Tivakashi tangaphandle letivela kulamanye emave letita eNingizimu Afrika tingafaka sicelo sekubuyiselwa imali letiyikhokhele i-VAT yetintfo labaphumela nato ngaphandle kwalelive nangabe samba selinani lentsengo singetulu kwe-R250. Sicelo sekubuyiselwa imali lekhokhelwe i-VAT sifanele sifakwe emahhovisi eMphatsi Wetekubuyiselwa i-VAT. Lamahhovisi aseTikhumulweni Tetindizamshini eJozi naseKapa, Emasangweni eminyele kanye nakutikhumulo tetindizamshini temabhizinisi letibekiwe.
Nawutsenga imphahla vele nje utichaze njengesivakashi sangaphandle sakulamanye emave kulabo labasita esitolo, bese ucela i-inivoyisi yentsela. I-inivoyisi yentsela ifanele icukatse lonkhe lolwatiso lolulandzelako:
- Linani le-VAT lelibitiwe, nome sitatimende lesikhombisa kutsi i-VAT ifakiwe kulesamba selinani lentsengo yemphahla.
- Linani nenchazelo lephelele yemphahla letsengiwe.
- inombolo ye-inivoyisi yemtselo leluchungechunge leyehlukile
- ligama lemtsengi nelikheli.
- Linani le-VAT lelibitiwe, nome sitatimende lesikhombisa kutsi i-VAT ngekwesilinganiso sa-15% ifakiwe kulesamba selinani lentsengo yetimphahla.
Ufanele wetfule emadokhumenti languwona wona kanye netintfo letitsengiwe.
Postal address
The VAT Refund Administrator
PO Box 107
OR Tambo International Airport
South Africa
1627
E-mail addresses
Botswana : botswana@taxrefunds.co.za
Swaziland : swaziland@taxrefunds.co.za
Namibia : namibia@taxrefunds.co.za
Other countries : generalqueries@taxrefunds.co.za
Website: www.taxrefunds.co.za
Tel: + 27 11 979 0055