Kgoro ya Dikamano le Tšhomišano ya Boditšhabatšhaba (DIRCO) ga e sa fana ka fomo ya inthaneteng ya Boingwadišo bja Maafrika Borwa ao a lego ka Dinageng Dišele (ROSA).
Badudi ba Afrika Borwa bao ba etelago goba ba dulago ka dinageng dišele ba hlohleletšwa go ingwadiša gape le go phela ba kgokagane ka ditsela tše latelago:
- Ba ye diofising tša botseta, tša khomišene ya godimo goba tša lekala la botseta ka nageng yeo ba lego go yona gore ba ingwadiše ka sebele.
- Ba romele emeile go: Rosahelp@dirco.gov.za
- Ba ingwadiše ka go šomiša DIRCO Travel Smart App yeo ba ka e taoneloutago ka didirišwa tša iOS le tša Android.
- Ba ye go letlakala la Consular Services wepsaeteng ya DIRCO go hwetša tshedimošo ye bohlokwa le thušo yeo e lego maleba le Maafrika Borwa ao a dulago ka dinageng dišele.
Ditirelo tše di nepile go netefatša gore Maafrika Borwa ao a lego ka dinageng dišele a šireletšegile ebile a itekanetše, gape le go kgontšha Kgoro go ba thuša nakong ya ge go ka ba le masetlapelo a ditiragalo tša tlhago, dintwa tša bana ba thari, goba ditšhoganetšo tša selapa.
