U nwalisa tshiimiswa tsha tsha mveledziso ya vhana vhatuku (ECD)

Malugana na u nwalisa tshiimiswa tsha mveledziso ya vhana vhaṱuku (ECD)

Senthara ya mveledziso ya vhana kana khireshe ndi fhethu ha ndondolo ha vhana vha sa athu thomaho tshikolo vha hune vha londotwa lwa ḓuvha kana vhusiku. Hu tea u vha na thendelano vhukati ha muṋe wa khireshe na mubebi kana muunḓi,
arali vha ṱanganedza vhana vha fhiraho rathi (vha vhukale vhu swikaho kha miṅwaha ya rathi) nga fhasi ha vhabebi kana vhauunḓi vhavho vhukati ha awara dzo tiwaho dza ḓuvha kana vhusiku, kana lwa tshifhinganyana, vha nga ita khumbelo ya u ḓiṅwalisela kha Muhasho wa Mveledziso ya Matshilisano u re tsini navho kana ofisini dza masipala.

U thoma kana u ranga phanḓa tshiimiswa tsha ECD, tshiimiswa tshi tea u vha:

• tsho ḓiṅwaliselaho na vha muvhuso wa vunḓu wa hune tshiimiswa thenetsho tsha vha hone
• tshi langulwaho na u  ṱhogomelwa u ya nga Milayo ya Senthara dza Mveledziso ya vhana vhaṱuku  (Guidelines for Early Childhood Development Centres)
• hu tevhedzelwa milayo na maitele a tevhelaho:
  • fhethu ho tsireledzeaho ha vhana
  • ndondolo yo fanelaho ya vhana vha lwalaho kana vhane vha farwa nga vhulwadze
  • fhethu ho linganelaho nahone hu no dzhenisa mufhe
  • u nwa madi o kunaho
  • mutakalo na vhukuna nahone ho ṋekedzwaho na mabunga
  • fhethu ha u vhea zwithu ho tsireledzeaho kha zwithu zwiṅwe na zwiṅwe zwine zwa nga vha khombo kha vhana
  • u tendelwa u wana tshumelo ya u dzhielwa mathukhwi kana iṅwe nḓila yo fanelaho ya u laṱa mathukhwi a bveledzwaho henefho kha tshiimiswa
  • vhethu ho kunaho ha u dzudzanya zwiḽiwa zwa vhana
  • nḓila u khethekanya vhana u ya nga mirole yo fhambanaho
  • u dzudzanywa ha pulane dza u swikelela zwiimo zwa shishi, na
  • u dzudzanywa ha mbekanyamaitele na maitele malugana na ndondolo ya mutakalo kha tshiimiswa.

Tshiimiswa tsha ndondolo tshine tsha khou ṱoḓa u shuma tshine ndondolo ya vhana vha re na vhuholefhali kana malwadze a sa fholi tshi tea:

• u vha tshi swikeleleaho kha avho vhana
• u ṋekedze tshumelo i swikelelaho ṱhoḓea dza avho vhana
• u pfumbudza vhathu vha tholiwaho kha tshenetsho tshiimiswa.

Tshiimiswa tshine tsha khou ṱoḓa u shuma tshi nga swikelela u wana masheleni u bva kha muhasho arali tshi tshi khou tevhedza milayo na maitele, nahone tshi tshi kha vhupo vhune vhathu vha hone vha a kundelwa u vha na vhudzulo ho fanelaho, zwiḽiwa na dziṅwe ṱhoḓea dza vhuṱhogwa dza vhutshilo kha vhana.

Zwine vha tea u zwi ita

1. kha vha ite khumbelo ya u ṅwalisa kana u ṅwalisa hu songo khwaṱhisedzwaho ha tshiimiswa tsha ndondolo/ mveledziso ya nyaluwo ya u ranga (ECD) kha muhasho wa Mveledziso ya matshilisano u re tsini navho kana kha ofisi dza masipala hune vha ḓo ṋewa Fomo ya nomboro ya 11 uri vha i ḓadze.
2. Khumbelo yavho i tea u katela zwi tevhelaho:
   • Zwidodombedzwa zwavho (nomboro ya basa, ḓiresi na nomboro dza luṱingo)
   • ḓiresi ya fhethu na ya poswo dza tshiimiswa tsha ndondolo
   • tshivhalo tsha vhana vhane vha ḓo ṱanganedziwa kha tshiimiswa
   • ndalukanyo dzavho, zwikili na tshenzhemo
   • tsumbo ya mbekanyamushumo na tshumelo dzine dza ḓo ṋekedzwa, hu tshi katelwa ndivho na zwipikwa
3. Kha vha ise zwi tevhelaho:

• Pulane ya bindu i katelaho:
  • awara dza u shuma dza tshiimiswa tsha ndondolo   
  • tshiimo tsha masheleni
  • pulane ya ndondolo ya ḓuvha
  • nomboro ya vhashumi
  • mbekanyamaitele ya khaidzo
• ndayotewa i katelaho:
  • madzina a tshiimiswa tsha ndondolo
  • mishumo, ndaulo na mishumo ya vhalanguli
  • khophi vhukuma ya thendelo ya pulane ya tshifhaṱo
  • pulane ya tshifhinga tsha shishi
  • thendelo ya siṱifikheithi  
  • siṱifikheithi tsha mutakalo u bva kha masipala wapo.

U ṱolwa hu bvelaho phanḓa nga vhashumeli vha bvaho kha Muhasho wa Mveledziso ya Matshilisano nahone nzudzanyo dza ha masipala dzi ḓo itwa kha tshiimiswa tshavho.

Zwi dzhia tshifhinga tshi ngafhani?

Zwi nga dzhia miṅwedzi i swikaho miraru uri ṱhanziela yavho yo ṅwaliswa i ṋekedzwe.

Zwi ḓura vhugai?

Tshumelo ndi mahala.

Fomo dzine dza tea u ḓazwa

Fomo ya nomboro ya 11i a wanala kha Muhasho wa Mveledziso ya Matshilisano  i re tsini navho kana ofisini ya masipala.

Vha kwama inyi