Sagwati ra nxiximo wa Mapungubwe

Risiva ra Mapungubwe

Risiva leri ri nyikiwa vaakatiko va Afrika-Dzonga eka ntirho wo wa xiyimo xa le henhla na mfikelelo lowu tihlawulekisa.

Malulamiselo

Tinsiva leti ti nyikiwa hi swiyenge swinharhu:

• Ntlawa wa 1 = Risiva ra Pulatinamu ra Mapungubwe (Platinamu)
• Ntlawa wa 2 = Risiva ra Nsuku ra Mapungubwe (Nsuku)
• Ntlawa wa 3 = Risiva ra Koporo ra Mapungubwe (Koporo).

Vuyimeri/Swiphemu swa Dizayini

Xikhavisokulu/vuyimeri

Mapungubwe: Rixaka ra Mapungubwe a ri kumeka ekhoneni ya n’walungu ya tiko ra ka hina eka malembexigidi lama nga hundza. Rixaka leri a ri ri na sisiteme ya mfumo ya ntokoto na vutivi na vurimi lebyi hluvukisiweke. Nakambe rixaka leri ri tumbuluxe indasitiri ya vucelamigodi na vuendlansimbhi. Rixaka leri a ri endla mixaviselano na matiko ya le kule yo tanihi Chayina. Eka nkarhi wa rona, a ri yimele ntirho wa kahle wa  miehleketo na vutumbuluxi bya vanhu.

Swiphemu

1. Tikhona ta mune ta misava – ti yimele mifikelelo ya maAfrika-Dzonga emisaveni hinkwayo.
2. Dyambu lama humaka – vurhonga lebyintshwa lebyi humelelaka eAfrika.
3. Xintshabyana xa Mapungubwe – xi vumba mbangu, xintshabyana xa ribye ra sava lexi nga ehenhla ka makhukhuri ya ribye ra ndzhope, eka ndhawu ya thiropokitsongo yo oma leyi nga na timpfula leti ti nga niki mikarhi hinkwayo. Tindhawu leti ceriweke a ti kombisa ntirho wa kahle lowu tumbulukeke eka swiyimo swa ntumbuluko yo nonon’hwa swinene.
4. Mhelembe ya Mapungubwe – xitumbuluxiwa lexi tivekaka swinene sweswi lexi kumekeke esirheni endhawini leyi ceriweke,  xivatliwanyana lexi phutseriweke hi nsuku lexi vumbekeke xi rhendzela mhandzi leyi vatliweke, ya mbilu olova, vumbhoni bya ntirho wa kahle wa lava a va kumeke eka Rixaka leri.
5. Nhonga ya vukosi ya Mapungubwe – leyi humaka embiteni yo n’okisela nsuku eka matlhelo hi mambirhi; xin’wana xa switumbuluxiwa leswi kumekeke esirhni endhawini leyi ceriweke.
6. Mbita yo n’okisela nsuku leyi khavisiweke – swivumbeko swo ringanana swa masungulo embiteni leyi pupumaka ya nsuku swi yimela vunyingi bya ntirho wa kahle, sayense na vuqambhi, vumbhoni bya mifikelelo ya le masungulweni eka swa ntivonsimbhi.
7. Xivavula – swihlawulekisi swo basisa swa na ku va leswi nyikaka vutomi swa ndzilo, lowu a wu tirhisiwa kusukela hi Lembe ra Nsimbhi, ku yisa emahlweni nhluvuko na ntirho wa kahle etinxakeni na le migangeni.