Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokufaka isibawo sesitifikeyidi sokukhamba endleleni
Kufanele uhlolise ikoloyakho mayelana nokuthi ikulungele ukukhamba endleleni ngaphambi kobana uyirejistare ebizweni lakho. Nangabe ikoloyakho isetjenziswa njengesithuthi somphakathi nanyana isithuthi esithwala imithwalo (akufakwa iimbhesi), kufanele usithathe uyosihlolisa qobe mnyaka ukobana sisalungele ukukhamba endleleni ngaphambi kobana uvuselele ilayisensi yekoloyakho. Ibhesi kufanele ihlolelwe ukulungela ukuba sendleleni qobe ziinyanga ezisithandathu.
Zoke iinkoloyi ezikhamba endleleni kufanele zihlolwe ukuze kuqinisekiswe bona zikulungele ukukhamba endleleni. Kumsebenzakho njengomnikazi ukobana uyokuhlolisa ikoloyakho. Ukuhlolwa kweenkoloyi kungenziwa eentetjhini zokuhlola zangasese nanyana zomphakathi.
Ekugcineni kokuhlolelwa ukukhamba endleleni, nangabe iphumelele, uzakunikelwa inothisi.
Okufanele ukwenze
- Vakatjhela isitetjhi sokuhlola iinkoloyi esiseduze nawe nemitlolo elandelako:
- isitifikeyidi sokurejistara ikoloyi
- incwadi kamazisi (ID)
- imali ebekiweko
- Zalisa iforomo i-ACR.
Amaforomo ekufanele uwazalise
Iforomo i- ACR (Isibawo sesitifikeyidi sokuba sendleleni)
Amaforomo ayatholakala esitetjhini sokuhlola esiseduze nawe nanyana ungalikhupha ku- eNaTIS website.