U ḓiṅwalisa kha Khoro ya Phurofesheni dza Mutakalo wa Afurika Tshipembe (HPCSA) ndi zwa ndeme kha nḓowedzo ya phurifesheni, na uri ndi ṱhoḓea ya mulayo ya uri zwidodombedzwa zwa vhuṋe zwi dzule ngonani tshifhinga tshoṱhe.
Vha tea u badela mbadelo ya ṅwaha kha u ḓiṅwalisa uhu na uri u kundelwa u badela izwo zwi nga ita uri vha bviswe kha redzhisiṱara. Arali vha nga bviswa kha redzhisiṱata nga nṱhani ha zwiṅwe vho, vha nga vhuedzedzwa nga kha u ita khumbelo ya mbuedzedzo vha badela na mbadelo ya hone.
Vha ya tendelwa u ḓibvisa kha redzhisiṱara arali vha sa tsha ṱoḓa u ita nḓowedzo ya phurofesheni yavho Afurika Tshipembe lwa tshifhinga tshikene. Kha vha ise khumbelo yo tou ṅwalwaho hu sa athu swika dzi 31 Ṱhafamuhwe dza ṅwaha une vha khou tama u bviswa ngawo kha redzisiṱara.
Huna zwiteṅwa zwa rathi zwa ndeme zwa u ṅwalisa (asi zwiteṅwa zwoṱhe zwi no wela kha phurofesheni dzoṱhe), ndi:
- U ṅwalisa Matshudeni
- U ṅwalisa vha Gudelaho Mushumo
- Tshumelo ya Tshitshavha
- Maitele a Vhuḓiimisi ( hu tshi katelwa Vhaṅwalisi vhane vha khou gudela buḓo ḽa vhukoni vhukene)’
Zwiṅwe zwiteṅwa zwa u ḓiṅwalisa ha tshifhinga nyana kana hu re kha ndango:
- Pfunzo
- Pfunzo dza musi vho no Ṱhaphudza
- Maḓilonga
Nyendedzi dza u ṅwalisa dzi fhambana u bva kha Tshiimiswa tsha Phurofeshinala uya kha tshiṅwe. Nyendedzi ire na zwidododmbedzwa zwo fhelelaho i a wanala ya ṱhoḓea dza u ṅwalisa dza Zwiimiswa zwa Phurofeshinala zwa 12:
- Nyalafho ya Maṋo na tsiravhulwadze ya mulomo
- Ndivho ya Kuḽele
- Ndondolo ya Thusothanzi
- Mutakalo wa Mupo
- Mushonga na Maṋo
- Thekhinoḽodzhi ya Mishonga
- Nyalafho ya mbuedzedzo ya kha masia oṱhe a vhutshilo, tshumiso ya thuso ya athifishiala/ milenzhe ya athifhisiala na nyalafho ya vhutsila
- Zwa Maṱo na Muḓivhi wa zwa maṱo wa u ṱanganyisa na u fha mishonga
- Nyalafho ya muvhili nga u ita nyonyoloso, Nyalafho ya khando ya milenzhe na Nyaluwo na Tshanduko i bvelelaho ya zwi tshilaho
- Zwa muhumbulo
- Mishumiso ya Ekisirei na Thekhiniḽodzhi ya Mishonga
- Phurofesheni ya Zwa u amba luambo na u Thetshelesa
Fomo dza u ita khumbelo na vhuṱanzi vhunzhi ha phurofesheni iṅwe na iṅwe dzi wanala kha webusaithi ya HPCSA.