Ka fao o ka ngwadišago sefatanaga sa motho yo a hlokofetšego goba sefatanaga seo se tšeetšwego mong wa sona ka tsela ye e lego molaong

O swanetše go ngwadiša sefatanaga sa motho yo a hlokofetšego goba sefatanaga seo se tšeetšwego mong wa sona ka tsela ye e lego molaong ka leina le leswa ka lefelong la ngwadišo ya difatanaga la kgauswi le wena. Etla le dilo tše di latelago:

• Pukwana ya boitsebišo ya Repabliki ya Afrika Borwa;
• Ge e le gore ga o na le pukwana ya boitsebišo ya Repabliki ya Afrika Borwa:
  • Pukwana ya boitsebišo ye e abilwego ke naga ye nngwe goba
  • nomoro ya Setifikeiti sa ngwadišo ya sefatanaga legorong la sephethephethe
• Setifikeiti sa ngwadišo goba sa phetošo ya leina ge e le gore sefatanaga se tlo ngwadišwa ka leina la khamphani
• Setatamente sa tlhomo ya khamphani goba setifikeiti sa phetošo ya leina ge e le gore sefatanaga seo se tlo ngwadišwa ka leina la khamphani ya mohlakanelwa
• Ge e le gore sefatanaga se ngwadišitšwe ka fase ga leina la motho yo a hlokofetšego, lengwalo la kabo ya dithoto leo le tšwago go moabi wa dithoto yo a thwetšwego
• Ge e le gore sefatanaga se tšeetšwe mong wa sona ka tsela ye e lego molaong, taelo ya kgorotsheko goba sengwalwa sa kgafelo ya bong sa boikgafo seo se saennwego ke mong wa sefatanaga, goba abitabiti ye e ngwadilwego ke mong wa sefatanaga.

Tlatša fomo ya kgopelo (fomo ya MVR1A goba ya RLV)

Hwetša tshedimošo ka botlalo wepsaeteng ya eNaTIS.

Who to contact