Khumbelo ya thendelo ya u ṱunḓa moḓoro yo no shumiswaho

Ngaha

Zwine vha tea u ita

Tshifhingambekanywa

Zwi ita vhugai

Fomo dzi no tea u ḓadzwa

Vha kwama inyi

Nga ha u ita khumbelo ya thendelo ya u ṱuṋda moḓoro yo no shumiswaho

Vha nga ṱunḓa fhedzi moḓoro yo no shumiswaho dzi tshi dzhena Afrika Tshipembe arali vho newa thendelo ya u ita ngauralo.

U ṱunḓa moḓoro yo no shumiswaho hu a lungulwa u itela u tsireledza nḓowetshumo yapo ya mveledziso ya mimoḓoro kha u khakhiswa nga u ṱunḓwa ha moḓoro yo no no shumiswaho nauri thendelo dzi ṋetshedzwa fhedzi nga fhasi ha nyimele dzo ṱaluswaho.

U ṱunḓwa ha moḓoro yo no shumiswaho zwi fanela u tevhedzela maga a ndaulo ya u ṱunḓa zwi tshi ya nga Tshipiḓa tsha vhu 6 tsha Mulayo wa Ndaulo ya u Mbambadzo ya Dzitshakha wa vhu 71 wa 2002.

Ndi vhadzulapo vha Afrika Tshipembe na ṱhunḓu dzine dza vha na tshidzulapo tsha tshoṱhe vhane vho tendelwa u ḓa na moḓoro yavho yo nwaliswaho nga madzina avho shangoni ḽino.

Moḓoro ine ya nga ṱunḓwa i katela moḓoro ya mbambe, ya kale ya vhaṋameli, yo olwaho lwo khetheaho na ine ya vha ifa.

U wana zwidodombedzwa zwinzhi.

Zwine vha tea u ita

• Kha vha ḓadze fomo ya importation of a second hand or used vehicle form, IE462 (Khumbelo ya u ṱunda moḓoro yo no shumiswaho kana fomo IE462).
• Kha vha ṋetshedze maṅwalo a tevhelaho:
  • Ḽinwalo ḽa vhuṋe kana phasipoto
  • luṅwalo lu bvaho kha mutholi lune lwa khou khwaṱhisedza u tholwa havho nnḓa, lu sumbedzaho tshifhinga tshe vha tholwa tshone (tsumbamuholo, tshiḽipi tsha muholo, ṋetshedzo ya mushumo, konṱiraka ya mushumo, mbadelo dza muthelo, thendelo ya u shuma na zwiṅwe vho zwine zwa dzhiiwa sa khwaṱhisedzo ya u tholwa)
  • khophi yo khwaṱhisedzwaho u vha ya vhukuma ya ṱhanziela ya tshiofisi ya u ṅwaliswa ha moḓoro u bvako nnḓa
  • Ṱhunḓu dzine dza vha dzo no vha vhadzulapo dzi fanela u ṋetshedza khophi ya tshidzulapo tsha tshoṱhe tsha Afrika Tshipembe, phasipoto ya hune vha bva hone (siaṱari ḽine ḽa vha na tshifanyiso na zwidodombedzwa), khophi ya ṱhanziela ya tshiofisi ya moḓoro ya u ṅwaliswa ha moḓoro u bvaho nnḓa
  • vhuṱanzi ha ngudo kana ṱhoḓisiso ine ya fanela u khunyeledzwa arali i hone.

Tshifhingambekanywa

Zwi nga dzhia maḓuvha a swikaho maṱanu u fhedza mushumo nga murahu ha musi maṅwalo oṱhe o no ṱanganedzwa.

Zwi ita vhugai

Tshumelo ndi mahala.

Fomo dzi no tea u ḓadzwa

Application for importation of a second hand or used vehicle form, IE462 (Khumbelo ya u Ṱunḓa Moḓoro yo no Shumiswaho, IE462)

Vha kwama inyi