Kha vha ite khumbelo ya phemithi ya mugodi

Ngaha u ita khumbelo ya phemithi ya mugodi

Arali vha tshi khou ṱoḓa u thoma zwa tshumelo ya mugodi vha tea u wana phemithi ya mugodi kha Muhasho wa Zwiko zwa Minerala.

Phemithi ya mugodi ndi ḽiṅwalo ḽi bvaho kha Muhasho wa Zwiko zwa Minerala ḽi vha tendelaho uri vha ite tshumelo dza mugodi.

Ahuna muthu ane a tendelwa u ita tshumelo dza mugodi a si na phemithi ya mugodi.

Phemithi ya migodi a i pfukisei.

Phemithi ya mugodi i shuma lwa tshikhala tsho sumbedzwaho kha phemithi, fhedzi a i ngo tea u pfuka miṅwaha mivhili. I nga tou vusuluswa lwa zwikhala zwiraru zwine tshiṅwe na tshiṅwe tsha zwikhala izwo tsha sa fhire ṅwaha.

Phemithi ya mugodi i bveledzwa fhedzi arali:

• Minerala uyo u tshi nga gwiwa nga nḓilayone lwa miṅwaha mivhili
• Arali vhupo uvho ha mugodi vhu sa fhiri 1.5 ha nga muelo.

Zwine vha tea u ita

1. Kha vha ite khumbelo kha inthanethe.
2. Vha badele mbadelo yo sumbedzwaho nga kha inthanethe, i sa humiselwi murahu.
3. Sisiṱeme i ḓo ṱanganedza khumbelo arali ho swikelelwa zwoṱhe zwi ṱoḓeaho.
4. Musi khumbelo yavho yo no ṱanganedzwa, mulanga dzingu vha ḓo vha humbela uri vha ḓise pulane ya ndango ya mupo na uri vha ambedzane na muṋe wa mavu, na vhane vha khou dzula kha mavu ayo lwa mulayo kana vha kwameaho.
5. Vha tea u ṋetshedza phindulo yo tou ṅwalwaho kha mulanga dzingu ya mawanwa a bvaho kha nyambedzano dzo vhaho hone hu sa athu fhela maḓuvha a 30.
6. Minisiṱa wa Zwiko zwa Minerala vha ḓo bvisa phemithi ya mugodi arali ho swikelelwa zwoṱhe zwi ṱoḓeaho.

Zwi dzhia tshifhinga tshingafhani

Sisiṱeme ya Vhulangi ha Minerala ya Afurika Tshipembe i ḓo vha ḓivhadza nga u ṱavhanya arali khumbelo yavho yo ṱanganedzwa (izwi zwi vha zwi tshi khou amba uri vho swikelela ṱhoḓea).

Ndi vhugai

Kha vha kwame Muhasho wa Zwiko zwa Minerala u ḓivha ngaha mbadelo.

Fomo dzine dza tea u ḓadziwa

Khumbelo dzi tea u iswa nga kha inthanethe.

Vha kwama nnyi