Umutsi wekugoma tifo etilwaneni

Ngesi celo sekungenisa umutsi wekugoma tifo etilwaneni eNingizimu Afrika

Ungangenisa, utsengise noma unikete labanye bantfu umutsi wekugoma tifo etilwaneni eNingizimu Afrika uma sewubhalisiwe ngekwemtsetfo weTinhlanyelo, Kudla kwetilwane kanye Nabomanyolo, uMtsetfo weTimfuyo 1947 (Umtsetfo 36 wa 1947).

Uma ufuna kungenisa eveni umutsi wekugoma tifo etilwaneni losewubhalisiwe, kufanele utfole iphemithi yetekuphepha tawo kuMcondzisi weTemphilo yeTilwane. Lephemithi lena isebentela sikhashana nje nangekuhambisa kunye vo.

Kunemtsetfo lekufanele ilandzelwe. Ngoba imibandzela lefanele ishintjela futsi, tsintsana neMcondzisi weTemphilo yeTilwane (inombolo elucingo:012 319 7507/7700/7673/7456 noma kufaxi 012 329 6892, VetPermits@daff.gov.za)kuze utfole imibandzela lefanele.

Uma ufuna kungenisa eveni umutsi longakabhaliswa kutsi atovivinywa eNingizimu Afrika, udzinga emaphemithi lamabili. Yinye ibuya kubhalis weMtsetfo 36 ya 1947. Umutsi longeniselwe kuvivinywa awukavumeleki kutsi utsengiswe. Uma kuba nesimo sekusheshisa lesifana nekucubuka kwesifo eveni kantsi kute umutsi waso lobhalisiwe eveni, kungenteka kube mcoka kusetjentiswa kwemutsi longakabhaliswa.

Lapho ke, wena utoba ngumngenisi walowo mutsi, kufanele wente sicelo eNhlanganweni  yekungeniswa kweMitsi kutsi ikvumele uwungenise ngekwesigaba 21 seMtsetfo weMitsi kanye netinsita letifanako.(Umtsetfo 101 wa 1965 lolungiswe ku Mtsetfo 90 wa 1997). Kufanele futsi utfole iphemithi lebuya kMcondzisi yekuvumela lomutsi wekugoma ungene eveni. Utfola lephemithi lena kuphela nasewutfole imvume eNhlanganweni yeTemitsi  wabese ubatfumela siciniseko. Kuloku, umutsi longakabhaliswa angatsengiswa sikhashana lesibekiwe aze abhaliswe.

Yini lekumele uyente

1. Kufanele utfole imvume noma kubhaliswa kuMbhalisi weMtsetfo 36 wa 1947, nome imvumo ngekweSigaba 21 seMtsetfo 101 wa 1965 kuze ungenise eveni umutsi wekugoma tifo etilwaneni.
2. Uma utfola phemithi yekungenisa kuMbhalisi, noma imvume ngekweSsigaba 21 seMtsetfo 101 sa1965, tfumela ikhophi kanye nelifomu lesicelo sephemithi yetekuphepha kwetilwane kuMcondzisi weTemphilo yeTilwane.
3. Uma lomutsi sewuvele ubhalisiwe eNingizimu Afrika ngekweMtsetfo 36 wa1947, udzinga iphemithi yinye kuphela, lebuya kuMcondzisi weKuphepha kweTilwane. Tfumela ikhophi yekubhaliswa ngekweMtsetfo 36 wa1947 nesicelo sakho.
4. Gcwalisa lifomu lesicelo :Sicelo sephemithi yekungenisa eveni umutsi wekugoma tifo etilwaneni eNingizimu Afrika. Tsintsana neMcondzisi weTemphilo yeTilwane uma ungati kutsi ugcwalise liphi lifomu.
5. Dokotela wetilwane waseMcondzisini weTemphilo yeTilwane utokushayela uma kudzingeka imininingwane leminye futsi utowenta luhlolo lwekubuka sicelo sakho.
6. Bhadala lemali ebhange lelitiko ku
   Ligama lelibhange: Standard Bank of South Africa
   ligama lemnikati we-accounti: National Department of Agriculture
   inombolo yeaccount: 011219556 International Band
   Branch: 010845
   IB brand 0001982 Centre Code
   Swift Code: SBZA-ZAJJ
   ligama le branch: Arcadia
   Nala lokumcoka: umtsintfwa kufanele kube ligama nesibongo semngenisi. Uma ufakela lomunye sicelo, sicela kutsi unake kutsi ubhadala egameni labo.
7. Ungabhadala futsi ngelisheke ulicndzise kuMcondzisi lophetse: Litiko letetinsimu, tetihlahla kanye netetimfishi.
8. Kungabhadalwa futsi emahhovisi e Litiko letetinsimu, tetihlahla kanye netetimfishi.
9. Nguwe lofanele ubhadale tonkhe tindleko telibhange. Litiko ngeke likhiphe iphemithi uma imali ledzingekako ingakabhadalwa yonkhe.
10. Mikisa siciniseko sekubhadala kanye nelifomu leligcwalisiwe ku:Mcondzisi: Temphilo Tetilwane
    Sigungu sekungenisa nekukhishwa
    Private Bag X138
    Pretoria
    0001
    South Afrika
    Noma fax: 012 329 8292 / E-mail: VetPermits@daff.gov.za.
11. Sicela ufake efomini kutsi iphemithi itolandvwa noma utoyitfola kungcondvomshini.
12. Nasewuletse lifomu leigcwaliswe ngalokuphelele kanye nesiciniseko sekubhadala, iphemithi yetekuphepha kwetilwane itoniketwa wena matfupha.

Naka: Kute sicelolesitonakwa uma ungakabhadali. Mikisa siciniseko sekubhadala ku: 012 329 8292 / e-mail: VetPermits@daff.gov.za.

Sikhatsi semsebenti

Uma Dokotela wetilwane ehhovisini elikhulu sekavumile kungeniswa kwalomutsi, kutsatsa emalanga lamatsatfu kua kulasihlanu kunakwa wesicelo kukhishwe nephemithi.

Ngabe kubita malini

Timali Letikhokhwako tanga-2023/24

Emafomu lagcwaliswako

Application for a permit to import vaccines into the Republic of South Africa

Ngubani longamutsintsa