Kgopelo ya go reka ntle goba go romela ntle lebakanyana ka mabaka ao a itšego

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Ka ga go dira kgopelo ya go reka ntle goba go romela ntle lebakanyana ka mabaka ao a itšego

Ge o nyaka go reka ntle/go romela ntle diphoofolo lebakanyane ka gare gob aka ntle ga Afrika Borwa ka mabaka ao a itšego go swana le dipontšho, ditaetšo , diphadišano le ditirelo tša ngaka ya diphoofolo, o swanetše go dira kgopelo gomme o fiwe tumelelo ya kaonafatšo go tšwa go Mmušakarolo wa Kaonafatšo ya Diphoofolo.

O swanetše go dira gape kgopelo ya tumelelo ya go reka ntle ya ngaka ya diphoofolo go  go Lefapa la Maphelo a Diphoofolo le Setifikeiti sa Maphelo sa Ngaka ya Diphoofolo go tšwa nageng yeo e romelago ntle.

O swanetše go dira kgopelo matšatši a 30 pele ga go reka ntle/romela ntle. 

Seo o swanetšego go se dira

1. Tlatša fomo ya kgopelo:  kgopelo ya go reka ntle goba go romela ntle lebakanyana ka mabaka ao a itšego (Dipontšho).
   • Ge o reka ntle diphoofolo ka ditirelo tša ngaka ya diphoofolo, o swanetše goba le:
     Setifikeiti go tšwa Mmušakarolo yoo a dumeletšwego wa naga yeo o rekago phoofolo go yona. Setifikeiti se swanetše go bontšha mohuta wa madi wa DNA ya porofaele ya phoofolo.
2. Tigelo go tšwa go Lekgotla la Tswadišo la Afrika Borwa la tswadišo ya lebelo ya naga.
3. O ka lefa gape ka tšheke goba postara go:
   • Molaodi-Mogolo: Kgoro ya Temo, Dithokgwa le Boreahlapi:
     Panka ya Standard ya Afrika Borwa
     Lekala: Arcadia
     Nomoro ya Akhaonte: 011219556
     Khouto ya lekala: 000845/ 010845
     Boitsebišo e be leina le sefane tša gago.
4. Maikarabelo a ditefelo tša panka ya gago le a ditefelo tša panka ya mafase a ka ntle ke a gago, Kgoro e ka se ntšhe tumelelo ge tefelo ka moka ya R302 e sa ya amogelwa. 
5. Tefo a ka dirwa gape diofising tša Kgoro ya Temo, Dithokgwa le Boreahlapi yeo e lego lenaneo la ditlhalošišo tša ka fase.
6. Moo e lego gore o dira kgopelo legatong la o mongwe, netefatša gore o lefa ka leina la motho woo goba leina la khamphani. Boitsebišo e be leina le sefane sa moreka ntle.
7. Ga gona kgopelo yeo e tla lebelelwago ge go se na bohlatse bja tefelo.
8. Romela fomo yeo e tladitšwego le bohlatse bja tefo go:
   Mmušakarolo wa Kaonafatša ya Diphoofolo
   Private Bag X138
   Pretoria
   0001
   Afrika Borwa
   Goba o feksetše go (012) 319 7570/7425.
9. Go latela kamogelo ya fomo ya kgopelo yeo e tlaitšwego le bohlatse bja tefo, tumelelo ya kaonafatšo ya diphoofolo e tla ntšhwa gomme ya fiwa Molaodi wa Maphelo a Diphoofolo.
10. Ka morago ga go dira kgopelo ya tumelelo ya go reka ntle ya kaonafatšo ya diphoofolo, o swanetše go dira kgopelo ya tumelelo ya go reka ntle ya ngaka ya diphoofolo go Molaodi wa Maphelo a diphoofolo. Dipotšišo tše di lebanego le tumelelo ya go reka ntle ya ngaka ya diphoofolo ka kgopelo ya  (012) 319 7514.
11. Kaonafatšo ya Diphoofolo e tla lekola fomo ya kgopelo ya gago gomme ya go fa setifikeiti gomme o se fe Lefapa la Maphelo a Diphoofolo go hwetša tumelelo ya go reka ntle ya ngaka ya diphoofolo.
12. O swanetše go dira kgopelo ya setifikeiti go tšwa go Molaodi wa Maphelo a Diphoofolo.
13. O swanetše go tšweletša ditumelelo tša mathomogo bahlankedi ba ngaka ya diphoofolo mo matsenong a boemakepe le Setifikeiti sa Maphelo sa ngaka ya diphoofolo go tšwa nageng yeo e romelago ntle.

Ela hloko: Dikgopelo tšeo di se a felelago di tla bušetšwa morago go mokgopedi gomme maikarabelo a tšhitelo a ka se amogelwe.

Lebaka

Go tla tšea matšatši a 30 go lekola kgopelo.

E dira tshenyagelo ya bokae

R220

Diforomo tšeo di swanetšwego go tlatšwa

Application to import/export animals for certain purposes

Dintlha tša boikopanyo