khumbelo ya thendelo ya vhofhololwa uri vha vha ḓifuwele na rea khovhe huṱuku

Ngaha na u ita khumbelo ya thendelo ya vhofhololwa uri vha vha ḓifuwele na rea khovhe huṱuku

Vha tea u ita khumbelo ya thendelo ya vhureakhovhe vhuṱuku ha u ḓitshidza ha mahala arali vha tshi dzula kha vhupo ha phendelashango nahone vha tshi ṱoḓa u shumisa zwiko zwa lwanzheni.

Vha fanela u ita khumbelo nga kha komiti dzi re hone dza Ndangulo Yapo.

Uri vha tendelwe, vha fanela u fusha ṱhoḓea dzoṱhe dza u khwaṱhisedza.

Vha dzhiele hezwi nzhele: A zwiho mulayoni u ḓidzhenisa kha vhureakhovhe vhuṱuku ha u ḓitshidza ha mahala vha si na phemithi. Zwa zwino vharei vha khovhe zwiṱuku lwa u ḓitshidza nga mahala  vha langulwa nga thendelo ya vhureakhovhe u swikela hu tshi khunyeledzwa mbekanyamaitele ya vhureakhovhe vhuṱuku.

Thendelo i a vusuludzwa nga ṅwaha. Musi hu sa athu u ṋetshedzwa thendelo vhashumi vha muhasho vha a ṱalutshedza maga a thendelo na phimo dza bege.

U kundelwa u tevhedza maga a thendelo zwi nga ita uri hu vhe na maga a mulayo ane a katela u imiswa, u phumulwa kana u thuthiwa ha thendelo yavho ya u rea khovhe .   

Zwine vha tea u ita

• U ṅwalisa na u ita khumbelo kha komitindanguli dzapo.
• Vha fanela u sumbedza uri vha khou tama u ḓidzhenisa kha sekhithara ifhio kana vhureakhovhe vhufhio.
• Vha saine mutevhe u sumbedza uri vho ṱanganedza thendelo yavho.

Zwi dzhia tshifhinga tshingafhani

U shumiwa ha khumbelo zwi dzhia ṅwedzi muthihi kana u fhira zwi tshi ya nga tshivhalo tsha khumbelo dzo ṱanganedzwaho.

Vhaofisiri vha Muhasho vha ḓo vhidza muṱangano wa vhadzulapo uri vha ṋetshedze vharei vha khovhe vhoṱhe vho ḓiṅwalisaho thendelo ya u rea khovhe.

Zwi ḓura vhugai

Mbadelo

Fomo dzi no tea u ḓadzwa

A huna fomo dzine dza ḓadziwa.

Vha kwama inyi

Luṱingo: 021 402 3911
Fekisi: 021 402 3367
Ḓorobo: Cape Town
Ḓiresi ya fhethu: Ground floor,  Fisheries Management , Muhasho wa Vhulimi, Maḓaka na Vhufuwakhovhe, Foretrust Building, Martin Hamerschlag Way, Foreshore, Cape Town, 8000
Ḓiresi ya poswo: Private Bag X2, Roggebaai, Cape Town, 8012