Thekontle ya ditlhapi go itapolosa

Ka ga malebana go reka hlapi nageng ya ka ntle bakeng sa boithabišo

Go reka hlapi nageng ya ka ntle, go swana le hlapi ya marine, bakeng sa boithabišo o swanetše go dira kgopelo ya phomete go tšwa go Kgoro ya Temo, Dikgwa le Boreahlapi. O ka se rekiše hlapi ya go rekwa nageng ya ka ntle eupša o ka e šomiša bjalo ka sejo sa gago.

O swanetše go dira kgopelo bonnyane dibeke tše pedi pele o tloga go dumelela nako ya tshepetšo. O ka se reke hlapi nageng ya ka ntle bakeng sa boithabišo ntle le phomete ya go reka ka nageng ya ka ntle. Ga o nyake phomete go hwetša  segoketšo; efela, o kgopelwa go kgonthišiša gore o na le phomete ya segoketšo ya boithabišo (o ka rwala fela mokotla wa letšatši wo o dumeletšwego) goba selipi sa tšhelete ya seatleng (kheše) sa  segoketso se se rekilwego.

Kiletšo ye e latelago e a phethagatšwa:

• O ka se reke Convention on International Trade in Endangered Species (CITES) nageng ya ka ntle mehuta ye e ngwadilwego lenaneong (go hwetša tshedimošo ka botlalo ka CITES etela www.cites.org).
• Phomete e tla šoma fela ka nako ya leeto go ya le go boa nageng ye o yago go yona.
• O ka se reke hlapi ya marine nageng ya ka ntle.

Ela hloko: phomete ya go reka nageng ya ka ntle ya boithabišo ga e akaretše hlapi ya meetse a go hlweka. Go palelwa ke go latela dipeelano tša phomete o ka dira gore phomete e fegwe goba go phumulwa.

Seo o swanetšego go se dira

1. Hwetša Foromo ya kgopelo ya go reka hlapi nageng ya ka ntle ka lebaka la boithabišo  Lekaleng la Taolo ya Boreahlapi la Kgoro ya Temo, Dikgwa le Boreahlapi ka lebatong la ka fase, Moago wa Foretrust, Mokgotha wa Martin Hammerschlag, Foreshore, Cape Town.
2. Tlatša foromo ya kgopelo gomme o fe tshedimošo ye e latego:
   
   1. matšatšikgwedi a go tloga le go boela ka mo Afrika Borwa
   2. leina la la naga ye e etelwago
   3. mollwane wa Afrika Borwa woo o šomišwago go boela ka mo Afrika Borwa
   4. laetša gore dihlapi di tša tsentšhwa ka mo nageng di bjang (di kgahlile/tsidifaditswe/mpsha/bj.bj..)
   5. khopi ye e kgonthišišitšwego ya pukwana ya gago ya boitsebišo.
3. Lefa tšhelete ye o e beetšwego ka akhaonteng ye e latelago:
   Panka: First National Bank
   Nomoro ya akhaonte: 62123256382
   Mohuta wa akhaonte: Current
   Leina la akhaonte: Marine Living Resources Fund
   Leina la lekala: Corporate Account Service Cape Town
   Khouto ya lekala: 204109
   Go hwetša referentshe leletša senthara ya tirelo ya badiriši go 0860 000 3474.
4. Kgorametša tše di latelago go foromo ya gago ya kgopelo:
   •  bohlatse bja tefo (selipi sa go lokela tšhelete sa panka)
   • bohlatse bja aterese ya bodulo, nomoro ya mogala, nomoro ya fekse, le aterese ya emeili mo Afrika Borwa
   • khopi ye e kgonthišišitšwego ya pukwana ya gago ya boitsebišo.
5. Romela foromo ya kgopelo go Kgoro ya Temo, Dikgwa le Boreahlapi: Mokotla wa Poso X2, Roggebaai, Cape Town, 8012 goba e iše Lekaleng la Taolo ya Boreahlapi la   Kgoro ya Temo, Dikgwa le Boreahlapika lebatong lala ka fase, Moago wa Foretrust, Mokgotha wa Martin Hammerschlag, Foreshore, Cape Town. O ka se fekse goba go romela kgopelo ya gago ka emeili.

Lebaka

Go ka tšea matšatši a mošomo a šupa goba go feta, go ya ka kgopelo ya go dirwa ka tshwanelo.

E dira tshenyagelo ya bokae

Customer Service Centre

Diforomo tšeo di swanetšwego go tlatšwa

Hwetša Foromo ya kgopelo ya go reka hlapi nageng ya ka ntle ka lebaka la boithabišo  ka Lekaleng la Taolo ya Boreahlapi la Kgoro ya Temo, Dikgwa le Boreahlapi ka lebatong la ka fase, Moago wa Foretrust, Mokgotha wa Martin Hammerschlag, Foreshore, Cape Town.

Dintlha tša boikopanyo