Wes-Kaap - Plaaswerker Ontwikkelingskonferensie
30 Augustus 2006
Ek wil heel aan die begin my dank uitspreek teenoor die organiseerders van
die Agri-Megaweek vir die uitnodiging om hier saam met julle te wees. Hierdie
byeenkoms het reeds sy merk deeglik op die Suid-Afrikaanse Landboukalender
gemaak.
Ek wil ook vir u dankie sê vir die rol wat u speel om nie net ons gevestigde
produsente nie, maar ook opkomende boere en plaaswerkers te bemagtig met die
gebeure tydens die week.
Ons wil hê dat u deeglik moet begryp dat u as plaaswerker ân belangrike rol
speel in die ekonomie van die Wes-Kaap en so wil ons ook hê dat daar
dienooreenkomstig na u gekyk moet word. U moet verstaan dat hoe beter dit met
die ekonomie gaan, hoe beter behoort dit met u te gaan.
Die Wes-Kaap lewer ân bydrae van meer as 20% tot die totale landbouproduksie
in Suid-Afrika. Die Wes-Kaap produseer tussen 55 en 60% van Suid-Afrika se
totale landbou-uitvoere, en daarom is Landbou een van die sleutelareas wat ân
bydrae moet lewer tot groei en ontwikkeling in die Wes-Kaap.
As ons wil hê dat die ekonomie moet sterker raak dan beteken dit dat daar ân
paar goed is wat ons moet doen om dit te bewerkstellig. Ons moet onder andere
sorg dat ons meer en beter produkte lewer wat kan meeding op die markte oorsee.
Ons moet sorg dat ons water oordeelkundig gebruik. Ons moet sorg dat ons
voldoen aan die vereistes ten opsigte van chemiese standaarde. Ons moet toesien
dat ons administrasie van hoogstaande gehalte is en ons moet die beste
bestuurspraktyke op elke vlak op die plaas, toepas.
Miskien besef u dit nie, maar u elkeen speel ân baie belangrike rol in die
aspekte waarna ek nou net verwys het en so speel elkeen van die ongeveer 202
949 werknemers op Wes-Kaapse plase ân rol in die provinsie se ekonomie.
Plaaswerkeraangeleenthede is een van die hoofprioriteite van die Departement
Landbou in die Wes-Kaap. Om gestalte te gee hieraan het ons reeds verskeie
aksies geloods. Die eerste was die vestiging van ân Subprogram:
Plaaswerkerontwikkeling met die spesifieke doel om dienste, veral
sosio-ekonomies dienste, wat aan die plaaswerkergemeenskap verskaf moet word,
effektief te koördineer.
Om die subprogram in staat te stel om effektiewe uitvoering te gee aan die
doel waarvoor dit geskep is, het ons geluister na die behoeftes wat deur die
betrokkenes uitgespreek is. Ons het besluit dat daar ân behoorlike proses van
strategiese besinning moet wees wat uiteindelik uitgeloop het op ân Strategiese
Plan met duidelike doelwitte en aksieplanne wat deurgevoer moet word.
Hierdie program van ons bevat prakties uitvoerbare prosesse wat werklik die
kwaliteit van lewe van plaaswerker sal verbeter. Seker die mees belangrikste
element van die plan is dat ons gesê het dat u as plaaswerkers van die begin af
ten volle deel daarvan moet wees. Ons wil hê dat u mede-eienaarskap van u eie
toekoms moet opneem. Ons wil hê dat u saam met ons moet hoop hê vir die
toekoms. Die President het vroeër die jaar tydens die opening van die parlement
daarna verwys toe hy gesê het dat ons nou na die eerste tien jaar van die nuwe
Suid-Afrika ân nuwe seisoen van hoop binnegaan.
Wat ons in landbou in die Wes-Kaap doen, skakel in by die doelwitte van die
groter Suid-Afrikaanse strewe wat al sover terug as die opstel van die
Vryheidsmanifes kom, en verder vervat is in die Grondwet van die land. Omdat
ons in die Wes-Kaap die regering se visie deel en glo in die kontrak wat ons
met die mense gesluit het in die verkiesing, sal ons toesien dat die
plaaswerkergemeenskap op elke terrein van u lewe ondersteun word.
Die boodskap wat ek aan u as plaaswerkers wil oordra is dat u ân integrale
deel is van landbou en ons wil seker maak dat elke werker wat by landbou
betrokke is elke moontlike kans moet kry om hom of haar te bekwaam om die beste
werker te wees. ân Goed toegeruste werker kan ân positiewe bydrae lewer tot die
aktiwiteite op die plaas.
As Minister van Landbou is ek baie ernstig oor die welstand van alle
plaaswerkers en die bevordering van plaaswerkers se lewensomstandighede, ook op
die terrein van opleiding. Ek kan u ook die versekering gee dat die regering
van die Wes-Kaap en die Departement van Landbou in sy geheel groot waarde heg
aan die opleiding van werkers en ek weet ook dat die produsente van hierdie
streek net soos ons wil hê dat u beter opgelei moet word. U weet dat hulle sê
kennis is mag. Wanneer jy toegerus is met kennis kan jy soveel meer bydra tot
die sukses van die boerdery waarby jy betrokke is. Ons wil graag opleiding
nader bring aan u werkplek, daarom dat ons ook besluit het om n
opleidingsentrum hier op Bredasdorp in te rig.
Ek is seker dat daar van u is wat nog nie gehoor het van "Ikapa Elihlumayo"
en "'n Tuiste vir almal" nie. Dit is ân strategie wat die regering het om die
lewensomstandighede van al die mense van die Wes-Kaap te verbeter Die regering
het tydens die verkiesing van 2004 ân kontrak met die mense van Suid-Afrika
aangegaan om op elke gebied te veg teen werkloosheid, armoede en sosiale verval
sodat u lewensomstandighede kan verbeter.
President Mbeki het gevra dat ons almal ân poging moet aanwend om weg te
beweeg van totale maatskaplike afhanklikheid na ekonomiese selfstandigheid. Dit
beteken dat elkeen van ons moet probeer om ons beter te bekwaam sodat ons nie
nodig het om van die staat afhanklik te wees nie. As ons dit doen sal ons
armoede bestry, ongelykhede uitwis en sodoende die kwaliteit van lewe van al
ons mense verbeter.
Die regering kan nie alleen veg teen armoede en die verval wat daar onder
ons mense is nie. Ons het die hulp van ons boere en ander instansies nodig om u
omstandighede te verbeter en daarom is ek dankbaar vir hierdie erkenning wat
die produsente ook aan u as plaaswerkers bied deur hierdie konferensie aan te
bied. Dit is belangrik dat u gebruik moet maak van die geleenthede wat aan u
gebied word sodat u u kwaliteit van lewe kan verbeter.
Ons sien u as plaaswerkers ook as kliënte van die Departement van Landbou in
die Wes-Kaap, net soos wat boere ons kliënte is, en daarom is ons doelwit om al
die dienste, veral sosio-ekonomies en polities, wat aan plaaswerkers verskaf
moet word, effektief te koördineer.
Ons doel as Departement is primêr om landbou te laat groei en almal wat
betrokke is, moet hulle deel bydra. Ons moet verstaan dat ons in landbou een
groot familie is en dat ons mekaar nodig het. Die boer het u nodig maar u het
ook die boer nodig en so het ons as regering vir u en die produsente nodig
sodat ons kos op die tafel kan sit vir die mense van hierdie mooi land van
ons.
Dit is maklik om ân geleentheid soos hierdie te gebruik om modder te gooi en
te kla. Ek wil egter die hoop uitspreek dat u almal sal deelneem aan hierdie
konferensie en dat u hiervan sal gebruik maak om ân positiewe bydrae te lewer
wat tot voordeel van uself en Landbou sal wees.
Navrae: Alie van Jaarsveld
Tel: (021) 483 4930
Faks: (021) 483 3890
Sel: 084 604 6701
E-pos: avjaarsv@pgwc.gov.za
Issued by: Ministry of Agriculture, Western Cape Provincial Government
30 Augustus 2006
