align="left">
Motho ofe kapa ofe ya sebedisang weposaete ena (mosebedisi) o
lokela ho latela le ho dumela ho latela dipehelo le maemo a
tshebediso jwalo ka ho boletswe tsebisong ena ya semolao. Haebe
mosebedisi ha a batle ho tlangwa ke dipehelo le maemo ana a
tshebediso, mosebedisi ha a tshwanela ho kena weposaeteng, a pepese
dintho tse ho yona, a sebedise kapa a bule le/kapa ho etsa khopi
kapa ho phatlalatsa dikahare tse fumanwang weposaeteng ena.
1. Tshebediso le Tumella-Tshebediso (Copyright)
1.1 Basebedisi ba ka boha, ba etsa dikhopi, ba bula (download)
khomputareng tsa bona, ba hatisa, ba phatlalatsa ho leng
weposaeteng ena, kapa karolo ya hona, ho sebedisa tsebo kapa ho
bolelela moo ba e fumaneng teng (reference) feela, mme hona ba ka
ho etsa ba sa ho etse ka sepheo sa ho ithuisa.
1.2 Basebedisi ba batlang ho sebedisa dikahare tsa weposaete ena ka
sepheo sa ho fumana ditjhelete, ba ke ke ba kgona ho etsa hoo ntle
le tumello e ngotsweng fatshe e fumanwang ho tswa ho Manejara wa
Web nomorong ena ya mohala: +27 12 314 2140 kapa ba romele e-mail
atereseng ena
electronic@gcis.gov.za
. Tlhahiso hape le/kapa ho etsa dikhopi tsa dikahare tsa yona kapa
karolo ya tsona, ka sepheo sa ho etsa ditjhelete ho lokela ho
tsamaisana e le tsebiso ena ya tumella-tshebediso ka botlalo. ©
GCIS2004: DITOKELO TSOHLE DI SIRELEDITSWE (ALL RIGHTS RESERVED)
1.3 Ditokelo tsohle tsa boitshwaro le ditokelo tse ding tsohle tsa
Dikgokahano le Mmuso (Government Communications and Information
System - GCIS) kapa mekgatlo e meng ya molao mabapi le dikahare
tsa weposaete ena ha di a pepeswa, ho bolelang hore di
sireleditswe.
2. Ditokelo tsa Tsebo ya Kelello (Intellectual Property
Rights)
Tsohle tse leng moka ka hare, data, le matshwao a kgwebo, ho
kenyelletswa le tsena tse latelang, empa ho sa felle moo,
software, thekenoloji, di-database, botsebi,
sengolwa, ditshwantsho, di-icon, di-hyperlink,
tlhahisoleseding ya sephiri, di-design, di-program,
phatlalatso, sehlahiswa, tshebetso, kapa mohopolo o hlalositsweng
weposaeteng ena e ka wela tlasa ditokelo tse ding, ho kenyelletswa
le ditokelo tsa tsebo ya kelello, tseo e leng thepa ya kapa di le
tlasa laesense ya GCIS, kapa mokga wa semolao, mme ha ho le jwalo
di sireleditswe tlolong efe kapa efe ya molao ke melao ya Afrika
Borwa le ditumellano tsa matjhaba. Ka ho ya ka ditokelo tse fuwang
mosebediso mona, ditokelo tse ding tsohle tsa tsebo ya kelello tse
weposaeteng ena di sireleditswe mme ka ho fihlela data e
weposaeteng ena mosebedisi ha a fuwe laesense kapa hona ho tjhaelwa
monwana.
3. Ho itokolla molatong (Disclaimer)
3.1 Tlhahisoleseding e weposaeteng ena sepheo sa yona ke ho fana ka
lesedi le akaretsang mabapi le sehlooho kapa dihlooho tse itseng,
mme ha e felle mona ka ho fana ka ho sebetsana le sehlooho
(dihlooho) seo.
3.2 Ke mosebetsi o mahetleng a mosebedisi hore a ikgotsofatse pele
a ka kena weposaeteng ena, hore na weposaete e tla fihlela ditlhoko
tsa mosebedisi ka mong e be e tsamaelana le hardware
(metjhini ya hae) le/kapa software ya hae. Tlhahisoleseding,
mehopolo le menahano e hlahiswang weposaeteng ena, ha di a
tshwanela ho nkuwa jwalo ka dikeletso tsa profeshenale kapa
mohopolo wa semmuso wa GCIS, kapa mokga o mong o theilweng semolao
mabapi le tlhahisoleseding, mehopolo kapa menahano e hlahiswa
weposaeteng ena. Basebedisi ba kgothaletswa ho batla dikeletso tsa
profeshenale pele ba nka mehato efe kapa efe e amanang le
tlhahisoleseding, mehopolo kapa menahano e hlahiswang weposaeteng
ena.
3.3 GCIS ha e fane ka boemedi kapa ditiisetso, ka tsela efe kapa
efe, ya hore ho tla re hara tse ding , dikahare le thekenoloji tse
fumanehang weposaeteng ena ha di na diphoso kapa ho hong ho
siiuweng kapa tshebeletso e tla dula esa sitiswe ho hang ka 100%
(ka phethahalo), le hore ha e na diphoso kapa e tla fihlela tsela
efe kapa efe ya tshebetso kapa boleng. Weposaete ena ho fanwa ka
yona “ka mokgwa oo e leng ka ona”. GCIS e itokolla melatong yohle a
ka hlahiswang ka tsela e sa tobang kapa ditiisetso, ho kenyelletswa
le ho latelang empa ho sa felle moo, ditiisetso tsa papatso
(merchantability), thaetlele, ho tshwaneleha bakeng sa
morero o itseng, ho se sitise ditokelo, ho tsamaelana, polokeho le
nepahalo, mme ha ba etse boemedi ka ho toba kapa ditiisetso mabapi
le dikahare tsa weposaete, le hore weposaete e bokelletswe kapa ho
fanwe ka yona hore e fihelel ditlhoko tsa mosebedisi ka mong.
Basebedisi ba kgothaletswa hore ba tlalehe diphoso dife kapa dife
tse ka bang teng, ho se sebetse hantle kapa methiriele e ke kengya
tshwara batho hantle, mme hona ba ho etse ka ho sebedisa mokgwa wa
ho hlahisa maikutlo e leng iteanye le
rona link.
3.4 Mosebedisi wa weposaete ena o etsa hona ka ho ipeha yena
kotsing (at the user's own risk). Mosebedisi o lokela ho ba le
boikarabelo bo felletseng mabapi le ho ba kotsing kapa tahlehelo e
ka bang sephetho sa ho sebedisa dikahare tsa weposaete ena. GCIS
kapa mekgatlo e meng e ngodisitsweng molaong (legal entities)
mabapi le tlhahisoleseding e leng weposaeteng ena, kapa basebetsi
ba GCIS kapa mokga ofe kapa ofe o mong o jwalo, o ke ke wa behwa
molato ka baka la sephetho se ikgethang, se sa tobang, se
tsamaisanang le hona, kapa ho senyehelwa ke eng kapa eng e nngwe,
ho senyehelwa ke boemo ba konteraka, molao, ketso e seng molaong
kapa ho sitisana le (tort), (ho kenyelletswa, empa ho sa felle moo,
bohlaswa), kapa ka tsela efe kapa efe e amanang le tshebediso ya
tokomane ena kapa tlhahisoleseding. Haebe ho na le ho hong ho sa
leng teng ho sa sebediseheng ka baka, ho latelang ho tla tswela
pele ho sebetsa. Ka ho latela dikarolo tsa 43(5) le 43(6) tsa
Electronic Communciations and Transactions Act 25 of 2002
(Molao wa Dikgokahano le Tshebediso ya Dielektroniki), ba GCIS ba
ke ke ba behwa molato bakeng sa tsheneho, tahlehelo kapa molato wa
mofuta ofe kapa ofe ho tswa tshebedisong kapa ho se kgone ho
sebedisa weposaete ena kapa ditshebeletso kapa dikahare tseo ho
fanwang ka tsona ho tswa weposaeteng mmoho le ka yona hape.
3.5 Di-link tse ding tse itseng tsa web server di
hokahanya le mehlodi ya thuos eo e leng ya batho ba boraro bao GCIS
e se nang taolo ya bona. GCIS ha e etse boemedi kapa ditiisetso ka
ho nepahala ha dintlha dife kapa dife tse amanang le mehlodi eo ya
thuso.
3.6 Dipehelo tsa Karolo ya 2 ya Kgaolo ya III Molao wa
Electronic Communications and Transactions wa 25 wa 2002
(Molao wa Dikgokahano le Tshebediso ya Dielektroniki) mona ha di a
kenyelletswa hore di ka sebediswa melaetseng efe kapa efe data ya
dikgokahano ka elektroniki eo mosebedisi a e romelang ho GCIS e tla
nkuwa ka hore e fumanwe ke ba GCIS moo motho a tla amohela molaetsa
ka ho ngolla. Ha mosebedisi a sa fumane karabo nakong e
utlwahalang, mosebedisi o lokela ho latella taba eo le GCIS. GCIS e
ke ke ya behwa molato ka ho hloleha ho araba.
3.7 Ha mosebedisi a hloka tlhahisoleseding efe kapa efe ho tswa ho
GCIS mabapi le ditshebeletso kapa dikahare tsa weposaete ena, moo
ho ka sebediswa iteanye le rona
link
4. Polokeho
4.1 Tshireletso
Ba GCIS ba kentse maemo a amohelehileng a thekenoloji le polokeho
ya tshebediso bakeng sa ho sireletsa tlhahisoleseding yohle eo ho
fanwang ka yona ke basebedisi ho tloha tahlehelong, phetolong kapa
tshenyong. Ho tla nkuwa mehato yohle e utlwahalang ho sireletsa
tlhahisoleseding ya mosebedisi. Basebeletsi ba dumelletsweng, ba
nang le boikarabelo ba ho hlokomela dintlha dife kapa dife tse
hlokolosi ba lokela ho boloka dintlha tseo e le sephiri. Leano lena
le sebetsa ho basebeletsi bohle ba GCIS kapa mekga ya mmuso e ka
amohelang dintlha tseo ho tswa ho ba GCIS. Ho thibetswe ka molao
hore motho ofe kapa ofe, kgwebo, kapa mokga hore o fumane kapa o
leke ho fumana mokgwa o sa dumellwang wa ho fihlela leqephe lefe
kapa lefe le weposaeteng ena, kapa ho kenya kapa ho leka ho kenya
khoutu efe kapa efe e sa dumellwang weposaeteng ena. Ha motho a
kenya kapa a leka ho kenya khoutu efe kapa efe e sa dumellwang
weposaeteng ena kapa a leka ho kena leqepheng lefe kapa lefe
weposaeteng ena a sa dumellwa, motho eo o tla behwa molato wa tlolo
ya molao, mme, ha GCIS kapa mokga ofe kapa ofe wa mmuso o ka
senyehelwa kapa wa lahlehelwa, ho tla etswa ditleieme tsa tshenyeho
eo.
4.2 Ho amahanya le ho nka tsebo ya bang ka semolao o e etse ya
hao (Linkage and Framing)
Re amohela diweposaete tsa batho ba bang ba boraro ba re hokelang
maqepheng ana.
Ha ho dumellwa bakeng sa motho ofe kapa ofe, kgwebo, mokga kapa
weposaete ho nka tlhahisoleseding ka tsela e seng molaong mme ba e
etse ya bona, kapa leqephe lefe kapa lefe la weposaete ena ho
kenyelletsang le yona homepage, ka tsela efe kapa efe, ntle
le tumello e ngotsweng fatshe e tswang ho GCIS.
4.3 Ho Amahangwa ha batho ba Boraro di-Weposaeteng
GCIS e ka fana ka di-link tsa diweposaete tse ding mme hoo
ba ho etsa feela ka tsela e ke keng ya baka tshitiso, mme ho
kenyelletswa ha link efe kapa efe ha ho bolele hore GCIS e
dumellana le diweposaete tseo. Di-weposaete tsa di-link kapa
maqephe ha a laolwe ke GCIS. Ba GCIS ha ba na boikarabelo kapa
molato, ka ho toba kapa ka tsela e sa tobang, ka tsela efe kapa
efe, ba dikahare, tshebediso kapa ho se kgone ho sebetsa kapa ho
fihlelwa ha diweposaete dife kapa dife kapa di-link dife
kapa dife tse ka hara diweposaete tse hokahantsweng (linked
weposaetengs).
5. Sephiri
5.1 Selelekela
Setatemente sa sephiri se sebetsa ho GCIS mmoho le ho mokga ofe
kapa ofe wa semolao, e laolang, e tiisetsang kapa e sebedisang
tlhahisoleseding e ka bokellwang ka weposaete ena.
Mosebedisi a ka kena weposaeteng ntle ho fana ka tlhahisoleseding
efe kapa efe ya hae ka seqo. Le ha ho le jwalo, mosebedisi o
dumella tshebediso ya dintlha tse jwalo ka ho ya ka setatemente
sena sa sephiri. O kotjwa hore o ele hloko hore weposaete ena e ka
nna ya kenyelletsa di-link tsa diweposate tse dingtse sa
laolweng ke setatemente sena sa sephiri.
Ha mosebedisi a na le dipotso dife kapa dife, kapa a tshwenyehile
mabapi le setatemente sena sa sephiri, kapa sephiri sa mosebedisi
ha a sebedisa Weposaete ena, ho ka sebediswa iteanye le
rona link.
5.2 Di-cookies
GCIS e ka sebedisa di-cookies (difaele tsa dingolwa tse
neynyane tse bolokwang ho browser ya mosebedisi) kapa
di-web beacons (ditshwantsho tsa elektroniki tse etsang hore
weposaete e tsebe ho bala basebedisi ba kgonneng ho fumana leqephe
le itseng le ho fihlela di-cookie tse itseng) ho etsa
bonnete ba hore weposaete e laolwa hantle haholo mmoho le ho
nolofatsa ntlafatso ya weposaete. Ba GCIS kapa moabi (baabi) wa
ditshebeletso a ka sebedisa di-cookies ho bokella
tlhahisoleseding ya palo e itseng (aggregate data). GCIS e ka
sebedisa dintho tse jwalo ka tsena nako le nako ho sala morao
mohlala wa tlhahisoleseding ho di-system tsa yona e be e hlwaya
dihlopha tsa basebedisi ka dintho tse jwalo ka diaterese tsa
di-IP, domain, mofuta wa browser mmoho le
maqephe ao ho kenwang ho ona. Tlhahisoleseding ena e romelwa ho
web administrator ya sebedisang lesedi lena bakeng sa
hlopholla palo ya basebedisi dikarolong tse fapaneng tsa weposaete,
mmoho le ho etsa bonnete ba hore weposaete ena e molemo, hape ke
mohlodi o sebetsang hantle haholo wa tlhahisoleseding.
Di-cookies mmoho le di-web beacons ha di bokelle
tlhahisoleseding ya basebedisi ka seqo, jwalo ka lebitso la
mosebedisi kapa aterese ya e-mail. Mosebedisi a ka hana ho
sebedisa di-cookies jwalo ka ha di-browser tse ngata
di dumella batho ho hana ho sebedisa di-cookie. Tlasa maemo
a mang a itseng basebedisi ba ka hanelwa ho fihlela dikarolo tse
ding tsa weposaete ena ha di-browser tsa bona di radilwe
hore di hanele di-cookies.
5.3 Ho sebedisa tlhahisoleseding ya motho ka
seqo
Tlhahisoleseding ya motho ka seqo sa hae e sebedisetswa merero e
itseng feela, mohlala, ha mosebedisi a ingodisa weposaeteng ho kopa
dikgokahano tsa nakong e tlang tse mabapi le dikgahleho tsa GCIS.
GCIS e ka sebedisa tlhahisoleseding e kentsweng ke mosebedisi
bakeng sa ho etsa profile ya mosebedisi hore ba tle ba
shebane le ditlhoko tsa hae ka seqo karabong tsa bona, dikopong tse
ding tsa mosebedisi, kapa dipotso, mmoho le ho ntshetsa pele
weposaete. Ha mosebedisi a kgetha ho ho ingodisa online,
bakeng sa ketsahalo e itseng o okametsweng ke GCIS, GCIS e tla
sebedisa tlhahisoleseding e kentsweng ke mosebedisi ho araba
mosebedisi. Hodima moo, web administrator a ka re, moo ho
hlokehang, a sebedisa tlhahisoleseding ya mosebedisi mesebetsing e
itseng e amanang le weposaete. GCIS e tla etsa bonnete ba hore
mesebetsi ya papatso e tsamaelana le melao e tshwanetseng le hore e
kengwa tshebetsong ka mekgwatshebetso ya ho fihlela tumello e
hlokehang pele ba romela e-mail ya mosebedisi e nang le
tlhahisoleseding ka ditshebeletso tsa GCIS. Mosebedisi a ka re neng
kapa neng a kopa hore GCIS e tlohele ho romela methiriele e jwalo
ho mosebedisi ka ho sebedisa iteanye le
rona link kapa unsubscribe
link.
5.4 Ho senolela batho ba boraro (Disclosure to Third
Parties)
Le ha GCIS e ka fana ka tlhahisoleseding ya mosebedisi ho baabi ba
ditshebeletso ba tshwarang tlhahisoleseding lebitsong la bona,
hangata ba ke ke ba abelana ka tlhahisoleseding eo le batho ba
boraro kapa mekgeng e meng ya mmuso hore e sebedisetswe merero e
meng e se nang kamano le yona ntle le haebe hoo ho boletswe ka nako
eo e neng e bokellwa.
Tlhahisoleseding ya motho ka seqo e ka fetisetswa dinaheng tsa
matjhaba ka GCIS kapa ho batho ba boraro tlasa merero e hlwauweng
mona ka hodimo. Hona ho ke ke ha kenyelletsa ho fetisetswa dinaheng
tse se nang melawana ya tshireletso ya dintlha e tshwanang le e
sebediswang naheng ya bodulo ya mosebedisi. Ka ho fana ka
tlhahisoleseding ho GCIS ka weposaete ena, mosebedisi o dumellana
le phetiso e jwalo.
Moo ho tshwanetseng, tlhahisoleseding ya motho ka seqo e senolwa
moo ho qobellwang molao, ditheong tsa taolo le tsa mmuso, kapa ho
batho ba boraro moo ho hlokehang kapa ho tshwanetseng bakeng sa ho
latela ditlamo tsa molao le tsa taolo kapa dikopo kapa tlasa merero
e hlwauweng mona ka hodimo.
5.5 Ho fihlela Tlhahisoleseding ya Motho ka Seqo
Haebe ho na le tlhahisoleseding ya motho ka seqo e rometsweng
weposaeteng ena, basebedisi ba batlang ho lekola tlhahisoleseding
ya bona ba ka etsa jwalo ka ho etsa kopo ya tekolo ka
iteanye le rona link.Basebedisi ba
tla be se ba kgona ho fumana di-profile tsa bona tsa
tshebediso, ho lokisa le ho ntjhafatsa dintlha tsa bona, kapa ho
ntsha mabitso a bona (unsubscribe) lenaneng neng kapa neng.
Basebedisi ba nang le bothata bofe kapa bofe ba ho fihlela
di-profile tsa bona, kaba ba batlang ho etsa kopo ya khopi
ya tlhahisoleseding ya bona ya seqo ba lokela ho iteanya le web
administrator ka ho sebedisa iteanye le
rona link. Maemong ohle, ba GCIS ba tla
shebana le dikopo tsa ho fihlela tlhahisoleseding kapa ho tjhentjha
tlhahisoleseding ka ho ya ka ditlhoko tsa molao tse sebetsang.
5.6 Ha ho na ditumellano
Ha ho na letho le fumanehang mona ka hare, ho bopang kapa hoo
maikemisetso ahona e leng ho bopa konteraka kapa tumellano pakeng
tsa GCIS le mosebedisi ya kenang weposaeteng ena.
5.7 Tshireletso le sephiri sa Bana
GCIS e ela hloko bohlokwa ba ho sireletswa ha ho ba sephiring ha
bana dikgokahanong ka online lefatsheng lohle ka
kakaretso.
6. Ho kgaola dikamano
Dipehelo le maemo ana a tshebediso di bopa kamano ya profeshenale
kapa e nngwe e itseng pakeng tsa GCIS le mosebedisi wa weposaete
ena. Ho hloleha hofe kapa hofe ke GCIS ho sebedisa kapa ho qobella
tokelo efe kapa efe kapa dipeelo kapa maemo ana a tshebediso hoo ho
ke ke ha bopa ka tsela efe kapa efe mokgwa wa ho qhella thoko
tokelo kapa tlhophiso eo. Ha pehelo kapa boemo bofe kapa bofev ba
tshebediso ya weposaete ena bo sa kengwe tshebetsong ka botlalo
kapa bo ka etswa hore bo se ke ba sebetsa tlasa lebaka lefe kapa
lefe, pehelo (dipehelo) kapa boemo (maemo) bo jwalo bo tla kgaolwa
dipehelong le maemong a mang. Dipehelo le maemo a mang a setseng a
ke ke a angwa ke qobello kapa ho se sebetse hoo mme ona a tla dula
a ntse a sebetsa.
7. Ntjhafatso ya Dipehelo le Maemo
GCIS e na le tokelo ya ho fetola, ho ntlafatsa, ho eketsa le ho
tlosa dikarolo kapa dipehelo le maemo ana a tshebediso ka botlalo
nako le nako. Diphetoho tse ka etsuwang dipehelong le maemong a
tshebediso di ka kena tshebetsong ha diphetoho di se di kentswe
weposaeteng ena. Ke boikarabelo ba mosebedisi hore nako le nako a
lekole dipehelo le maemo ana a tshebediso weposaeteng ena bakeng sa
ho bona diphetoho kapa ntjhafatso. Ho tswela pele ha mosebedisi ho
sebedisa weposaete ena ka mora ho kengwa diphetoho kapa tekolo
botjha ho tla nkuwa ka hore mosebediso eo o fumane nothisi athe
hape o amohela ho latela kapa ho tlangwa ke dipehelo le maemo ana a
tshebediso, ho kenyelletswa le diphetoho le dintjhafatso
tseo.
8. Tlhahisoleseding ka weposaete le monga yona
8.1 Lebitso le felletseng la molao la monga weposaete ke:
Government Communication and Information System (GCIS), eo e
leng Lefapha la Naha la Mmuso wa Rephaboliki ya Afrika Borwa, jwalo
ka ha le emetswe ke Chief Executive Officer
wa-GCIS
8.2 Aterese ya weposaete ena ke:
http://www.services.gov.za
8.3 Dintlha tsa moo o ka iteanyang teng le monga weposaete:
Aterese ya Poso:
Government Communication and Information System
Private Bag X745
PRETORIA
0001
Aterese ya moaho:
Government Communication and Information System
Midtown Building No. 356
Cnr Prinsloo and Vermeulen Streets
PRETORIA
South Africa
Mohala: +27 12 314 2911
Fekse: +27 12 323 3831
E-mail:
electronic@gcis.gov.za
|
