Dintlha ka
O lokela ho etsang
Nako ya tshebetso
Ditjeo ke bokae
Diforomo tse tlatswang
Dintlha tsa ho iteanya
Malebana le go dira kgopelo ya nomoro ya boingwadišo ya sefatanaga
TRN ke boitsebišo bjo bogolo bjoo bo amogelwago go dikgwebo tša difatanaga tša tseleng mo go eNaTIS ya badudi ba dinaga tša ntle le mekgatlo yeo e šomago bjalo ka batho bao ba sego molaong.
Ge o le modudi wa dinaga tša ka ntle gomme o se wa hlwa o ngwadiša mo go eNaTIS (Tshepetšo ya Bosetšhaba ya Tshedimošo ya Dinamelwa ka elekhtronikhi); gomme o nyaka go reka goba go ngwadiša sefatanaga mo Afrika Borwa, o swanetše go tšweletša pukwana ya boitsebišo ya dinaga tša ka ntle gore o tsebišwe mo go eNaTIS.
Ge o se na pukwana ya boitsebišo ya dinaga tša ka ntle, o tla swanela ke go dira kgopelo ya nomoro ya boingwadišo ya sefatanaga (TRN), ge fela o na le lengwalo le le se nago bosodi la boeti, laesense ya go otlela goba lengwalo la bosepedi leo le fago bohlatse bja gore go ba gona ga gago ka Afrika Borwa go molaong.
Ge o le mokgatlo woo o šomago bjalo ka motho yo a sego molaong, mohlala, kgwebišano, kgwebo ya motho o tee, taolo ya mmasepala/profense/mmušo, kereke/phuthego/mekgatlo ya pabalelo, mekgatlo ya boitapološo, mekgatlo ya thuto, trasete goba lekgotla la molao, o swanetše go dira gape kgopelo ya TRN go ngwadiša sefatanaga sa gago ka Afrika Borwa. Mokgatlo o swanelwa ke go hlaola moemedi lekaleng le lengwe le le lengwe goba e e fane ka atrese ye e sa swanego ya kgwebo/mokgatlo. Motho yo o šoma bjalo ka motho o ka ikopantšhago le yena ka mabaka a taolo.
Go tlaleletša, go swanetšwe go kgethwa moemedi ka tsela ya lengwalo le le mofago maatla a boemedi. Lengwalo la moemedi le fa tumelelo ya motho yo a hlaotšwego go ema legatong la mokgatlo, le go tlama mokgatlo ka mabaka a NRTA (Molao wa Dinamelwa tša Setšhaba tša Tseleng) le NRTR (Melawana ya Dinamelwa tša Setšhaba tša Tseleng).
Moemedi yo a kgethilwego le moemedi e ka ba motho o tee. Moemedi yo a kgethilwego le moemedi le bona ba swanetše go tšweletša dipukwana tša boitsebišo tša maleba:
- Pukwana ya boitsebišo ya Repabliki ya Afrika Borwa (RSA) yeo e hlagišitšwego ke Kgoro ya Merero ya Segae (DoHA) ge motho e le modudi wa RSA, goba e se modudi wa RSA woo a duletšego go ya go ile ka RSA.
- Setifikeiti sa nakwana sa boitsebišo seo se ntšhitšwego ke DoHA ge motho e le modudi wa RSA, goba modudi yoo e sego wa RSA yoo a duletšego sa ruri ka RSA.
- Lengwalo la boeti la RSA moo nomoro ya lengwalo la boitsebišo e ka hwetšwago gona.
- Pukwana ya Boitsebišo yeo e ntšhitšwego nageng ya ka ntle, ge motho e se modudi wa RSA wa sa ruri.
- Setifikeiti sa TRN seo se hlagišitšwego ke taolo ya boingwadišo ya maleba (RA) ge motho e se modudi wa RSA yoo sa dulelago sa ruri ka RSA, yoo gape a se nago pukwana ya boitsebišo ya dinaga tša ka ntle, eupša yoo a nago le lengwalo la boeti goba lengwalo la bosepedi.
Seo o swanetšego go se dira
- Eya taolong ya boingwadišo (RA) ya kgauswi goba senthara ya diteko tša laesense ya go otlela (DLTC) gomme o tlatše foromo ya Kgopelo le tsebišo malebana le TRN.
- Ge o dira kgopelo ya TRN bjalo ka modudi wa dinaga tša ntle yoo a nyakago go reka goba go ngwadiša sefatanaga ka Afrika Borwa, o swanetše go iša tše di latelago:
- khophi ye e kgonthišitšwego ya lengwalo la gago la boeti goba khophi ya gago ya lengwalo la bootledi yeo e kgonthišitšwego le tumelelo ya bodulo ya nakwana goba lengwalo la bosepedi.
- diswantšho tša Pukwana ya Boitsebišo tša mmala wo moso le wo mošweu (netefatša le taolo ya boingwadišo ya maleba goba senthara ya diteko tša lengwalo la go otlela (DLTC) gore go nyakega diswantšho tše kae)
- Ge o dira kgopelo ya TRN ka gore o nyaka go dira polatanomoro ya go ikgetha ya sefatanaga sa mokgatlo, o swanetše go iša tše di latelago:
- Lengwalo la boingwadišo la kgwebo (leo le hlagišitšwego ke mmušakarolo wa dikhamphani)
- kopi ya Pukwana ya Boitsebišo ya Afrika Borwa ya moemedi yo a kgethilwego goba moemedi
- Lefa tefo yeo e beilwego.
Go tšea nako ye kaakang
Go ka tšea tekano ya dibeke tše tshela go lebelela kgopelo ya gago.
Go bitša bokae
Ikopantšhe le RA goba DLTC go hwetša tshedimošo ka theko ya lengwalo la TRN.
Diforomo tšeo o swanelago go di tlatša
Kgopelo le tsebišo malebana le foromo ya TRN e a hwetšagala RA goba DLTC.
Dintlha tsa ho iteanya
Contact your local department of transport
