05 Sep 2013
1. Maemo a kabinete ka ga merero ye e lego ditabeng ka seemong sa bjale
1.1. Kabinete e amogela thakgolo ya Tšhatha ya Tirelo ya Setšhaba ebile e lebogišamakgotlakemedi a bašomi a tirelo ya setšhaba le mmušo bjalo ka mongmošomo go boineelo bjo bo dirilwego ka Tšhatha ye.
Tšhatha e tsebiša ditekanetšo tša tirelo ka gare ga tirelo ya setšhaba le makgotlakemedi a bašomi ba tirelo ya setšhaba a go ikana ka boineelo bja ona go thekga ditekanetšo tša tirelo.
1.2. Kabinete e laetša gore makala a mantši ka se sebaka goba a thomile go boledišana ka dikoketšo tša megolo. Kabinete e amogela dikwano tša dikoketšo tša megolo tše di šetšego di fihleletšwe ka makaleng a mangwe gomme e tseba ka ga dipoledišano tše di tšwelago pele ka makaleng a mangwe. Kabinete e amogela gore ka gare ga temokrasi, bašomi ba na le tokelo ya go teraeka.
Kabinete e gatelela gore tokelo ye bjalo e swanetše go phethagatšwa ntle le dikgaruru le ka go latela molao ka botlalo.
Baetapele ba makgotlakemedi a bašomi, bengmošomo le ditirelo tša mmušo tša tšhireletšo ba na le maikarabelo a go kgonthišiša gore molao o a latelwa, le gore ditirotša go hlohleletša dikgaruru di ka efogwa le gomme go teraeka gwa dirwa ka khutšo.
Kabinete e dira boipiletšo go batšeakarolo ka moka go šomiša leka ka maatla go fetša ka dipoledišano tša dikoketšo tša megolo ka pela ka mo go kgonegago le go efoga go se kwane gwa go tšea sebaka se se telele. Dikwano tše bjalo tša ka pela di tla thuša go fokotša ditshenyegelo ekonoming le go godiša phihlelelo ya mešomo ya naga le kgolo ya diphegello.
1.3. Kabinete e amogetšeLekgotla la tša Meepo la Ngwaga ka Ngwaga la bobedi leo le bego le swerwe beke ya go feta. Lekgotla le file batšeakarolo ba ba bagolo ba intasteri ya meepomonyetla wo mongwe wa go tšwela pele ka go boledišana go hwetša ditharollo tša go ya go ile ditlhohlong tšeo di tshwenyago lekala le.Ka fase ga boetapele bja Motlatšamopresidente Kgalema Motlanthe mmušo o tšwela pele gape go thekga kwano ya tlhamo le phethagatšo ya yona ya lekala la meepo le le nago le khutšo le kgatelopele.
1.4. Ge go lebilwe go mengwaga ye 20 ya Tokologo ka la 27 Moranang 2014, Kabinete e dira boipiletšo go maAfrika Borwa ka moka go gopola histori yarena le go keteka phapano ya ditšo tša rena lebakeng la Kgwedi ya Bohwa. Meketeko ya ngwaga wo e tla dirwa ka fase ga kgwekgwe ye: “Go mpšhafatša, Go lota le go Keteka Bohwa bja Rena bjo bo Phelago.”
Meketeko ya Letšatši la Bohwa e tla swarelwa Lebaleng la Dipapadi la Sisa Dukashe go la Mdantsane, Mmasepaleng wa Toropokgolo ya Buffalo, Profenseng ya Kapa Bohlabela ka la 24 Lewedi 2013.
Bjalo ka karolo ya lesolo la Mengwaga ye 20 ya Tokologo, tšhomišano ya kgokagano ya bosetšhaba e tla thakgola ‘Labohlano la Tokologo’ka la 20 Lewedi 2013, leo le tlago fa maAfrika Borwa sebaka sa go thabela tokologo ya rena ye e lwetšwego boima go kgonthišiša gore meloko ya ka moso e kgona go holega go tšwa temokrasing ya rena ya go gatela pele.
Ka Lewedi, go thekga maiteko a rena a boeti bja ka gare ga naga, Kabinete e hlohleletša maAfrika Borwa go etela mafelo a bohwa gore re ikgopotše ka leeto la rena la tokologo. Gape, le go thekga bohwa bja rena bja tlhago ka go etela dirapa tša diphoofolotsa bosetšhaba ntle le tefo go tloga ka la 9 go fihla ka la 13 Lewedi 2013 bjalo ka karolo ya Beke ya Dirapa tša Diphoofolo tša Afrika Borwa (SANParks) ya bo8 ya ngwaga ka ngwaga.
1.5. Kabinete e hlohleletša batswadi le bafepi ka moka ba bana go thekga bana ba bona ge ba dira ditokišetšo tša Diteko tša Bosetšhaba tša Ngwaga ka Ngwaga (ANA) tše di tlago ka ga bokgoni bja go bala le go ngwala, le dipalotšeo di tlago ngwalwa gare ga 10 le 13 Lewedi 2013.
Batswadi le bafepi ba swanetše go kgonthišiša gore ba sekasekadipoelo tša ANA tša 2013 gobane se se bjalo ka sedirišwa se bohlokwa sa go lemoga bokgoni le mafokodi a bana.
Ge go dirwa ditokišetšo tša ANA ye e tlago batswadi le bafepi le baithuti ba hlohleletšwa go šomiša didirišwa tša go abja ke Kgoro ya Thuto ya Motheo. Tšona di ka hwetšwa wepsaeteng ya Kgoro (www.education.gov.za).
1.6. Kabinete e romela molaetša wa thekgo go mašole a Sešole sa Tšhireletšo sa Bosetšhaba sa Afrika Borwaseo se rometšwego Bohlabela bja Repabliki ya Temokrasi ya Congo lebaka la 13 Phupu 2013 go fihla ka 31 Hlakola 2014. MaAfrika Borwa a kgopelwa go thekga le go hlompha mašole a a laeditšego boineelo bja Afrika Borwa go khutšo, peo ya marumo fase le matlafatšo ya temokrasi ka kontinenteng ya Afrika.
1.7. Kabinete e lebogiša go thwalwa ke Mopresidente ga Morena Mxolisi Sandile Oliver Nxasana bjalo ka Molaodimogolo wa Bosetšhaba wa Botšhotšhiši bja Setšhaba le Vasantrai Soni (SC) bjalo ka Hlogo ya Lekala la Dinyakišišo la go Ikgetha.
1.8. Kabinete e lakaletša setšhaba sa Majuda sa Afrika Borwa Rosh Hashanah (5-6 Lewedi 2013) ya lethabo. Rosh Hashanah e bohlokwa kudu go Setšhaba sa Majuda gobane ke seka sa mathomo sa tshepetšo ya boitekolo le boikgopolo ye e fihlago mafelelong ka Yom Kippur, Letšatši la Poelano.
1.9. Kabinete e romela mantšu a yona a khomotšo go Tona Mthethwa le lapa la gagwe ka lebaka la go hlokafalelwa ke mmagwe Mme Nurse Gumbika la 03 Lewedi 2013.
2. Dipoledišano le diphetho tša bohlokwa tša Kabinete
2.1. Kabinete e amogetše pego ka ga dipoelo tša Sedirišwa sa Dikelo tša Tiro ya Bolaodi (MPAT) sa dikgoro tša bosetšhaba letša diprofense ngwageng wa ditšhelete wa 2012/13. Pego ye ke sedirišwa se sengwe seo se nyakago go kaonafatša boleng bja ditirelo tšeo di abjago ke dikgoro. E sekaseka makala a mane a bolaodi ka bophara, e legotaolo ya theko ya dithoto; taolo ya methopo ya batho; togamaano le kaonafatšo yakabo ya ditirelo. Tshekatsheko e dirwa ka dikgato tše tharo, boitekolo; morago tshepetšo ye e lekanetšwago ke bolekodi bja ka gare bja dipuku gomme mafelelong e lekanetšwa ke sehlopha sa balekanyetši sa go ikemela.
Pego ye e tla hlathollwa go ya pele ke Kgoro yaTlhokomelo le Tekolo ya Phethotiroka nako ya thakgolo ye e beakantšwego ya MPATbeke ye e tlago go la Motsekapa.
2.2. Kabinete e amogetše le go dumelela dipego tša kotara ya mathomo ya 2013/14 ka ga phethagatšo ya Dikwano tša Kabo go Dipoelo. Dipego tše di tla hlathollwa ka nako ya lenaneo le le beakantšwego la dipoledišano tša bobegaditaba tša ye nngwe le ye nngwe ya Dipoelo tše 12.
2.3. Kabinete e amogetše pego ya go tšwa go‘Protšeke ya Phumulo ya Tshedimošo ya Dikoloto tša go Fapana’ebile e amogetše le dikakanyo tša Komiti ya Lebakanyana ya Kgwebišano le Dikamano tša Boditšhabatšhaba.
Se se nyaka go šogana le taba ya phihlelelo ya sekoloto go maAfrika Borwa ao a ka kgonago go lefela sekoloto. Ba ke badiriši bao ba kago ba ba šetše ba lefetše dikoloto tša bona ka botlalo ebile ba le maemong a go lefela sekoloto eupša bao phihlelelo ya bona ka se sebaka e thibelwago ke tshedimošo ya sekoloto ye e sego botse rekoteng ya bona.
Se ke se bohlokwa ka ga go kgonthišiša gore Molao wa Dikoloto wa Bosetšhaba (Molao 34 wa 2005) o šoma go ya ka maikemišetšo a go kgonthišiša gore badiriši bao ba ka kgonago go lefela sekoloto ba kgone go se fihlelela. Sekoloto sa go se fihlelelege goba sa go bitša tšhelete ya godimo se thibela kgolo. Phihlelelo ya mmaraka wa dikoloto wa go gatela pele e bohlokwa go diphegello ka moka tša kgatelopele.
2.4. Kabinete e dumeletše Pego ya Tšhišinyoka ga Tetelo ya Tshekole tsebišo ya yona Palamenteng.
Pego ya Tšhišinyo ye eakantšwego e nyaka go kaonafatša taolo ya mokgwa wa tetelo ya tsheko ka kgolegong ka dikgolegong tša Afrika Borwa. Pego e hlaloša dikokwane tšeo di tlago laola taolo ya tetelo ya tsheko ka kgolegong. Pego e tla lokollwa ka tshepetšo ya Palamente.
2.5. Kabinete e dumetše Kwano ya Dibetša tša methuthupoe romelwe Palamenteng go tiišetšwa. Kabinete e thekga tshenyo yathoto ya dibetša tša methuthupogo latela Kwano ye.
Ka Dibatsela 2006 khonferentshe ya Ditšhabakopano (UN) ga se e kgone go fihlelela kwano ka gaka fao khuetšo ya go fapana ya karolo ya dibetša tše e swanetšego go sepetšwa. Se se hlotše sehlopha sa dinaga tše 40, go akaretšwa Afrika Borwa,go thoma tshepetšo ntle le UN, ye e bitšwagoTšhepetšo ya Oslo, go iletšadibetša tša methuthupo.
Afrika Borwa gotee le Mebušo ye mengwe ye 93 e saenetše Kwano ka Manthole 2008.Kwano e thomile gošoma ka la 1 Phato 2010.Kwano e iletša tšhomišo, tšweletšo, kgoboketšo le thomelo ya dibetša tša methuthupo tša legoro le itšeng.Tiišetšo ya Kwano e sepetšana le boineelo bja Afrika Borwa bja go thekga ditokelo tša botho le molao wa setho ge go lwewa.
2.6. Kabinete e dumetše go tlišwa ga pego ka ga Tekolo ya Dipuku ya Mabu ye e Ngwadišitšwego ya Mmušo le tshekatsheko ya khomphutha ya Bong bja Mabu bja Poraebete mo Afrika Borwa, ka Molekanyetšimogolopharephare, go Palamente.
Tshedimošo ya Mabu e bohlokwa go katlego ya ditlhabollo ka moka tša mabu ka mo nageng. Maikemišetšo a tlhakišo ya naga a mmušo ao a ngwadišitšwego ke go laetša gore naga ke ye kaakang yeoe lego ka fase ga mmušo, ešomišetšwa eng le gore ke mangyo a dulago go yona/a e šomišago.
Se se tla šomišwa go godiša seriti sa retšistara ya naga, yeo e tlago šoma bjalo ka motheo wa peakanyo ya mabu ye e matlafaditšwego le tshepedišo, go akaretšwa mediro ye mengwe ya go amana le taolo ya potfolio ya thoto le kabo ye e kaonafetšego ya ditirelo.
2.7. Kabinte e amogetše meakanyetšo ya Khamphani ya Minti ya Afrika Borwa ya R2 ya 2013 (1/4 oz) ya mohuta wa tšhelete ya tšhipi ya gauta ya 24 ct ya segopotšole ya R1 ya 2013 (1/10 oz) ya mohuta wa tšhelete ya tšhipi ya gauta ya 24 ct ya segopotšo.
Moakanyetšo watšhelete ya tšhipi ya gauta ya R2 ya 2013 o tla laetša leleme la maKhoi-San gomme moakanyetšo wa tšhelete ya tšhipi ya R1 ya 2013 o tla ba wa “setulafatši sa boraro” – Mmankgagane wa Dikenywa. Meakanyetšo ya tšhelete ya tšhipi gotee le Tsebišo ya tšona di tla gatišwa ka gare ga Kuranta ya Melawana ya Mmušo. Morago ga fao di tla tšweletšwa le go rekišwa ka mekgwa ya tlwaelo.
2.8. Kabinete e amogetše go tlišwa go Komiti ya Ditšhabakopano ka ga Ditokelo tša Bana le Komiti ya Ditsebi ya Kopano ya Afrika ya dipego tše tharo tša go amana le kgatelopele ye e dirilwego kgatong ya go šireletša ditokelo le boiketlo bja bana. Dipego di aba monyetla wa go ba pepeneneng ebile e le wa bohlokwa go Afrika Borwa go sekaseka kgatelopele ye e e dirilego mo makaleng a:
a) Pego ya nagaka ga Mekgwatshepetšo ya Boikgethelo go Thekišo ya Bana, Bootswa bja Bana le Diswantšho tša Maponapona tša Bana.
b) pego ye e kopantšwego ya bobedi, ya boraro le ya bone ka ga Kwano ya Ditšhabakopano ka ga Ditokelo tša Bana.
c) Tšhatha ya Afrika ka ga Ditokelo le Boiketlo bja Bana: Pego ya Naga ya mathomo go Komiti ya Ditsebi ya Kopano ya Afrika ka ga Ditokelo le Boiketlo bja Bana.
Kabinete e leboga bontši bja mekgatlo ya setšhaba ye e ineetšego le bašomišani ba boditšhabatšhaba bao ba šomišanago le mmušo ka go phethagatša boineelo bjo bo dirilwego baneng ka Molaotheong wa rena.
3. Melaokakanywa
3.1. Kabinete e amogetše go tlišwa ga Molaokakanywa wa Phetošo ya Ditokelo Tša Pušetšo ya Mabu.
Molaokakanywa o fetoša Molao wa Pušetšo go šutišetša letšatši la go dira kgopelo ya go bušetšwa naga go31 Manthole 2018; go dira gore kgopelo ya pušetšo ya Mabu ya bofora e be bosenyi; nolofatšo ya tshepedišo ya thwalo ya Baahlodi go Kgorotsheko ya Dikgopelo tša Mabu; le phetošo ya mabaka a itšeng ao maikemišetšo a ona e lego go godiša phethagatšo ye botse ya Molao. Go bulwa gape ga go dira dikgopelo go laolwa ke ponelopele ya Leanotlhabollo la Bosetšhaba (NDP) le Lenaneo la Tlhabollo ya Metsemagae laKakaretšole maano a mangwe a magolo a maikemišetšo a ona e lego go godiša poelano ya bosetšhaba le kamano ya leago.
3.2. Kabinete e amogetše tsebišo ya Molaokakanywa wa Phetošo wa Saense le Melao ya Theknolotši, 2013 go Palamente.
Molaokakanywa wa Phetošo o bolela ka diphetošo go Sehlopha sa Melao yeo e laolago ditshepedišo tša ditheo (makgotla a saense) ao a hlomilwego go ya ka Melao ye e laeditšwego. Molaokakanywa o nyaka go nolofatša tshepetšo ya kgetho le thwalo ya maloko le go tlatša dikgoba tša mešomo ka Dibotong goba Makgotleng a ditheo. Molaokakanywa o matlafatša bokgoni le kgotlelelo tshepedišong le pušong ya ditheo tša setšhaba tše di lego ka fase ga taolo ya Tona ya Saense le Theknolotši.
Go matlafatša karolo ya Palamente ya bolekodi, Molaokakanywa o nyaka go lokolla Palamente go tšwa go maikarabelo a mangwe a bohlokwa a go amana le go thwala maloko le go tlatša dikgoba tša mešomo ka Dibotong le Makgotleng a bjalo. Se se kwana le molao wa molaotheo wa karoganyo ya maatla.
3.3. Kabinete e amogetše kgatišo ya Molaokakanywa wa Merero ya Setšo ka gare ga Kuranta ya Melawana ya Mmušo gore setšhaba se dire tshwayotshwayo.
Molaokakanywa o fa mabaka a semolao a kamogelo ya maKhoi-Sangape le go šogana le mapheko ao a lego gona a molao mabapi le boetapele le pušo tša setšo.
Go tloga ka 1994 mmušo o lebelelane kudu le ditlhohlo tša go amamaKhoi-San gomme kudu, kamogelo ya ditšhaba le baetapele ba maKhoi-San.
Molaokakanywa o tla ba le seabe go tekanetšo ye kgolo ya NDP ya go ama koketšo ya kamano ya leago le kopano mola o šogana le tlhokego ya tekatekano maloba ka nako ya kgatelelo.
3.4. Kabinete e amogetše Tlhamo ya Tshekatsheko ya Molawana wa Molao wa Dikoloto wa Bosetšhaba le Molaokakanywa wa Phetošo wa Dikoloto wa Bosetšhaba gore o tsebišwe ka Palamenteng.
Molao wa Dikoloto wa Bosetšhaba, 2005 (Molao 34 wa 2005) o thomile go šoma ka botlalo ka 1 Phupu 2007 o tsebiša sebaka se seswa sa melawana ya dikoloto ka go mokgwa wa semolao wa Afrika Borwa.
Maikemišetšo a molaokakanywa ke go matlafatša bokgoni bja Mosepediši wa Dikoloto wa Bosetšhaba go šogana le ditlhohlo tše itšeng kudu malebana le tshepetšo ya dikgorotsheko le go matlafatša tiišetšo le phethagatšo ya mabaka a Molao wa Dikoloto wa Bosetšhaba wa 34 wa 2005.
Kgoro ya Bogwebi le Intaseteri (dti) gape e tšeere sephetho sa gore tlhamo ya molawana ka ga Dikoloto tša Badiriši, woo Molao wa Dikoloto wa Bosetšhaba wa 34 wa 2005 o theilwego godimo ga wona, o tiile ebile ke wa maleba. Se se latela tshekatsheko ya kakaretšo ka 2012, ke dti.
3.5. Kabinete e amogetše go tlišwa ga Molaokakanywa wa Phetošo ya Merero ya Diinstitšhušene ya Tshekatsheko ya Ditefo, 2013.
Maikemišetšo a molaokakanywa ke go dira gore go be le tshwano ya tshekatsheko ya ditefo, diputseletšo le mabaka le dipeelano tše dingwe tša mošomo tša maloko go tšwa go Diinstitšhušene tša Kgaolo ya 9, ka gona go matlafatšwa bokgoni le kgotlelelo tshepedišong le pušong ya diinstitšhušene tše tše bohlokwa.
4. Bao ba thwetšwego mešomong
4.1. Kabinete e amogetše go thwalwa ga Morena Mokutule Joseph Kgobokoe mošomong wa Motlatšamolaodipharephare: Tšweletšong e sa Hlaelego ya Dijole Pušetšo ya Dipolase ka Kgorong ya Temo, Kagodikgwa le Boreadihlapi.
4.2. Kabinete e amogetse go thwala ga Mohumagadi Zandile Yvonne Mathe mošomong wa Motlatšamolaodipharephare: Mananeokgoparara a Methopo ya Meetse a Bosetšhabaka Kgorong ya Merero ya Meetse.
4.3. Kabinete amogetše go thwalwa ga batho ba ba latelago bjalo ka maloko a boto ka go Etšentshi ya Tlhabollo ya Dipanka tša Kgwebo:
a) Sethe Patricia Makhesha (Modulasetulo)
b) Peter Koch (o thwetšwe gape maemong a Motlatša Modulasetulo)
c) Venete Jarlene Klein
d) Lufuno Nevondwe
e) Thabo Vaughan Shenxane
f) Samuel Senalor Akrong
g) David Ginsburg
h) Renganayagee Kisten.
4.4. Kabinete e amogetše go thwalwa ga maloko a a latelago go Lekgotla la Dinyakišišo la Temo go ya ka karolo 9(1) ya Molao wa Dinyakišišo tša Temo, 1990 Molao wa 86 wa 1990 lebaka la go se fete mengwaga ye meraro.
a) Morena Jonathan Winston Alexander Godden (o thwetšwe gape)
b) Profesa Michael Jeffrey Kahn (o thwetšwe gape)
c) Profesa Sibusiso Vil-Nkomo (o thwetšwe gape)
d) Ngaka Joyce Chitja (o thwetšwe gape)
e) Mohumagadi Wilna Jansen Van Rijssen (o thwetšwe gape)
f) Mohumagadi Dudu Msomi (o thwetšwe gape)
g) Morena Mzolisi Dyasi (o thwetšwe gape)
h) Profesa Frans J.C Swanepoel (o thwetšwe gape)
i) Morena Gerard John Martin
j) Mohumagadi Dora Ndaba
k) Morena Ismail Cassim Motala
l) Mohumagadi Muhle Joyce Mashiteng
m) Mohumagadi Rowen Graham Nicholis
n) Morena Clive Douglas Kneale
o) Profesa Louw C. Hoffman
p) Morena Allen Henry Bishop.
4.5. Kabinete e kwane le go thwalwa ga batho ba ba latelago go Lekgotla la Lekala la Taolo la Intasteri ya Tšhireletšo ya Poraebete, lebaka la go se fete mengwaga ye meraro:
a) Morena Daniel Claude Mojalefa Rathebe (Motlatša-Modulasetulo)
b) Brikadiri Cynthia Lindiwe Philison (mokhanselara)
c) Morena Benjamin Somangamane Ntuli (mokhanselara)
d) Mohumagadi Nontokoza Mthembu (mokhanselara).
4.6. Kabinete e amogetše katološo ya konteraka ya mošomo ya Ngaka Vuyelwa Nhlapo bjalo ka Mohlankedimogolo wa Phethiši wa Etšentshi ya Tlhabollo ya Bosetšhaba, lebaka la mengwaga ye mebedi go thoma ka la 1 Lewedi 2013 go fihla ka 31 Phato 2015.
4.7. Kabinete e amogetše go thwalwa ga Morena Mokadi Max Mathye bjalo ka Mohlankedimogolo wa Phethiši wa Lekala la Thuto le Tlhahlo la Legoro la Dijo le Dino.
4.8. Kabinete e amogetše go thwalwa gape ga maloko ao a kgonthišišitšego gore a tla ba gona go tšwela pele ka go šomela Lekgotla la Tlhabollo ya Methopo ya Batho la Afrika Borwa go thoma ka Lewedi 2013 go fihla kaPhato 2018.
Lekgotlakeletši le la makalantši le etwa pele ke Motlatšamopresidente Kgalema Motlanthe gomme le bopša ke Ditona tše 13 tšeo e lego maloko a go ya go ile ebile di emetše mmušo. Lekgotla gape le bopša ke dikemedi go tšwa mekgatlong ya kgwebo le ya bašomi, bafahloši, setšhaba le maloko ao a laleditšwegofela. (Maina a akareditšwe go Kgomaretšo 1)
Kabinete e amogetše gape maloko a a latelago amaswa a:
a) Morena Mugwena John Maluleke (mokgatlo wa bašomi)
b) Morena Thero Micarios Lesego Setiloane (mokgatlo wa borakgwebo)
c) Morena Seeraj Mohamed (bofahloši)
d) Ngaka Octavia Khabelani Mkhabela (leloko la go laletšwa)
e) Ngaka Raymond Patel (leloko la go laletšwa)
f) Ngaka Duduzile Rosemary Mkhize (leloko la go laletšwa)
g) Mohumagadi Happy Mavis Sibande (leloko la go laletšwa).
Dipotšišo di lebišwe go: Phumla Williams (Seboleledi sa Kabinete sa Motšwaoswere)
Mogala wa boikgokaganyo: 083 501 0139
KGOMARETSO I
Kabinete e amogetše go thwalwa gape ga batho ba ba latelago go šomela Lekgotla la Tlhabollo ya Methopo ya Batho la Afrika Borwago thoma ka Lewedi 2013 go fihla kaPhato 2018, go tlaleletša maloko a maswa a 7ao a laeditšwego ka godimo.
a) Morena Dennis George (FEDUSA)
b) Morena Narius Moloto (NACTU)
c) Mohumagadi Nolitha Fakude (SASOL)
d) Mohumagadi Lulama Nare (SADTU)
e) M\dis Fezeka Loliwe (SADTU)
f) Morena JJ Mbana (Kholetšhe ya Nagagare ya Kapabohlabela)
g) Ngaka Jeffrey Mabelebele (Thuto ya Godingwana ya Afrika Borwa)
h) Ngaka Rob Adam (Sehlopha sa AVENG)
i) Morena Bheki Ntshalintshali (COSATU)
j) Morena Nape Maepa (Akatemi ya Boentšenere ya Afrika Borwa)
k) Morena Brian Whittaker (VUMELANA)
l) Ngaka Allyson Lawless (Institšhute ya Boentšenere bja Kago ya Afrika Borwa)
m) Morena Ravi Naidoo (ILekala la Boeletši la Tlhabollo le Mananeokgoparara)
n) Profesa Cheryl de la Rey (Yunibesithi ya Pretoria)
o) Profesa Vuyiswa Mazwi-Tanga (Yunibesithi ya Theknolotši ya Cape Peninsula )
p) Mohumagadi Buelah Mosupye (Setheo sa Boeletši sa BLH)
q) MorenaSizwe Nxasana (First Rand Bank)
r) Mohumagadi Mzolisi Toni (Kgoro ya Basadi, Bana le Bagolofadi)
s) Profesa Peliwe Lolwana (Yunibesithi ya Witwatersrand)
t) Morena Brian Angus (Boetapele bja Kgwebo bja Afrika Borwa)
u) Ngaka Florus Prinsloo (Kgoro ya Thuto ya Godingwana le Tlhahlo)
v) Mohumagadi Janet Lopes (Mokgatlo wa Afrika Borwa wa Diintasetere tša Boentšenere bja Mabokgoni)
w) Ramolao Rams Ramashia (Setheo sa Bohlwekišetšo bja Ranteng)
x) Ngaka Xolani Mkhwanazi (BHP Billiton)
y) Profesa Edward Webster (Yunibesithi ya Witwatersrand)
z) Morena Edward Majadibodu (Lekala la Mabokgoni la Bosetšhaba)
aa) Morena Elija Litheko (Institšhute ya Taolo ya Batho
bb) Profesa Lekoa Solly Mollo (Akatemi ya Taolo le Boetapele bja Tshepedišo ya Setshaba)
cc) Mohumagadi Jenny Cargill (Mmušo wa Profense ya Kapa Bodikela)
dd) Morena Yershen Pillay (Etšentshi ya Tlhabollo ya Baswa ya Bosetšhaba)
ee) Mohumagadi Jenna Ferreirinha (Foramo ya Sepotokisi).
