Vha a kona u ṋanga kha u ṅwalisa ṅwana wavho kha tshikolo tsha nnyi na nnyi kana tsho tou ḓiimisaho nga tshoṱhe. Zwikolo zwa nnyi na nnyi zwi langwa nga muvhuso honeha zwo tou ḓiimisaho zwi tshi tou ḓilaula.
Zwikolo zwo ḓiimisaho nga zwoṱhe zwi tea u ḓinwalisa kha Muhasho wa Pfunzo wa vunḓu ngeno zwa nnyi na nnyi zwi tshi thomiwa nga MEC wa Pfunzo kha vunḓu.
Vha tea u ṅwalisa ṅwana wavho vhukati ha dzi 1 dza ṅwedzi wa Ṱhangule na dzi 30 dza ṅwedzi wa Khubvumedzi wa ṅwaha wa phanḓa ha musi a tshi ya tshikoloni. Muiiti wa khumbelo wa Gireidi R u tea u vha e na miṅwaha ine ya nga swika miṋa nahone a tshi ḓo fara miṱanu nga vho dzi 30 dza ṅwedzi wa Fulwi nga ṅwaha u no tevhela. Muiti wa khumbelo wa Gireidi ya u thoma (1) u tea u vha e na miṅwaha ine ya nga swika miṱanu nahone a tshi ḓo fara ya rathi nga dzi 30 dza Fulwi ṅwaha u no tevhela.
Kha vha wane zwinzhi nga ha u ṅwalisa ṅwana wavho kha tshikolo tsha nnyi na nnyi kana tsho tou ḓiimisaho nga tshoṱhe kana vha Kwame Muhasho wa Pfunzo ya Mutheo wa Fhasi.
