Kgopelo ya phemiti ya go tliša sefatanaga se se šomišitšwego ka mo nageng

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Mabapi le go dira kgopelo ya gphemiti ya go tliša sefatanaga se se šomišitšwego ka mo nageng

O ka kgona go tliša sefatanaga se se šomišitšwego ka mo Afrika Borwa ge fela o na le phemiti ya go dira bjalo.

Go na le melao ye e laolago go tlišwa ga difatanaga tše di šomišitšwego ka mo nageng go šireletša intasteri ya go tšweletša difatanaga ka mo nageng kgahlanong le difatanaga tša go tšwa dinageng tše dingwe gomme diphemiti di fiwa ka fase fa mabaka a a beilwego fela.

Go tlišwa ga difatanaga tše di šomišitšwego ka mo nageng go laolwa ke Karolo 6 ya International Trade Administration Act, 71 of 2002.

Ka kudu ke fela Maafrika Borwa ao a boago gae le bafaladi bao ban ago le phemiti ya bodudi bja go ya go ile bja Afrika Borwa bao ba dumeletšwego go tliša difatanaga tše di ngwaditšwego ka maina a bona ka mo nageng.

Difatanaga tše di ka tlišwago di akaretša dikoloi tša go phadišana ka lebelo, tša banamedi, difatanaga tša modiro wa go ikgetha le tše filwego.

Ge o nyaka tshedimošo ka botlalo.

Seo o swanetšego go se dira

1. Tlatša fomo ya go bitšwa Application for importation of a second hand or used vehicle form (IE462).
2. Fana ka ditokumente tše di latelago:
   • pukwana ya boitsebišo goba pasporoto
   • lengwalo la mongmošomo wa gago la go hlatsela gore o šoma nageng ya ntle, le bontšhe gore ke neng o šoma moo (selipi sa mogolo wa kgwedi, kontraka ya mošomo, ditokumente tša motšhelo, phemiti ya mošomo, bj.bj. ga di amogelege bjalo ka bohlatse bja gore o a šoma)
   • khopi ye e sethifailwego ya dinomoro tša boingwadišo tša sefatanaga
   • bafaladi ba ban ago le phemiti ya bodudi bja go ya go ile bja Afrika Borwa ba swanetše go fana ka khopi ya setifikeiti seo sa bodudi, khopi ya pasporoto (letlakala le le nago le seswantšho le tshedimošo ya mong), khopi ya setifikeiti sa sefatanaga seo sa naga ya ntle
   • bohlatse bja dithuto goba dinyakišišo tše di tlogo dirwa.

Lebaka

Go ka tšea matšatši a go fihla a mahlano go phetha kgopelo morago ga gore ditokumente ka moka di amogelwe.

E dira tshenyagelo ya bokae

Tirelo ye ga e lefelwe

Diforomo tšeo di swanetšwego go tlatšwa

Application for importation of a second hand or used vehicle form (IE462)

Dintlha tša boikopanyo