Ṱhalutshedzo
Maga a tevhelwaho
Milayo i shumiswaho
Maitele na tshifhinga tsha u itwa ha tshumelo
Mbadelo
Fomo dzi teaho u ḓadzwa
Zwidodombedzwa zwa vhukwamanyi
Mbekanyamushumo ya u Kovhekanywa nga Huswa ha mavu a Mveledziso ya Vhulumi yo sikiwa uri i thuse vhadzulapo vhe kale vha vha vho kandeledzwa vhane vha wela kha Vharema, makha ḽadi na Maindia uri vha renge mavu kana tshomedzo dza vhulumi dzo itelwaho zwa vhulimi fhedzi.
U wana thendelo, vha fanela u:
- vha vha muraḓo wa tshigwada tshe kale tsha vha tsho kandeledzwa (zwine zwa vha Vharema, Makha ḽadi kana Maindia)
- u vha na miṅwaha ya 18 kana u fhira
- u vha vho ḓiimisela u shumisa mavu a vhulimu kha u lima fhedzi
- u vha mulimi wa misi yoṱhe
- u vha muthu a si na vhuimo kha zwiimiswa zwa muvhuso
- u vha vho ḓiimisela u dzhenelela kha mbekanyamushumo ya vhugudisi musi vho no wana mavu
- u vha vho ḓiimisela u ṋekedza
- u vha tshigwada tsho ḓidzudzanyaho arali vha tshi khou ita khumbelo vha tshigwada
- u vha na akhaunthu ya bannga.
Vhalimi vho no bvelelaho vhane vha tama u engedza tshumelo dzavho vho tendelwa u ita khumbelo dza u engedzelwa magavhelo fhedzi gavhelo guṱe ḽa muthu muthihi ḽa LRAD a ḽo ngo fanela uri ḽi fhire R100 000. Vha tshi ṱo ḓa maṅwe masheleni a u thoma kana u engedza thandela ya vhulimi vha fanela u tou ya banngani.
Gavhelo ḽa LRAD a ḽi lifhiwi u fana na khadzimo. Hu na fomuḽa ine ya shumiswa ya u ta uri muthu muthihi u ḓo wana vhugai. U tendelwa u wana gavhelo ḽa R20 000, vha fanela u bvisa R5 000. Ine vha fanela u i bvisa a yo tou fanela u vha i kheshe fhedzi – i nga kha ḓi vha nga tshivhumbeo tsha tshomedzo dza u lima, zwifuwo na iṅwe ndaka ya vhulimi. Vhashumi vhane vha shumiswa kha thandela na vhone vha nga vhaliwa sa zwibviswa zwa mutheo.
U wana zwidodombedzwa zwinzhi, kha vha dalele website ya Muhasho wa Zwa Mavu.
- Kha vha sumbe mavu ane vha tama u wa renga. Vha nga kha ḓi vha vho no wana mavu, u fana na mavu a nnyi na nnyi.
- Kha vha kwame Muhasho wa Zwa Mavu kana muofisi wa u tshetshela shango ḽa ndimo vha ite khumbelo.
- Vha ḓise zwi tevhelaho khathihi na fomo yavho:
-
- khumbelo ya kushumisele kwa mavu kana pulane ya u lima (khumbelo ya thandela)
- khonadzeo ya u rengisa nga mutengo wo tendelaniwaho, arali vha tshi khou hira hu na khonadzeo ya u renga
- mutevhe wa vhathu vhane vha dzula muṱani wavho kana miraḓo ya tshigwada, arali khumbelo i ya tshigwada
- khwa ṱhisedzo ya uri vhuṋe ha mavu vhu khagala, a huna mbilo ya mavu, mavu o ṅwaliswa nga dzina ḽa murengisi na uri mutengo wo tendelanwaho khawo a u ho nṱha ha mutengo wa maraga wo tendelwaho
- vhu ṱanzi ha uri masheleni o salaho a hone (masheleni avho vhone vhaṋe kana thendelano ya khadzimiso ane a ṱo ḓea
- muvhigo wa tsedzuluso.
Maitele na tshifhinga tsha u itwa ha tshumelo
Mushumo u ḓo fhedza tshifhinga tshi linganaho miṅwedzi miṋa fhedzi arali thandela i tshi konḓa nyana zwi nga dzhia tshifhinga tshilapfu nyana.
Mutengo wa fhasisa wa R20 000 u ḓo ṱo ḓa zwibviswa zwavho zwa R5 000 (kheshe kana tshiṅwe tshivhumbeo). Mutengo wa nṱhesa wa R100 000 u ḓo ṱo ḓa zwibviswa zwavho zwa nṱhesa zwa R400 000. Vhukati ha mitengo ya fhasisa na ya nṱhesa, hu na magavhelo o fhambanaho, zwi tshi ya nga zwibviswa zwa muthu ane a khou dzhenelela.
Fomo a dzi wanalei online. Kha vha kwame ofisi ya tsini ya muhasho.