Khumbelo ya thuso ya phungudzo ya tsiku

Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u adzwa
Vha kwama inyi

 

 

Ngaha khumbelo ya thuso ya phungudzo ya tsiku

Phungudzo ya tsiku ya tshitshavha ndi thuso ya tshifhinganyana i ṋewaho vhathu vha shayaho lu kalulaho lune vha sa kone u tshelela miṱa yavho.

Ndi nnyi ane a nga wana thuso ya phungudzo ya tsiku?

Vha nga wana thuso u bva kha muvhuso arali vha tshi khou tshila nga fhasi ha tsiku i shushaho.

Tshiimo tsha tsiku tshi shushaho tshi nga vha tsho vhangwa nga zwi tevhelaho:

  • u ṱo ḓa thuso musi vho lindela phindulo u bva kha muvhuso malugana na khumbelo ya ndambedzo ya vhana
  • ho vha na tshiwo tsho iteaho, u fana na u swa ha nnḓu
  • a vha tei u wana ndambedzo nahone vha kha tshiimo tshi shavhisaho
  • a vha koni u shuma ngauri a vha vuwi zwavhu ḓi – hezwi zwi amba uri vha na miṅwedzi ine ya vha nga fhasi ha rathi vha tshi lwala
  • a vha koni u wana masheleni a u unḓa ṅwana u bva kha khotsi kana mme a ṅwana wavho
  • muthu we a vha a tshi ṱun ḓa zwiḽiwa muṱani o lovha
  • muthu we a vha a tshi ṱun ḓa zwiḽiwa muṱani o farwa a bvalelwa dzhele tshifhinga tshi sa swiki miṅwedzi ya rathi
  • vho kwamiwa nga tshiwo tsho iteaho, fhedzi vhupo vhune vha dzula khaho a hongo ḓivhadzwa sa vhupo ha tshiwo.

Ndi mini zwine vha wana?

Thuso ya Phungudzo ya Tsiku i nga vha nga nḓila ya phasela dza zwiḽiwa kana vautshara ya u renga zwiḽiwa. Maṅwe mavun ḓu a ṋea tshelede. Thuso iyi i ṋewa lwa tshifhinga tshiṱuku – kanzhi lwa miṅwedzi miraru, tshiṅwe tshifhinga lwa miṅwedzi ya rathi.

Zwine vha tea u ita

  • Kha vha ite khumbelo ya thuso ya phungudzo ya tsiku ofisini ya tsini ya Muhasho wa zwa Mvelaphanda ya Vhathu.
  • Kha vha ṋekedze khumbelo yavho na dokhumenthe dzi tevhelaho:
    • Ḽi ṅwalo ḽavho ḽa vhuṋe ḽine la vha na bar-code na ṋomboro dza 13 na ṱhanziela dza vhana vhavho dza mabebo.
    • Dokhumenthe dzi tevhelaho dzi ḓo ṱoḓea kha khumbelo arali ḽiṅwalo ḽa vhuṋe na/kana ṱhanziela ya mabebo zwi siho:
      • afidavithi yo laedzelwaho nga Muhatuli wa zwa Mulalo. Afidavithi i tea u vha na tshipiḓa tshi sumbedzaho uri vhuṱanzi vhu si hone kana ha madzwifhi vhu nga ita uri muṋei wa vhuṱanzi a tovholwe lwa mulayo nga fhasi ha Ndima 21 ya Mulayo wa Thuso ya Tshitshavha wa 2004
      • tshitatamennde tsho aniwaho nga muthu a fulufhedzeaho a ḓivhaho mubebi a itaho khumbelo na ṅwana wawe. Tshitatamennde tshi nga itwa nga mukhantselara, vhamusanda, mushumeli wa tshitshavha kana mufunzi
      • vhuṱanzi vhu sumbedzaho uri khumbelo ya ṱhanziela ya mabebo kana ya ḽiṅwalo ḽa vhuṋe yo itwa kha Muhasho wa zwa Muno
      •  ṱhanziela ya ndovhedzo
      • muvhigo wa kiḽiniki wa mihaelomuvhigo wa tshikolo.

Kha vha ḓivhe hedzwi: A huna khumbnelo ine ya ḓo shuminwa nayo nga nnḓa ha tshitatamennde tsho aniwaho/afidavithi.

  • Kha vha sumbedze vhuṱanzi ha uri:
    • vho ita khumeblo ya ndambedzo
    • ho vha na tshiwo (e.g. kha vha ṋekane nga muvhigo wa mapholisa uri nnḓu yavho yo swa)
    • vho linga u wana masheleni a u unḓa vhana
    • a vha na iṅwe thikhedzo
    • vho mala/malwa, kana vho ṱala kana a vha athu u vhuya vha mala/malwa
    • a vha na muholo
    • vha na vhuholefhali ha tshifhinganyana.

Tshifhingambekanywa

  • Maitele na tshifhinga tsha u itwa ha tshumelo.
  • Khumbelo yavho i sedzwa zwenenzwo vha tshi fhedza u i ḓisa.
  • Hu ḓo sedzwa vhungoho ha mafhungo na ṱho ḓea ya thuso.
  • Vha ḓo wana phasela ya zwiḽiwa, vautshara kana tshelede ya ṅwedzi wa u thoma naho vha songo ḓisa dokhumenthe dzoṱhe dzi ṱo ḓeaho.
  • Vha humbule u ṋea muofisiri dokhumenthe dzoṱhe dzo teaho phanḓa ha musi mbadelo dza ṅwedzi wa vhuvhili dzi tshi itwa. Arali vha sa ita ngauralo vha nga fhedza vha si tsha wana phasela ya zwiḽiwa, vautshara kana. tshelede ya ṅwedzi wa vhuraru.
  • Arali hu sina tshanduko kha tshiimo tshavho nga murahu ha u wana ndambedzo lwa miṅwedzi miraru, vha nga ita khumbelo ya u engedza ndambedzo lwa miṅwedzi miṅwe miraru.

Zwi ita vhugai

A huna mbadelo.

Fomo dzi no tea u adzwa

Kha vha kwame ofisi ya tsini ya muhasho.

 

Share this page