Gore koporase ya gago e be yeo e amogelegago ka semolao, o swanetše go e ngwadiša le Komišene ya Dikhamphani le Ditheo tša Boikgopolelo le Boitlhamelo (CIPC). Go ngwadiša le Mongwadiši wa Dikoporase ka go CIPC, sehlopha sa gago se swanetše go ba se na le maloko a mahlano goba go feta.
Koporase ke kgwebo yeo e fapanego yeo e fanago ka ditirelo le/goba ditšweletšwa go maloko a yona. Letseno, leo le tsebegago bjalo ka poelo ka go koporase, le arotšwe magareng ga maloko go ya ka tšhelete ya kgwebo yeo leloko le lengwe le le lengwe le e dirilego le koporase. Leloko le lengwe le le lengwe le tla hwetša karolo ya letseno goba poelo, go ya ka bontši bja kgwebo yeo leloko le e dirilego le koporase.
Hwetša dintlha ka botlalo mabapi le dikoporase le ngwadišo ya yona go tšwa go Komišene ya Dikhamphani le Ditheo tša Boikgopolelo le Boitlhamelo (CIPC) goba o leletše CIPC mo go 086 100 2472.
