Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokufaka isibawo senomboro yokutlolisa isithuthi
Inomboro yokutlolisa isithuthi ngiyo kwaphela inomboro eyamukeleka njengesemthethweni lokha nakusetjenzwa iindaba ezimayelana nesithuthi ngaphasi kwerherho le-eNatis lokha nakutjhejwa isibawo samaphandle nanyana seenhlangano lokha ikambiso ingasingaphasi komuntu siqu osemthethweni.
Nayibe uliphandle begodu awukabi ukutloliswa ngaphasi kweRherho leLwazi lezeenThuthi leliZwe (i-eNatis); begodu ufuna ukuthenga nanyana ukutlolisa ikoloyi eSewula Afrika, kufanele uveze incwadi kamazisi yakho yelizwe lekhenu ngaphambi kokobana ungafakwa ku-eNatis.
Nayibe awunayo incwadi kamazisi yelizwe lekhenu, kuzakufuneka bona wenze isibawo seNomboro yokuTlolisa isiThuthi (i-TRN), kwaphela lokha unephasipoti, ilayisensi yokutjhayela nanyana iincwadi zemvumo yokuvakatjhela ezinye iinarha ezinikela ubufakazi bokobana ungene ngokusemthethweni eSewula Afrika.
Nayibe yihlangano engakajanyelwa mumuntu owamukeleka njengongatlikitla ngokusemthethweni isib. Ibhizinisi yehlanganisela, ibhizinisi yomuntu munye, isigungu esinobuphathimandla njengomasipala/umbuso wesifunda/umbuso, isonto/ibandla lesonto/ihlangano yezehlalakuhle, ihlangano yezokuzithabisa, ihlangano yezefundo, itrasti nanyana isigungu sezomthetho nazo kufanele zifake isibawo senomboro yokutlolisa isithuthi eSewula Afrika. Ihlangano kufanele ikhombe umjameli wegatja ngalinye nanyana isiphande esihlukileko sebhizinisi nanyana sehlangano. Umjameli lo uzokuthathwa njengomuntu okuthintanwa naye nakunefuneko yeendaba zelawulo nokutlolisa.
Ngaphezu kwalokho, umjameli osemthethweni kufanele enyulwe ngokunikelwa incwadi. Incwadi yokunyulelwa esikhundleni sokuba mjameli wehlangano ikhomba umuntu othileko bona ajamele ihlangano, begodu inamandla wokubopha ihlangano ngaphasi kwemibandela yomThetho weenThuthi zeNdleleni weliZweloke (i-NRTA) kanye nemiThetholawulo yeenThuthi zeNdleleni weliZweloke (i-NRTR). Umnyulwa nomjameli kungaba mumuntu munye. Umnyulwa nomjameli kufanele balethe imitlolo yokuzazisa efaneleko neyamukelekako:
- UMazisi weSewula Afrika okhutjhwe mNyango wezangeKhaya, nayibe umuntu loyo usisakhamuzi seRiphabhlikhi yeSewula Afrika, nanyana ongasiso isakhamuzi seRiphabhlikhi yeSewula Afrika kodwana ahlala unomphela eSewula Afrika.
- Isitifikedi esingumazisi sesikhatjhana esikhutjhwe mNyango wezangeKhaya nayibe umuntu loyo sisakhamuzi seRiphabhlikhi yeSewula Afrika nanyana ongasiso isakhamuzi seRiphabhlikhi yeSewula Afrika kodwana ahlala unomphela eSewula Afrika.
- Iphasipoti ekhutjhwe lilizwe leSewula Afrika eneenomboro zikaMazisi.
- Incwadi kaMazisi ekhutjhwe yinarha yangaphandle, nayibe umfakisibawo akasiMsewula Afrika begodu akahlali unomphela eSewula Afrika.
- Isitifikedi se-TRN esikhutjhwe liziko lokutlolisa iinkoloyi elisemthethweni, lokha nayibe umfakisibawo akasimSewula Afrika begodu akahlali unomphela eSewula Afrika, begodu akanayo incwadi kamazisi wenarheni yangaphandle, kodwana unephasipoti nomtlolo oyimvumo yokuvakatjha.
Okufanele ukwenze
- Vakatjhela iziko lokutlolisa iinkoloyi elisemthethweni langekhenu (RA) nanyana iZiko lokuHlungela iLayisensi yokuTjhayela (DLTC) bese uzalise iforomo lokufaka isiBawo seNomboro yokuTlolisa isithuthi.
- Nawufaka isibawo senomboro yokutlolisa isithuthi eSewula Afrika ibe uliphandle, kufanele bona ulethe imitlolo elandelako:
- Ikhophi eqinisekisiweko yephasipoti yakho nanyana ikhophi eqinisekisiweko yelayisensi yokutjhayela nomtlolo oyimvumo yokuba sisakhamuzi nanyana iincwadi zokuvakatjha ezisemthethweni.
- Iinthombe ezimbili ezinganambala (ungabuza kwa-RA nanyana kwa-DLTC ukobana kufuneka iinthombe ezingaki).
- Nayibe ufaka isibawo senomboro yokutlolisa isithuthi ngomnqopho wokuthiya ngokukhethekileko inambapleyidi yekoloyi yehlangano, kufanele ulethe imitlolo elandelako:
- Isitifikedi sokutloliswa kwebhizinisi (esikhutjhwe ngurejista weenkhamphani)
- Ikhophi yomtlolo okuvumela ukuba mjameli wekhamphani nanyana uMazisi weSewula Afrika womjameli onyulweko.
- Bhadela imali ebekiweko.
Isikhathi esibekiweko
Kungathatha pheze iimveke ezisithandathu ukuthi kuphele ukusetjenzwa ngesibawo sakho.
Kubiza malini
Ukuze ufumane ilwazi mayelana neendleko zesitifikedi senomboro yokutlolisa isithuthi, thintana nebe-RA nanyana be-DLTC.
Amaforomo ekufanele uwazalise
Amaforomo wesibawo sokufumana inomboro yokutlolisa isithuthi ayatholakala ezikweni lokutlolisa iinkoloyi elisemthethweni nanyana ezikweni lokuhlungela ilayisensi yokutjhayela.
Ungathintana nobani
Contact your local department of transport
