Boipelaetšo le go se kwane ga mabaka a go leka peu

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Ka ga boipelaetšo le kganetšo ya go leka peu

Ge o nyaka go nyakišiša tshilafatšo ya godimo goba go mela moo go fokolago ga sehlopha sa peu, kgokagana le Lefapa la Ditirelo tša Tlhahlobo go Kgoro ya Temo, Dithokgwa le Boreahlapi gore peu e lekwe.

Lefapa la Ditirelo tša Tlhahlobo le tla kgopela Laporotori ya Semmušo ya go Leka Peu go nyakišiša  kganetšo le boipelaetšo.

Motho o mongwe le o mongwe, mokgatlo, sehlongwa, khampani goba molemi a tšweletša boipelaetšo goba go se kwane. 

Seo o swanetšego go se dira

1. Kgokagana le Lefapa la Ditirelo tša Tlhahlobo gomme o gatelela ka botlalo tshedimošo ka moka yeo e amanago le boipelaetšo le kganetšo.
2. Tlatša foromo ya kgopelo ya boipelaetšo gomme o e romele ofising ya selete ya kgauswi ya Lefapa la Ditirelo tša Tlhahlobo.  
3. Hlopha potšišo gomme o e romele go lekwa go Laporotori ya Semmušo ya go Leka Peu.
4. Ge boipelaetšo bja gago bo laetša toka, seo se ra gore, boleng ga bo  omamele Molao wa Kaonafatšo ya Sebjalo, 1976, o ka se lefele. Ge boipelaetšo bja gago bo sa laetše toka, o tla amogela lenaneotheko gomme wa lefela tefelo yeo e filwego.

Dintlha ka botlalo tša panka ke:

Panka: Standard Bank
Leina la lefapa: Arcadia
Khouto ya lefapa: 01-08-45
Nomoro ya akhaonte: 011244887
Leina la akhaonte: NDA- Ditirelo tša go Leka Peu.

O ka lefela  ka elektroniki goba mo khaonthareng.

Gopola go akaretša nomoro ya lenaneotheko la mabaka a go ikgopotša.

Lefela  ditefelo tša go leka peu gomme o romele bohlatse bja tefelo go Laporotori ya Semmušo ya go Leka Peu.

Ela hloko: Ge boipelaetšo bo sa laetše toka, dikhwetšo tša nyakišišo di tla ba gona fela ka morago ga tefelo.

Lebaka

Laporotori ya Semmušo ya go Leka Peu e fa bohlokwa bja pele go leka ga peu ka mabaka a  boipelaetšo le kganetšo. Bogolo bja boipelaetšo le kganetšo, seo se ra gore, nomoro ya mehlala, mehuta ya dipuno le mehuta ya diteko tšeo di tlogo dirwa, di tla ama nako yeo e tšerwego ya nyakišišo yeo e swanetšwego go dirwa. Ga go na tshedimošo ya tirelo ya tlwaelo yeo e tlo fiwago. Botšiša tirelong ka bo yona (bona dintlha ka botlalo).

E dira tshenyagelo ya bokae

Ditefišo tša 2024/25

Diforomo tšeo di swanetšwego go tlatšwa

Lefapa la Ditirelo tša Tlhahlobo le tla romela diforomo ka morago ga ge o e kgokagantše le bona.

Dintlha tša boikopanyo