsintfwa kufanele kube ligama nesibongo saloyo muntfu.

Naka: Kute sicelo lesitobukwa kungakacinisekiswa kubhadala. Siciniseko sekubhadala kufanele simikiswe nge fax 012 329 8292 ucondzise ku: Ina Labuschagne

Sikhatsi semsebenti

Dokotela wetilwane wavelonkhe angaze avume kungeniswa, kutsatsa emalanga lamatsatfu kuya kulasihlanu kutsi ikhishwe iphemithi.

Ngabe kubita malini

R220

Emafomu lagcwaliswako

Application to import pathology specimens into the Republic of South Africa

Ngubani longamutsintsa