Ka fao o ka dirago kgopelo ya Setifikeiti sa Tumelelo ya semmušo ya Maphodisa (PCC)

Ge e le gore o nyaka go falalela nageng ye nngwe goba o nyaka go šoma moše, o swanetše go dira kgopelo ya setifikeiti sa tumelelo ya semmušo setešeng sa geno sa kgauswi sa Ditirelo tša Maphodisa a Afrika Borwa.

Setifikeiti se se tiišetša ge eba o na le pego ya bosenyi goba aowa.
O swanetše go fa maphodisa leina la gago ka botlalo, sefane, letšatšikgwedi la matswalo le pukwana ya boitsebišo goba phasephote ka setešeng sa maphodisa fao dikgatišo tša gago tša menwana di tlago tšewa.

Ge e le gore o ka ntle ga naga, o ka dira kgopelo ka setešeng sefe goba sefe sa maphodisa ka nageng yeo goba ka Ntlong ya Botseta ya Afrika Borwa.

Hwetša dintlha ka botlalo mabapi le ka fao o ka dirago kgopelo ya Setifikeiti sa Tumelelo ya semmušo ya Maphodisa.