Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokufaka isibawo sokubuyiselwa imali oyibhadalileko yelayisensi
Nangabe ikoloyakho yetjiwe, isuliwe ayikarejistarwa nanyana kuthiwe ayikalungeli ukusetjenziswa kwasafuthi, ungafaka isibawo sokubuyiselwa imalakho oyibhadalileko yelayisensi yekoloyi.
Isibawo sakho sokubuyiselwa imali oyibhadalileko kufanele sithunyelwe ku-MEC wephrovinsi lapha ikoloyakho beyirejistarwe khona hlangana nesikhathi seenyanga ezintathu ngemva kwesaziso sokusulwa kokurejistarwa kwekoloyakho. Imali obuyiselwa yona izakubalwa ngokwetjhumi nambili kunye kwemali yelayisensi ebhadalelwe ikoloyakho lapha ilayisensi yekoloyakho iba semthethweni khona.
Ngemva kobana isibawo sakho sesamukelwe, i-MEC leyo ingakubuyisela imalii- yeke, imali engaphasi kwe-R100.00 angeze wabuyiselwa yona.
Okufanele ukwenze
- Tjhinga kusiphathiswa esirejistarako ephrovinsini lapha urejistare khona ikoloyakho uye uphethe lokhu okulandelako:
- incwadi kamazisakho
- i-afidavidi eqinisekisa bona ikoloyi yetjiwe, ayisafanele bona isetjenziswe kwasafuthi nanyana inesitifikeyidi sokusula ukurejistarwa kwayo.
- Zalisa i-RLF (Iforomo lesibawo sokubuyiselwa imali yeLayisensi eBhadelweko).
Isikhathi esibekiweko
Isibawo sitjhejwa khona mhlokho, kodwana imali obuyiselwa yona yona ibhadalwa ngemva kwamalangana ngesimanga seenkambiso zangaphakathi zoku-oditha.
Amaforomo ekufanele uwazalise
Iforomo i-RLF (Isibawo sokubuyiselwa imali yelayisensi) (Application for refund of licence fees (RLF) )
Amaforomo ayatholakala kusiphathiswa esirejistarako nanyana ungawakhupha kuwebhusayidi ku- eNaTIS website.
Contact the relevant municipality
