Uyirejistara Njani Ikoloyi Yomuntu Ongasekho Namkha Edliweko

Ikoloyi yomuntu ongasekho namkha ikoloyi edliweko uyirejistara egameni elitjha ezikweni lokuhlola nokurejistara iinkoloyi langekhenu namkha oseduze nalo. Kufuneka leziincwadi namkha lemitlolo nawuyokurejistara:                    

• UMazisi (i-ID) weRiphabhligi yeSewula Afrika;
• Nayiube awunayo i-ID yeRiphabhligi yeSewula Afrika, iza:                                                                                     
  • Ne-ID yakho yelizwe lekhenu;   namkha
  • Isitifikethi senomboro yokurejistarwa kwelokoyi
• Isitifikethi sokufaka ikoloyi ngaphasi kwebizo lomunye namkha isitifikethi sokutjhugulula ubunikazi bekoloyi nayibe ikoloyi leyo kufuze irejistarwe ebizweni lekhamphani;
• Isitatimende sokusungula namkha isitifikethi sokutjhugulula ibizo nayibe ikoloyi kufuze irejistarwe njengeyebhizinisi lababelani bamatjhere abalinganisiweko (i-CC).                                                                                               
• Nayibe ikoloyi irejistarwe ebizweni lomuntu ongasekho, kufuneka incwadi yokusebenza ngepahla yalowo ongasekho, yomuntu onikelwe amandla wokusebenza ngelifa longasekho;
• Nayibe yikoloyi edliweko, kufuneka umlayo wekhotho namkha incwadi yokuvuma ukwehluleka ngokuzithandela etlikitlwe mnikazi namkha i-afidavithi eyenziwe ngophethe ubunikazi bekoloyi leyo.

Zalisa iforomu lesibawo (iforomu i-MVR1A namkha i-RLV).

Thola eminye imininingwana kubunzinzolwazi be-eNaTIS.