Dintlha ka
O lokela ho etsang
Nako ya tshebetso
Ditjeo ke bokae
Diforomo tse tlatswang
Dintlha tsa ho iteanya
Dintlha ka mabapi le ho kopanya majwala a rekuweng kantle ka bongata
Haebe o tlo kopanya majwala ao o a rekilweng kantle ka bongata bakeng sa thekiso o tlamehile ho fumana tumello ho tswa ho lefapha la Temo, Meru le Botshwasi. O ka kopanya jwala le sehlahiswa sa Aforika Borwa, metsi kapa sehlahiswa se seng se tswang mose ho mawatle.
O lokela ho etsang
- Iteanye le mohlahlobi kantorong ya Lefapheng la Dihlahiswa tsa Jwala Stellenbosch ho 021 809 1660 kapa emeilela ho jeswaynen@nda.agric.za mme o hlalose hore o batla ho kopanya jwala bo o bo rekileng kantle bakeng sa thekiso.
- Hula 750 ml ya disampole tsa jwala bo o bo rekileng kantle le 750 ml ya jwala ba sampole eo o batlang ho kopanya ka yona. Ha o a tlameha ho romela 750 ml ya metsi haebe o ikemiseditse ho a sebedisa bakeng sa ho kopanya.
- Posetsa disampole kantorong ya Lefapha la Dihlahiswa tsa Jwala, atereseng ena, Private Bag X5015, Stellenbosch, 7599 kapa o di ise ka seqo kantorong ena, Plant Quarantine Station, FSQA, Polkadraai Road, Stellenbosch.
- Mohlahlobi lefapheng la jwala o tla isa sampole ya hao labolotering bakeng sa tshekatsheko. Hang feela ha moritelo o se o tjhaetswe monwanwa, mohlahlobi o tla o tsebisa. O tla tlameha ho ema ho fihlela o fumana tumello ya ho tswela pele ho ritela, ho paka le ho beha leibole dibotlolong tsa jwala ho tswa ho mohlahlobi.
- Hang feela ha o fumane tumello ya ho tswela pele, o tlameha ho kopanya dihlahiswa, ho di pakela le ho romela sampole ya 750 ml ya sehlahiswa se ritetsweng atereseng e ka hodimo.
- Romela sehlahiswa se felletseng sa moritelo mmoho le foromo e tlatsitsweng ya kopo.
- Mohlahlobi lefapheng la jwala o tla fetisetsa sampole le foromo ya hao ya kopo Kantorong ya Ditshebeletso tsa Mohlahlobi bakeng sa tshekatsheko ho netefatsa hore e ikamahanya le ditlhoko tsa Molao wa Jwala wa 60, wa 1989. Hang feela ha Kantoro ya Ditshebeletso tsa Mohlahlobi e kgotsofetse ka sehylahiswa sa hao sa moritelo, e tla o neha Tumello ya ho rekisa jwala bo rekilweng kantle ka bongata kamora hore o fuwe setifikeiti sa dibotlolo.
Dintlha tsa ho iteanya
Mohala: 021 809 1660
Fekese: 021 887 9457
Imeili: jeswaynen@nda.agric.za
Aterese ya bodulo: Seteishene sa Khwaranthaene ya Dimela, Mmileng wa Polkadraai, Stellenbosch 7600
Aterese ya poso ya SAAFQIS – Stellenbosch, Poso ya poraevete ya X5015, Stellenbosch 7599
Aterese ya Web: www.dalrrd.gov.za