Kgopelo ya thomelontle ya dimpšhe le mae a dimpšhe

Ka ga go dira kgopelo ya go iša ntle dimpšhe goba mae dimpšhe

Go iša ntle dimpšhe goba mae a dimpšhe, o swanetše go dira kgopelo ya tumelelo ya go iša ntle  go Mmušakarolo wa Kaonafatšo ya Diphoofolo matšatši a 30 pele ga go iša ka ntle.

Ka morago ga go dira kgopelo, o tla hwetša tumelelo go tšwa go Tšhempara ya Kgwebo ya Dimpšhe ya Afrika Borwa (South African Ostrich Business Chamber).

Ge go na le mpshikela wa dinonyane goba mohuta o mongwe le o mongwe wa bolwetši, dimpšhe di ka se išwe ntle go fihlela ge seka seo se fetile.

O swanetše goba motsebi wa molao, mohlala, John Peter Citizen, goba John Peter Citizen T/A Diepsloot Stud, goba Diepsloot Stud CC, goba Diepsloot Stud (Pty) Ltd, goba Diepsloot Ltd.

Seo o swanetšego go se dira

1. Tlatša fomo ya kgopelo ya go iša ntle dimpšhe goba mae a dimpšhe gomme o e iše go:
   Mmušakarolo wa Tlhaolo ya Diphoofolo, Private Bag X 138, PRETORIA, 0001 goba iša fomo ya dikgopelo go Moago wa Delpen, sekhutlong sa  Annie Botha Avenue le Mokgotha wa Union, Riviera, Pretoria 0084
2. Iša tše di latelago:
   • reka ntle tumelelo go tšwa nageng yeo o ikemišeditšego go iša ntle go yona. 
   • setifikeiti sa maphelo ka ngaka ya mmušo ya gae 
   • lengwalo leo le fago tumelelo ya mosaeni ( mmaditsela) go saena kgopelo sebakeng sa gago
3. Efa mabaka le tlhohleletšo a mohola wa go iša ntle, o ka lefa gape ka tšheke goba posotara go Molaodi-Pharephare, Kgoro ya Temo, Dithokgwa le Boreahlapi.
   Dintlha tša panka: 
   Panka ya Standard
   DAFF-Animal Improvement
   Lekala: Pretoria
   Nomoro ya akhaonte: 010725385
   Khouto ya lekala: 010045.

Lebaka

Dikgopelo di ka tšea matšatši a 30 go sepdišwa.

E dira tshenyagelo ya bokae

R390

Diforomo tšeo di swanetšwego go tlatšwa

Dira kgopelo ya go iša ntle dimpšhe goba mae a dimpšhe (Apply for exportation of ostriches or eggs)

Dintlha tša boikopanyo