Tjhugulula ilayisensakho yokutjhayela yeenarha zangaphandle

Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani

 

 

Mayelana nokutjhugulula ilayisensakho yokutjhayela yeenarha zangaphandle

Nangabe unikelwe imvumo yokuba mhlali weSewula Afrika wasafuthi, kufanele utjhugulule ilayisensakho yokutjhayela yenarha yangaphandle ibe ngeyeSewula Afrika hlangana nomnyaka munye lokha nasele uthole iphemidakho yokuba mhlali nanyana sisakhamuzi sasafuthi.

Nangabe uyabhalelwa kutjhugulula ilayisensakho hlangana nomnyaka munye, izakuthathwa njengaleyo engasi semthethweni.

Ungafaka godu isibawo sokutjhugulula ilayisensakho yokutjhayela  ibe ngeyeSewula Afrika lokha nangabe unephemidi yangokwepolotiki kodwana unganaphemidi yokuhlala safuthi.

Nangabe  ilayisensakho ayikatlolwa ngelinye lamalimi weSewula Afrika asemthethweni, kufanele uthole incwadi yokutjhugulula ilayisensakho itjhugululwe siphathiswa esinekghono.

Ilayisensakho yokutjhayela yenarha yangaphandle izakutjhugululwa nangabe:

  • ilayisensi isemthethweni
  • itjhugululelwe kwelinye lamalimi weSewula Afrika asemthethweni
  • ilayisensi inesithombe kanye nomtlikitlwakho.

Okufanele ukwenze

  1. Iya esiteyitjhini sokuthathisa amalayisense (i-DLTC) esifundeni la wathola khona imvumo yokuhlalela unomphela lapha eSewula Afrika. 
  2. Zalisa isibawo sokutjintjelwa ilayisense yokutjhayela eforomini i-DL1 nanyana kukisiphi isiteyitjhi sokuthathisa amalayisense wokutjhayela. 
  3. Zalisa iForomu i-NCP lesaziso sokutjintja isiphande namkha imininingwana yomuntu namkha yehlangano.
  4. Nakhu ekufuze uze nakho: 
    • Umtlolo osemthethweni ozazisa ngawo njengoba kusitjho umthetho weSewula Afrika (isb:  uMazisi), umazisi wesikhatjhana, ipaspoti yeSewula Afrika esemthethweni namkha ipaspoti yenarha yangaphandle enemvumo yokuhlalela safuthi lapha eSewula Afrika
    • Iinthombe zikaMazisi ezine ezifanako ezinganambala
    • Ilayisense yakho yokutjhayela yelizwe langaphandle oyisebenzisa njenganje
    • Ubufakazi bokuthi sewuhlalele safuthi lapha eRiphabhligi yeSewula Afrika
    • Ubufakazi bokuthi wawungakabukuhlalela safuthi lapha eSewula Afrika nawuthola ilayisensakho yokutjhayela yangaphandle (isb: ungaveza ipaspoti, imvumo yokuhlalela unomphela lapha ekhethu namkha uveze i-Visa) 
    • Incwadi etjhugulula ilimi ekutlolwe ngalo ilayisensakho, etjhugululwe siphathimandla esifaneleko, nakube ilayisense le ayikatlolwa ngelinye lamalimi asemthethweni walapha eSewula Afrika
    •  Ubufakazi obuvela esiphathimandleni esikhupha amalayisense wokutjhayela, obufakazela ukuthi nangambala unelayisense yokutjhayela esemthethweni (etjengisa ikhowudi namakoro afaneleko weemodere umnikazi welayisense loyo avunyelwe ukuzitjhayela )  engakakhanselwa namkha engakajanyiswa
    • Nakube uphethe iPhemithi yokuTjhayela yamaZwe ngamaZwe (i-IDP), kufuze uveze ilayisense yokutjhayela ngamandla iphemithi leyo ekhutjhwe ngawo
    • Ubufakazi besiphande seposo nesiphande sendawo ohlala kiyo, isb. incwadi yakwamasipaladi obhadela ngayo igezi namanzi. Nakube incwadi yobufakazi le ayisisegameni lakho, umnikazi wayo kufuze bona enze isifungo esitloliweko la afakazela khona ukuthi nangambala uhlala kileso siphande ositjhoko, bese incwadi efungelweko le iqobotjhelwa namkha inanyathiselwa encwadini yobufakazi besiphande
    • Nayibe uhlala endaweni yemitlhatlhana, letha incwadi enesitembu esisemthethweni ebuya ekhanseleni lewadi elifakazela isiphande sakho seposo nesalapha uhlala khona
  1. Isiteyitjhi sokuthathisa amalayisense wokutjhayela sizakunikela ilayisense yokutjhayela nayibe siyaneliseka ngokuthi: 
    • Nangambala unguye umnikazi welayisense yokutjhayela yelizwe langaphandle
    • Uzabanikela ilayisense yakho yokutjhayela yelizwe langaphandle namkha iphemithi yakho yokutjhayela mzukwana uthola yakho ilayisense yokutjhayela yeSewula Afrika. 
  2. Angeke kube nesidingo sokuthi ulingelwe ilayisense yokutjhayela ngobutjha (uhlolwe ukuthi uyakwazi na ukutjhayela), kodwana uzakuhlolwa amehlo khonokho ngaphambi kobana unikelwe ilayisense yakho yeSewula Afrika. 

Isikhathi esibekiweko

Isikhathi esibekiweko mayelana nokutjhugulula amalayisensi siyahluka ngokwamasentha ngayinye ngesimanga seenkambiso zangaphakathi zoku-oditha.

Kubiza malini

Thintana ne-ofisi yokukhupha iimvumo yangekhenu ukuze uthole ilwazi ngeendleko.

Amaforomo ekufanele uwazalise

Iforomo lesibawo selayisensi yokutjhayela (i-DL1) siyatholakala kwenye nenye isentha ehlola amalayisensi wokutjhayela begodu naku- eNatis.

Ungathintana nobani

 

Contact your local department of transport

Share this page