Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha u ita khumbelo ya thendelo ya u ḓinwalisela zwa u vhambadzela zwishumiswa zwa zwifuwo nnḓa
Vha nga vhambadzela fhedzi nnḓa zwifuwo kana zwibveledzwa zwa zwifuwo arali zwi tshi bva fhethu hune milayo ya hone ya tshimbilelana na zwikalo zwa ḽifhasi kana milayo ya shango ḽine ha khou vhambadzelwa khaḽo. Hafha fhethu hu nga vha muvoni ho tendelwaho, hu itwaho ndingo dza u ṱola malwadze, senthara ya zwa u bebisa lu si lwa mupo, senthara ya u kuvhanganya mbeu, bulasini, hune dza fidelwa hone, ḽimagani ḽa u bveledza zwiḽiwa na fhethu ha u vhulunga zwiḽiwa.
Zwine vha tea u ita
- Kha vha kwame Dokotela wa Zwifuwo wa Muvhuso wa Vunḓu wa tsini u itela uri hu ingamelwe khumbelo ya u ḓiṅwalisela u vhambadzela nnḓa.
- Kha vha dzudzanye na Dokotela wa Zwifuwo wa Muvhuso wa Vunḓu uri a ingamele tshiimiswa.
- Dokotela wa Zwifuwo wa Muvhuso wa Vunḓu u ḓo ṅwala muvhigo wa vhuingameli, ṱhuṱhuwedzo na themendelo, a dovha a rumela kha Muhasho wa zwa Vhulimi, zwa Maḓaka na Vhureakhovhe u itela thendelo.
- Arali thendelo yo wanala, Muhasho wa zwa Vhulimi, zwa Maḓaka na Vhureakhovhe u ḓo ṅwalisa tshiimiswa wa ṋetshedza na ṱhanziela ya u ḓiṅwalisa, ine kanzhi i shuma ṅwaha muthihi.
Fomo dzi no tea u ḓadzwa
Fomo dzi wanala kha nethiweke ya khomphyutha , kha vha kwame Dokotela wa Zwifuwo wa Muvhuso wa Vunḓu, kana Muhasho wa zwa Vhulimi wa Lushaka.