Ukurejistara neKhansela yephrofetjhini yezamaPhilo eSewula Afrika (i-(HPCSA) kuyinto efunekako mayelana nokusebenza kilelibizelo, begodu kusidingo somthetho sokwenza bona yoke imininingwana ihlale itloleke kuhle ngaso soke isikhathi.
Kufanele ubhadale imali yaqobe mnyaka mayelana nokurejistarokhu bese nakungenzeka ubhalelwe kubhadala imali le lokho kungabangela bona ukurejistara kwakho kujanyiswe. Nangabe mhlamunye ngokweenzathu ezithileko ujanyisiwe ekurejistareni, ungakuthola ngokobana ufake isibawo sokubuyiselwa bese ubhadala imali yokubuyiselwa.
Ukususwa ungarejistarwa ngokuthanda kwakho kuyakghoneka nangabe awufuni ukusebenza njengesisebenzi sezamaphilo kwesikhatjhana eSewula Afrika. Thumela isibawo sakho ngaphambi kwangomhlaka-31 kuNtaka womnyaka wokususwa ngokuzithandela.
Kunemikhakha yokurejistara eqakathekileko esithandathu (ingasi yoke imikhakha iyakhambisana nawo woke amaphrofetjheni) yona ngile:
- Ukurejistara isitjudeni
- Ukurejistara abafundela umsebenzi
- Umsebenzi womphakathi
- Ukuzisebenza (kufaka hlangana amaRejistra abandulelwa ukuba bosolwazi emkhakheni othileko)
Eminye imikhakha yesikhatjhana nanyana ukurejistara okunomkhawulo kufaka hlangana:
- Zefundo
- Esele bafundela iziqu zesibili
- ukuzinikela
Iiyeleliso zokurejistara ziyahlukahlukana ukusukela kwenye nenye ibhodi ePhrofetjhinali ukuya kwenye. Isiyeleliso sereferensi enemininingwana ezeleko siyatholakala mayelana neendingo zokurejistara mayelana namaBhodi aPhrofetjhinali ali-12 ngayinye:
- Dental therapy and oral hygiene
- Dietetics and nutrition
- Emergency care
- Environmental health
- Medical and dental
- Medical technology
- Occupational therapy, medical orthotics / prosthetics and arts therapy
- Optometry and Dispensing Opticians
- Physiotherapy, Podiatry and Biokinetics
- Psychology
- Radiography and Clinical Technology
- Speech, Language and Hearing Professions
Amaforomo weembawo Kanye nelinye ilwazi mayelana nephrofetjhini ngayinye atholakala kuwebhusayidi ye-HPCSA.
