Risiva ra Ikhamanga
Risiva leri ri nyikiwa eka vaakatiko va Afrika-Dzonga lava va nga tirha kahle swinene eka swiyenge swa vutshila, mfuwo, matsalwa, vuyimbeleri, vutekamahungu na mitlangu.
Malulamiselo
Risiva leri ri nyikiwa eka mikhetekanyo yinharhu:
- Nkhetekanyo wa 1 = Nsuku
- Nkhetekanyo wa 2 = Silivhere
- Nkhetekanyo wa 3 = Koporo.
Vuyimeri/swiphemu swa dizayini
Xikhavisokulu/vuyimeri
Ximila xa Ikhamanga (Strelitzia) xi yimela vuxongi lebyi fanaka byi ri byoxe bya mifikelelo ya vavanuna na vavasati lava va tlakuselaka Afrika-Dzonga ya mihlovohlovo ehenhlahenhla swinene eka swiyenge swa vutumbuluxi, vutshila, mfuwo, vuyimbeleri, vutekamahungu na mitlangu.
Swiphemu
|
Beji ya le nhan’wini |
|
|
|
Xiluvanyana xa baji |
- Tinhloko ta Lydenburg – (vutshila) – tinhloko ta vumba ro hisiwa ti yimela vutshila bya vutumbuluxi, bya swo voniwa, ku endla mitlangu ya xiteji na dirama.
- Ndzhumbha wa Afrika – wu fambelana na mifuwo naswona wu yimela vutshila, wu yimela talenta ya ntirho wa kahle na ku tlangeriwa ka mfuwo.
- Xihlungwana – harhi yi yimela nghundhu leyi ambariwaka hi vatlangi, va vukosi na vanhu vo xiximeka. Miseve ya dyambu, leyi yi kombisaka matimba, vudzuneki, mboningo na ntamu, swi yimela mifikelelo ya vatlangi eka swiyenge swo hambanahambana.
- Tiovhali ta le ndzeni kumbe mindzilakano – (vudzunisi eka swa mitlangu) – ti yimela ku amukeriwa ka mifikelelo ya xiyimo xa le henhlahenhla ya migingiriko ya swa mintlangu na ya mfuwo
- Magondzo (mfikelelo na ku humelela) – ya kombisa magondzo hinkwawo lama kongomeke eAfrika na le ka Ntumbuluko wa Vanhu Hinkwavo, leswi swi tshikelela gondzo ro vava ro leha kuya eka mfikelelo, ntirho wa kahle na ku humelela.
