Khumbelo ya u humiselwa murahu mbadelo dza muthelo

Ngaha u ita khumbelo ya u vhuiselwa murahu mbadelo dza muthelo

Arali goloi yavho yo tswiwa, u thuthiswa kana u sumbedzwa  sa i songo lugelaho u shumiswa lwa tshoṱhe, vha nga ita khumbelo ya u humiselwa murahu mbadelo dza muthelo.

Khumbelo yavho ya u humiselwa murahu i fanela u itwa kha tshifhinga tshi sa fhiri miṅwedzi miraru nga murahu ha ḓuvha ḽa u ḓivhadza nga ha thuthiswa ha goloi yavho kha MEC wa vundu ḽe goloi yavho ya ṅwaliswa khaḽo. Masheleni avho a ḓo ṱanganyelwa nga tshithihi tsha fumimbili tsha mbadelo dza muthelo wa ya goloi yavho yo badelwaho zwi tshi ya nga goloi yavho nga ṅwedzi muṅwe na muṅwe we muthelo wa goloi yavho wa vha u tshi kha ḓi shuma.

Nga murahu ha musi khumbelo yavho yo no ṱanganedzwa, MEC o fanelaho a nga vha humisela fhedzi hu nga humisewa murahu mbadelo dzi re fhasi ha R100.00.

Zwine vha tea u ita

1. Kha vha ye kha vhalanguli vha u ṅwalisa kha vundu ḽe vha ṅwalisa goloi yavho khaḽo vha ṋetshedze maṅwalo a tevhelaho:
   • basa yavho
   • afidavithi ine ya khou khwaṱhisedza uri goloi yo tswiwa, a i ngo tsha lugela u shumiswa lwa tshoṱhe kana i na ṱhanziela ya u thuthiswa.
2. Kha vha ḓadze Fomo ya Khumbelo ya u Humiselwa Murahu ha Mbadelo dza Muthelo ‘Refund of Licence Fees’- RLF.

Tshifhingambekanywa

Khumbelo yavho i tshimbidzwa ḓuvha ḽeneḽo, fhedzi mbadelo dza u humiselwa murahu dzi itiwa nga murahu ha maḓuvha a si gathi nga nṱhani ha maitele a mbalelano a nga ngomu.

Zwi ita vhugai

Tshumelo iyi ndi mahala.

Fomo dzi no tea u ḓadzwa

Fomo ya RLF (Khumbelo ya u humiselwa murahu ha mbadelo dza ṱhanziela ya goloi) (Application for refund of licence fees (RLF) )

Fomo dzi a wanala kha vhalanguli vha u ṅwalisa kana vha nga u wana kha webusaithi ya eNaTIS.

Vha kwama inyi