Mbumbano ya vhashumi yo ṅwaliswaho i nga themendela mugwalabo nga vhashumi vhayo na vhatikedzi hu tshi itelwa misumbedzo ine ya itwa hu sina khakhathi.
Migwalabo u nga farelwa fhethu huṅwe na huṅwe hune tshitshavha tsha kona u swikelela. U nga farelwa nnḓa ha tshifhaṱo kana nga ngomu ha tshifhaṱo tsha mutholi.
Arali huna phambano nga ha milayo ya mugwalabo, mbumbano ya vhashumi yo ṅwaliswaho kana mutholi a nga humbela Khomishini ya Vhupfumedzani, Vhukonanyi, na Vhulamukanyi (CCMA) u ita thendelano vhukati ha mahoro.
Arali hu sina thendelano ye ya swikelelwa, CCMA i tea u bveleldza milayo ya mugwalabo, i tshi dzhiela nṱha nyimele dzo tiwaho dza mushumoni kana huṅwe fhethu hune ha gwalabelwa hone na maṅwe maitele avhuḓi a vhuḓifari.
Kha vha wane zwinzhi ngaha u ita thendelano ya milayo ya mugwalabo kana vha kwame CCMA.